ស្រុកអណ្តូងមាស ខេត្តរតនគិរី ៖ ថៅកែវៀតណាមម្នាក់ចំណាយលុយរាប់ម៉ឺនដុល្លារឱ្យជនជាតិខ្មែរមួយរូបទិញព្រៃសហគមន៍រាប់រយហិកតា ដើម្បីកាប់ឈើយកទៅប្រទេសវៀតណាម ។ ពាក់ព័ន្ធនឹងរឿងខាងលើនេះ ត្រូវបានបែកធ្លាយចេញពីប្រជាពលរដ្ឋក្នុងភូមិម្លូ ឃុំញ៉ាង ស្រុកអណ្តុងមាស…
ស្រុកអណ្តូងមាស ខេត្តរតនគិរី ៖ ថៅកែវៀតណាមម្នាក់ចំណាយលុយរាប់ម៉ឺនដុល្លារឱ្យជនជាតិខ្មែរមួយរូបទិញព្រៃសហគមន៍រាប់រយហិកតា ដើម្បីកាប់ឈើយកទៅប្រទេសវៀតណាម ។
ពាក់ព័ន្ធនឹងរឿងខាងលើនេះ ត្រូវបានបែកធ្លាយចេញពីប្រជាពលរដ្ឋក្នុងភូមិម្លូ ឃុំញ៉ាង ស្រុកអណ្តុងមាស ពួកគាត់បានខ្សឹបប្រាប់ថា បច្ចុប្បន្ននៅភូមិសាស្ត្រខាងលើ មានដីព្រៃសហគមន៍ជាង១ពាន់ហិកតា ត្រូវបានកាប់បំផ្លាញរយៈពេលជាង១ខែនេះ ស្ទើរតែជិតអស់ទៅហើយ។
ដោយមានជនជាតិខ្មែរម្នាក់យកលុយមកទិញព្រៃសហគមន៍រាប់ម៉ឺនដុល្លារ និងដាក់ម៉ាស៊ីនត្រង់ស៊ីន័រជាង១០គ្រឿង អារ និងជ្រៀក រួចដឹកតាមរថយន្តកែច្នៃអាល់ហ្វា នៅពេលយប់ចាប់ពីម៉ោង១១ រហូតដល់៣យប់ ចំនួន៣គ្រឿងបានដឹកជញ្ជូនឈើហុបធំៗយកទៅទំលាក់នៅចុងភូមិម្លូ ឃុំស្រុកខាងលើ រួចពួកឈ្មួញខាងខ្មែរបានជួលម៉ូតូជិត១០០គ្រឿង ដឹកបន្តឆ្ពោះទៅប្រទេសវៀតណាម ច្រករបៀងបាតាម ស្ថិតនៅភូមិញ៉ាង ឃុំញ៉ាង។
ប្រភពពីប្រជាពលរដ្ឋដដែលបន្តទៀតថា ខាងឈ្មួញខ្មែរដែលទទួលលុយពីវៀតណាមមកទិញព្រៃសហគមន៍ខាងលើ និងរត់ការពីថ្នាក់ក្រោមដល់ថ្នាក់លើ និងជួលម៉ូតូឱ្យដឹកឈើគិតជាគូប ក្នុង១គូប៥០ម៉ឺនរៀលមិនតែប៉ុណ្ណោះ បានបន្តទៅកាប់ឈើនៅតំបន់ព្រៃសហគមន៍ភូមិបាដល់ ក្នុងទឹកដីស្រុកអូរយ៉ាដាវ បន្ថែមទៀត។
ការដឹកជញ្ជូនឈើយ៉ាងគគ្រឹកគគ្រេងយ៉ាងនេះ គ្មានសមត្ថកិច្ចណាហ៊ានបង្ក្រាបនោះទេ ព្រោះតែលោកតាប្រាក់ ។ បើចង់ដឹងកាន់តែច្បាស់ សូមទៅសួរអ្នកភូមិម្លូ ឃុំញ៉ាង ស្រុកអណ្តូងមាស ច្បាស់ជាងអ្នកណាទាំងអស់៕
ចែករំលែកព័តមាននេះ