រាជធានីភ្នំពេញ ៖ បុរសម្នាក់កំពុងតែជិះម៉ូតូមួយគ្រឿងម៉ាកហុងដាឌ្រីមសុខៗក៏មានរថយន្តមួយគ្រឿងទៀតម៉ាកឡិចស៊ីស RX330 បើកបុកពីក្រោយ បណ្តាលឲ្យស្លាប់ភ្លាមៗនៅនឹងកន្លែងកើតហេតុ ហេតុការណ៍នេះបានកើតឡើង កាលពីវេលាម៉ោង៩និង៥០នាទីយប់ ថ្ងៃទី១២ ខែធ្នូនេះ…
រាជធានីភ្នំពេញ ៖ បុរសម្នាក់កំពុងតែជិះម៉ូតូមួយគ្រឿងម៉ាកហុងដាឌ្រីមសុខៗក៏មានរថយន្តមួយគ្រឿងទៀតម៉ាកឡិចស៊ីស RX330 បើកបុកពីក្រោយ បណ្តាលឲ្យស្លាប់ភ្លាមៗនៅនឹងកន្លែងកើតហេតុ ហេតុការណ៍នេះបានកើតឡើង កាលពីវេលាម៉ោង៩និង៥០នាទីយប់ ថ្ងៃទី១២ ខែធ្នូនេះ តាមបណ្តោយផ្លូវទំនប់កប់ស្រូវ នៅចំណុចគល់ស្ពានព្រែកភ្នៅ ស្ថិតនៅក្នុងសង្កាត់ព្រែកភ្នៅ ខណ្ឌព្រែកភ្នៅ ។
ជនរងគ្រោះដែលស្លាប់មានឈ្មោះ សយ វឿន ភេទប្រុស អាយុជាង៤០ឆ្នាំ ស្នាក់នៅភូមិតាព្រហ្ម ឃុំកំពុងអូស ស្រុកពញ្ញាឮ ខេត្តកណ្តាល ។
សាក្សីដែលឃើញហេតុការណ៍បានឲ្យដឹងថា មុនពេលកើតហេតុគេបានឃើញបុរសម្នាក់ជាជនរងគ្រោះមានឈ្មោះដូចខាងលើគាត់ជិះម៉ូតូមួយគ្រឿងម៉ាកហុងដាឌ្រីម ពណ៌ខ្មៅ ពាក់ស្លាកលេខកំពង់ស្ពី 1E-3822 បើកបរតាមបណ្តោយផ្លូវទំនប់កប់ស្រូវក្នុងទិសដៅពីកើតទៅលិច ខណៈពេលបើកមកដល់ចំណុចកើតហេតុខាងលើនេះក៏ស្រាប់តែរថយន្តបង្កមួយគ្រឿងម៉ាកឡិចស៊ីស RX-330 មិនចាំពណ៌ និងស្លាកលេខបើកបរស្របទិសដៅគ្នាក្នុងស្ថានភាពស្រវឹងស្រាជិះក្នុងរថយន្ត២ទៅ៣នាក់ បើកក្នុងល្បឿនយ៉ាងលឿនមិនបានប្រយ័ត្នក៏ជិះទៅបុកពីក្រោយម៉ូតូហុងដាឌ្រីមពេញទំហឹង បណ្តាលឲ្យម្ចាស់ម៉ូតូដួលបោកក្បាលទៅនឹងថ្នល់ស្លាប់ភ្លាមៗនៅនឹងកន្លែងកើតហេតុ ។ ចំណែកឯម៉ូតូវិញដាច់កន្ទុយស្លាកលេខភ្លាមៗនោះដែលរថយន្តបង្កមិនបានឈប់នៅដោះស្រាយគ្នានោះទេ បានបន្ថែមល្បឿនបើករត់គេចយ៉ាងលឿន ទោះបីមានកម្លាំងអាវុធហត្ថជួយដេញតាមដោយ តែសមត្ថកិច្បានចឃាត់ខ្លួនអ្នករួមដំណើរជាមួយបានម្នាក់ ឈ្មោះ ពៅ អាយុជាង៤០ឆ្នាំជាងយកទៅសួរនាំនៅប៉ុស្តិ៍ព្រែកភ្នៅ ។
ក្រោយពេលកើតហេតុសពជនរងគ្រោះត្រូវបានក្រុមគ្រួសារសាច់ញាតិដឹកយកទៅធ្វើបុណ្យនៅឯស្រុកកំណើតទៅតាមប្រពៃណី រីឯម៉ូតូវិញត្រូវបានសមត្ថកិច្ចធ្វើការវាស់វែងរួចយកទៅរក្សាទុកនៅអធិការដ្ឋានខណ្ឌព្រែកភ្នៅ ៕
ចែករំលែកព័តមាននេះ