រលកជីវិតបាននិងកំពុងរុញច្រានតារាទឹកមុខស្រទន់ស្រអែមស្រស់ និងជា Freshie Contest ចំណាត់ថ្នាក់លេខ៤ ក្នុងឆ្នាំ២០០៦ សារាយ សក្ខណា ឱ្យឈានដល់ការបញ្ចប់អាជីពសិល្បៈទាំងបង្ខំ និងអាឡោះអាល័យ ដោយបុព្វហេតុដើម្បីគ្រួសារថ្មី និងស្វាមីទៅរស់នៅសហរដ្ឋអាមេរិកដែលពេលវេលានេះនៅសល់តែប្រហែល៦ខែទៀតប៉ុណ្ណោះ វានឹងចូលមកដល់… មានន័យថា នាងនឹងរៀបការនៅសិសិររដូវខាងមុខនេះ ។
រលកជីវិតបាននិងកំពុងរុញច្រានតារាទឹកមុខស្រទន់ស្រអែមស្រស់ និងជា Freshie Contest ចំណាត់ថ្នាក់លេខ៤ ក្នុងឆ្នាំ២០០៦ សារាយ សក្ខណា ឱ្យឈានដល់ការបញ្ចប់អាជីពសិល្បៈទាំងបង្ខំ និងអាឡោះអាល័យ ដោយបុព្វហេតុដើម្បីគ្រួសារថ្មី និងស្វាមីទៅរស់នៅសហរដ្ឋអាមេរិកដែលពេលវេលានេះនៅសល់តែប្រហែល៦ខែទៀតប៉ុណ្ណោះ វានឹងចូលមកដល់… មានន័យថា នាងនឹងរៀបការនៅសិសិររដូវខាងមុខនេះ ។
ទូរស័ព្ទសារាយ សក្ខណា ត្រូវបានអ្នកយកព័ត៌មានយើងខលចូល ប៉ុន្តែម្តាយរបស់នាងជាអ្នកលើកនិយាយជំនួសដោយប្រាប់ថា សារាយ សក្ខណា ពិតជាត្រូវរៀបការជាមួយស្វាមីអាណិកជនជាមេធាវីនៅចុងខែធ្នូ ២០១៣ នេះប្រាកដមែន… ពេលរៀបការរួចកូនស្រីនេះនឹងទៅរស់នៅសហរដ្ឋអាមេរិកសាងជីវិតគ្រួសារថ្មីជាមួយស្វាមីរបស់គេ ។
ពាក់ព័ន្ធនឹងអាជីពសិល្បៈថាតើត្រូវបន្ត ឬយ៉ាងណា នៅពេលដែលនាងបញ្ចប់ភាពនៅលីវហើយនោះ? អ្នកស្រីជាម្តាយតារាឡើងកូដជាតួឯកភាពយន្ត និងជាពិធីការិនីទូរទស្សន៍ហង្សមាសដ៏ល្វត់ល្វន់នេះ បានបញ្ជាក់ថា បើតាមបំណងរបស់សារាយ សក្ខណា អាចឈានទៅបញ្ចប់អាជីពសិល្បៈនោះតែម្តង ព្រោះនាងត្រូវគិតគូរពីប្តី និងខិតខំកសាងគ្រួសារថ្មីឱ្យប្រកបដោយសុភមង្គល និងជ្រះថ្លា ។
អ្នកស្រីរូបនេះនិយាយពីបំណងកូនស្រី ដែលបានជោគជ័យក្នុងជីវិតសិល្បៈ និងថតភាពយន្តយ៉ាងហោចណាស់២០រឿង ព្រមទាំងអនាគតស្វាមីទៀតថា បើតាមអនាគតប្តីរបស់នាង គឺចង់ឱ្យនាងសារាយ សក្ខណា នៅបន្តថតសម្តែងច្រៀងតទៅទៀត ព្រោះថា មិនចង់ផ្តាច់និស្ស័យរបស់សារាយ សក្ខណា ពេកនោះទេ… ប៉ុន្តែសារាយ សក្ខណា វិញ ចង់បញ្ចប់ឱ្យដាច់ស្រេចតែម្តង គឺដើម្បីកុំឱ្យមានការមន្ទិល និងភាពរកាំរកូសនឹងគ្នា (ភរិយា-ស្វាមី) ព្រោះថា ការសម្តែងតែងតែមានតួប្រុសថតកៀកកើយ ស្និទ្ធស្នាល អាចនឹងធ្វើឱ្យប្តីមានអារម្មណ៍មិនល្អ… ទីបំផុតវានឹងមានបញ្ហា ដូច្នេះនាងមិនចង់ទេ។
តារាសម្តែងមនោសញ្ចេតនាមានទឹកមុខស្រទន់ស្រស់ស្អាតកម្រមានរឿងអាស្រូវអាយុ២២ឆ្នាំ សារាយ សក្ខណា ត្រូវបានម្តាយនាងប្រាប់ថា ពេលនេះនាងកំពុងតែកាត់បន្ថយការថតស្ប៉ត និងភាពយន្តជាបណ្តើរៗហើយ នៅតែច្រៀងប៉ុណ្ណោះ… ពោលគឺកិច្ចការចាស់ៗដែលជាប់កុងត្រានៅធ្វើ ដើម្បីបញ្ចប់ ចំណែកឯកុងត្រាថ្មី នាងអត់ហ៊ានទទួលធ្វើទេ ព្រោះខ្លាចថតឱ្យគេមិនទាន់ ឬធ្វើកិច្ចការនោះអត់បាន នាំគេស្តីបន្ទោស ដោយសារតែរៀបការហើយ នាងនឹងទៅរស់នៅសហរដ្ឋអាេមរិកជាមួយប្តី ។ សព្វថ្ងៃនេះនាងនៅធ្វើតែកិច្ចការដើរម៉ូដ, ពិធីការិនីនៅទូរទស្សន៍ហង្សមាស ក្នុងកម្មវិធីតន្ត្រី លើទឹក, កម្មវិធីបង្ហាញផលិតផល ស៊ុនស៊ីម៉ិចកូ រៀងរាល់រាត្រីថ្ងៃសុក្រ និងទទួលច្រៀងនៅតាមពិធីផ្សេងៗប៉ុណ្ណោះ៕
ចែករំលែកព័តមាននេះ