រាជធានីភ្នំពេញ ៖ សម្តេចក្រឡាហោម ស ខេង ឧបកនាយករដ្ឋមន្ត្រី រដ្ឋមន្ត្រីក្រសួងមហាផ្ទៃបានអះអាងថា ការធ្វើវិសោធនកម្មច្បាប់ស្តីពីគណបក្សនយោបាយ គឺដើម្បីផ្តល់លទ្ធភាព ឬក៏…
រាជធានីភ្នំពេញ ៖ សម្តេចក្រឡាហោម ស ខេង ឧបកនាយករដ្ឋមន្ត្រី រដ្ឋមន្ត្រីក្រសួងមហាផ្ទៃបានអះអាងថា ការធ្វើវិសោធនកម្មច្បាប់ស្តីពីគណបក្សនយោបាយ គឺដើម្បីផ្តល់លទ្ធភាព ឬក៏ ជាការបើកផ្លូវដល់អ្នកនយោបាយរបស់គណបក្សប្រឆាំងដែលគោរពសាលក្រមតុលាការកំពូល ហើយជាប់បម្រាមឲ្យរួចផុតពីបម្រាមអាចធ្វើនយោបាយវិញបាន ។
ការលើកឡើងរបស់ប្រមុខដឹកនាំក្រសួងមហាផ្ទៃនេះ ខណៈដែលរដ្ឋសភាកំពុងប្រញាប់ប្រញាល់ក្នុងការសិក្សាសេចក្តីស្នើស្តីពីគណបក្សនយោបាយមាត្រា៤៥ថ្មី (ស្ទូន) ដើម្បីដាក់ឲ្យរដ្ឋសភាកំណត់ថ្ងៃបើកកិច្ចប្រជុំអនុម័តនៅក្នុងពេលឆាប់ៗខាងមុខនេះ ។ ថ្លែងក្នុងសិក្ខាសាលាផ្សព្វផ្សាយអំពីតួនាទីភារកិច្ចរបស់គណៈកម្មាធិការជាតិប្រឆាំងទារុណកម្ម និងការអនុវត្តបទដ្ឋានសិទ្ធិមនុស្សអន្តរជាតិនាព្រឹកថ្ងៃថ្ងៃទី៤ ខែធ្នូ ឆ្នាំ២០១៨ នៅសណ្ឋាគាររ៉ាហ្វលឡឺរ៉ូយ៉ាល់សម្តេចសខេងបានបញ្ជាក់ថា «គណបក្សនយោបាយដែលត្រូវរំលាយ គឺជាលទ្ធផលនូវសកម្មភាពខ្លួនឯងទេ! មិនមែនជាការធ្វើទុក្ខបុម្នេញពីអ្នកផ្សេងទេ ។ គឺជាកំហុសរបស់ខ្លួនឯង ជៀសវាងថា បើកបញ្ហាមិនចំទេថា គេរំលាយដោយសារគេរំលាយនោះវាមិនត្រូវទេ យើងមិនមើលកំហុសខ្លួនយើងផងអីញ្ចឹងម្នាក់ៗមើលកំហុសខ្លួនឯងសិន តើយើងមានអ្វី ? មិននៅស្ងៀមៗទេរំលាយទេ ! នេះនិយាយឲ្យច្បាស់ និងនិយាយឲ្យការពិត» ។
ជាមួយគ្នានោះដែរសម្តេចក៏បានលើកឡើងថា ទោះបីជាយ៉ាងណាក្តីនៅក្នុងបម្រាមអ្នកនយោបាយ១១៨នាក់ មានតែមួយចំនួនប៉ុណ្ណោះ ដែលមិនគោរពតាមសាលក្រមតុលាការកំពូលតែមួយចំនួនភាគីច្រើនគេគោរព ។ សម្តេចបញ្ជាក់ថា «នេះក៏យើងទទួលស្គាល់ការពិត លើកលែងតែថា ទាំងនេះទាល់តែ៥ឆ្នាំបានផុតទោះបីជាអ្នកគោរព ឬមិនគោរពដ៏ដោយ ឬក៏គាត់គិតបែបនឹង ។ តាមពិតគេគោរពមួយចំនួននេះយើងទទួលស្គាល់ ។ ប៉ុន្តែសាលាក្រមតុលាការកំពូលបានដាក់បម្រាមអ្នក១១៨នាក់នឹង គឺបិទផ្លូវតវ៉ាមិនមានច្រកចេញបានទេអីចឹងដើម្បីដោះស្រាយបញ្ហានេះមានតែធ្វើវិសោនកម្មច្បាប់នេះ ដើម្បីជាច្រកចេញ» ។
