រាជធានីភ្នំពេញ ៖ សង្វៀនជល់មាន់លួចលាក់ទ្រង់ទ្រាយធំមួយកន្លែងនៅសង្កាត់កោះដាច់ ត្រូវបានគណៈបញ្ជាការឯកភាពខណ្ឌជ្រោយចង្វារចុះទៅរុះរើ និងប្រមូលយករបស់របរយកទៅទុកស្នាក់ការនគរបាលប៉ុស្តិ៍ ។
ការរុះរើសង្វៀនជល់មាន់នេះបានធ្វើឡើងកាលពីវេលាម៉ោង៥ល្ងាចថ្ងៃទី៦ ខែធ្នូ ឆ្នាំ២០១៨ នៅចំណុចភូមិក្បាលកោះ សង្កាត់កោះដាច់ ខណ្ឌជ្រោយចង្វា ក្រោមការដឹកនាំដោយអភិបាលរង២រូបគឺលោក ហ៊ុយ សារុណ និងលោក កៅ សារ៉ាវុធ ក្រោមបញ្ជាផ្ទាល់ពីលោកឃ្លាំងហួត អភិបាលខណ្ឌជ្រោយចង្វារ។
តាមអាជ្ញាធរ បានអោយដឹងថា សម្ភារៈសំណង់រោងឈើប្រក់កៅស៊ូតង់នៅដីឡូតិ៍មួយកន្លែង ដែលជាសង្វៀនជល់មាន់ត្រូវបានអាជ្ញាធររុះរើប្រមូលយកទាំងអស់។
តាមព័ត៌មានអោយដឹងថា ទីតាំងដីសង្វៀនជល់មាន់នេះមានម្ចាស់ឈ្មោះ សុខ ពិសៀង និងឈ្មោះសុខ ពិសិដ្ឋ ជាបងប្អូនបង្កើតនឹងគ្នា មានលំនៅភូមិក្បាលកោះ បានជួលទៅអោយគេធ្វើរោងបើកសង្វៀនជល់មានជាទ្រង់ទ្រាយធំ និងមានអ្នករត់ការបើកអោយលេងភ្នាល់មាន់ អាប៉ោងយ៉ាងពពាក់ពពួនដោយមានខ្នងទៀតផង។
តាមព័ត៌មានអោយដឹងទៀតថា ដោយសារតែខ្លាចទើសទាល់ អាជ្ញាធរមិនបានចុះបង្ក្រាបនោះទេ គឺគ្រាន់តែចុះរុះរើរោងនៅចុងម៉ោងតែប៉ុណ្ណោះ ៕
ចែករំលែកព័តមាននេះ