រាជធានីភ្នំពេញ៖ ដើម្បីឆ្លើយតបទៅតម្រូវការអតិថិជនជាតិនិងអន្តរជាតិនៅពេលបច្ចុប្បន្ននិងអនាគត បណ្ណាគារអន្តរជាតិ IBC បានបើកសម្ពោធសាខាថ្មីមួយបន្ថែមស្ថិតនៅជាយក្រុងភ្នំពេញ។ ប្រាប់ក្រុមអ្នកសារព័ត៌មានថ្លែងក្នុងពិធីដាក់ឱ្យដំណើរការជាផ្លូវសាខាថ្មី កាលពីថ្ងៃទី១២ ធ្នូ លោក សុខ…
រាជធានីភ្នំពេញ៖ ដើម្បីឆ្លើយតបទៅតម្រូវការអតិថិជនជាតិនិងអន្តរជាតិនៅពេលបច្ចុប្បន្ននិងអនាគត បណ្ណាគារអន្តរជាតិ IBC បានបើកសម្ពោធសាខាថ្មីមួយបន្ថែមស្ថិតនៅជាយក្រុងភ្នំពេញ។
ប្រាប់ក្រុមអ្នកសារព័ត៌មានថ្លែងក្នុងពិធីដាក់ឱ្យដំណើរការជាផ្លូវសាខាថ្មី កាលពីថ្ងៃទី១២ ធ្នូ លោក សុខ ឆាយ អគ្គនាយកបណ្ណាគារអន្តរជាតិ IBC មានប្រសាសន៍ថា ដោយមើលឃើញសេដ្ឋកិច្ចរបស់ប្រទេសកម្ពុជាមានការរីកដុះដាល ហើយការរស់នៅរបស់ប្រជាពលរដ្ឋរស់នៅតាមជាយក្រុងកាន់តែមានច្រើន ដូចនេះយើងចង់យកផ្តល់សេវាកាន់តែងាយស្រួលជូនអតិថិជន មិនចាំបាច់ចំណាយពេលវេលាច្រើនទៅរកទិញសម្ភារៈសិក្សានិងផលិតផ្សេងទៀតនៅក្នុងទីក្រុងដូចមុនៗ។
លោកអគ្គនាយកបញ្ជាក់ថា បណ្ណាគារអន្តរជាតិ IBC នៅក្នុងទីក្រុងមានដល់៥ទីតាំងអាចផ្គត់ផ្គង់គ្រប់គ្រាន់ជូនអតិថិជន។ ដូចនេះយើងបង្វែរទិសដៅមកកាន់ជាយក្រុង បើទោះបីចំនួនអតិថជនសព្វថ្ងៃមានចំនួនតិច ប៉ុន្តែនៅថ្ងៃអនាគត យើងសង្ឃឹមថាអតិថិជនមានច្រើនដូចនៅសាខានៅក្នុងទីក្រុងដូចគ្នា។
លោកលើកឡើងថា បណ្ណាគារអន្តរជាតិ IBC ជាបណ្ណាគារដែលបើកមុនគេ នៅកម្ពុជា ហើយគិតមកដល់សព្វថ្ងៃនេះមានរយៈពេលប្រហែល២៥ឆ្នាំ ក្នុងការរួមចំណែកអភិវឌ្ឍន៍សេដ្ឋកិច្ច សង្គមនិងអភិវឌ្ឍន៍សិក្សាអប់រំ ដោយបណ្ណាគារប្រមូលផ្តុំទៅដោយសម្ភារៈសិក្សា ក្បូនខ្នាតសិក្សាជាច្រើនសម្រាប់ផ្តល់ជូនពលរដ្ឋកម្ពុជាបង្កើនចំណេះដឹង ដែលធ្វើឱ្យកម្ពុជាកាន់តែសំបូរទៅដោយធនធានមនុស្ស។
បើតាមលោកអគ្គនាយក បណ្ណាគារអន្តរជាតិ IBC ផ្តោតលើកបង្ហាញនិងលក់សៀវភៅនៅក្នុងស្រុកមានជិត៨០% ព្រោះសៀវភៅបោះពុម្ពនៅក្នុងស្រុកងាយស្រួលអានហើយច្បាស់ល្អ។គិតដល់គុណភាព សូមគិតដល់បណ្ណាគារអន្តរជាតិ IBC៕ ដោយសហការ
ចែករំលែកព័តមាននេះ