ខេត្តកំពង់ឆ្នាំង ៖ ដើម្បីត្រៀមខ្លួនរៀបចំបុណ្យទន្លេក្នុងខែមីនា ឆ្នាំ២០១៩ ខាងមុនេះ ខេត្តកំពង់ឆ្នាំងធ្វើជាម្ចាស់ផ្ទះរដ្ឋបាលសាលាខេត្តក្រៅពីរៀបចំប្រព័ន្ធផ្លូវថ្នល់ក្រាលការ៉ូឡា និងកសាងសួនច្បារផ្សារក្រោមជាថ្មី នៅឯសួនច្បារ ពុទ្ធិសែន នាងកង្រី…
ខេត្តកំពង់ឆ្នាំង ៖ ដើម្បីត្រៀមខ្លួនរៀបចំបុណ្យទន្លេក្នុងខែមីនា ឆ្នាំ២០១៩ ខាងមុនេះ ខេត្តកំពង់ឆ្នាំងធ្វើជាម្ចាស់ផ្ទះរដ្ឋបាលសាលាខេត្តក្រៅពីរៀបចំប្រព័ន្ធផ្លូវថ្នល់ក្រាលការ៉ូឡា និងកសាងសួនច្បារផ្សារក្រោមជាថ្មី នៅឯសួនច្បារ ពុទ្ធិសែន នាងកង្រី ជិតវិមានឯករាជ្យខាងមុខមន្ទីរពេទ្យបង្អែកខេត្តកំពង់ឆ្នាំង ។
រដ្ឋបាលសាលាខេត្តក៏កំពុងរៀបចំកសាងជាថ្មីទៀតផងដែរដោយវាយកម្ទេចចោលសួន និងរូបសំណាក ចៅពុទ្ធិសែនជិះសេះ និងរូបសំណាកនាងកង្រី ចាស់ចេញដោយកសាងជាថ្មីអោយបានធំ និងសោភណ្ឌភាពល្អស្អាតជាងមុន ។
លោក ម៉ុន វុត្ថា មន្ត្រីហិរញ្ញវត្ថុសាលាខេត្តកំពង់ឆ្នាំងបាននិយាយអោយដឹងថា រូបសំណាកចៅពុទ្ធិសែន និង នាងកង្រី ចាស់គឺតូច និងមិនមានសោភណ្ឌភាពស្អាតល្អនោះទេរូបសំណាកទាំងពីរនេះកសាងឡើងតាំងពីសម័យលោក ភោគ សាមឿន ជាអភិបាលខេត្តមកម្ល៉េះគឺយូរឆ្នាំណាស់មកហើយ ។
លោក ម៉ុន វុត្ថា បានបញ្ជាក់ថា ចំពោះការចំណាយក្នុងការកសាងសួនថ្មីនេះត្រូវចំណាយថវិការប្រមាណជាង៤ម៉ឺនដុល្លារដែលជាថវិការបានមកពីការវិនិយោគទន់ កំពង់ដរនៅក្នុងភូមិកំពង់ក្តារ ឃុំកំពង់ត្រឡាច ស្រុកកំពង់ត្រឡាច ដែលគណៈអភិលបានខេត្តបានប្រជុំឯកភាពគ្នាកាលពីពេលកន្លងទៅ ។ ចំណែកការកសាង របស់ក្រុមជាងក្នុងកិច្ចកុងត្រានឹងបញ្ចប់នៅចុងខែធ្នូនេះនឹងរួចរាល់ជាស្ថាពរ ៕
ចែករំលែកព័តមាននេះ