សម្តេចស ខេង បានឲ្យដឹងថា រដ្ឋសភាបានកំពុងធ្វើសេចក្តីស្នើច្បាប់ (ច្បាប់មានសេចក្តីព្រាងច្បាប់ និងសេចក្តីស្នើច្បាប់) សេចក្តីព្រាងច្បាប់ គឺច្បាប់ដែលព្រាងពីរាជរដ្ឋាភិបាលឯសេចក្តីស្នើច្បាប់ គឺតំណាងរាស្ត្រមានសិទ្ធិធ្វើសេចក្តីស្នើច្បាប់ ។ សម្តេចគូសបញ្ជាក់ថា «សេចក្តីស្នើច្បាប់នេះ គឺដើម្បីផ្តល់និតីសម្បទាដល់អ្នកគោរពសាលក្រមហ្នឹង ដើម្បីលទ្ធភាពដល់អ្នកគោរពសាលក្រមមានលទ្ធភាពដកចេញនូវបម្រាមហាមឃាត់ធ្វើនយោបាយ» ។
សូមជម្រាបថា កាលពីថ្ងៃទីល្ងាចថ្ងៃទី៣ ធ្នូនេះ បានធ្វើសន្និសីទសារព័ត៌មាន ដើម្បីបង្ហាញពីខ្លឹមសារនៃការធ្វើវិសោធនកម្មសេចក្តីស្នើច្បាប់ស្តីពីគណបក្សនយោបាយត្រង់មាត្រា៤៥ថ្មី(ស្ទួន) ដោយខ្លឹមសារវិសោធន គឺវិសោធនកម្មមាត្រា៤៥ថ្មី (ស្ទួន) នៃច្បាប់ស្តីពីគណបក្សន យោបាយទៅមាត្រា៤៥ថ្មី(ស្ទូនមួយ) ។ មាត្រា៤៥ថ្មី (ស្ទួនមួយ) មានខ្លឹមសារយ៉ាងដូច្នេះថា បុគ្គលដែលត្រូវតុលាការសម្រេចហាមឃាត់ការធ្វើសកម្មភាពនយោបាយមិនអាចបង្កើតគណ បក្សនយោបាយ ឬចូលរួមក្នុងគណបក្សនយោបាយណាមួយ ឬឈរឈ្មោះឲ្យគេបោះឆ្នោត ឬធ្វើសកម្មភាពណាមួយគាំទ្រ ឬប្រឆាំងគណបក្សណាមួយបានឡើយ ។
បុគ្គលដែលបានតុលាការសម្រេចហាមឃាត់ការធ្វើសកម្មភាពនយោបាយនេះនឹងអាចទទួលបានវិញនូវសិទ្ធិនយោបាយពេញលេញដោយពេញច្បាប់បន្ទាប់ពីផុតរយៈពេលនៃការហាម ឃាត់ ដែលកំណត់ដោយសាលដីការរបស់តុលាការកំពូល ឬក្នុងករណីដែលបុគ្គលនោះត្រូវ បានផ្តល់នីតិសម្បទាឡើងវិញដោយព្រះមហាក្សត្រតាមដំណើរបស់នាយករដ្ឋមន្ត្រី តាមសេច ក្តីស្នើសុំរបស់រដ្ឋមន្ត្រីក្រសួងមហាផ្ទៃ ។
សេចក្តីស្នើច្បាប់នេះបញ្ជាក់ស្រាប់វិសោធនកម្មខាងលើមានគោលដៅសំខាន់ៗ គឺបញ្ជាក់ឲ្យច្បាប់តាមផ្លូវច្បាប់អំពីករណីបុគ្គលដែលត្រូវបានតុលាការហាមឃាត់ការធ្វើសកម្មភាពនយោបាយ ។ វិសោធកម្មច្បាប់នេះក៏មានគោលបំណងពង្រឹងលទ្ធិប្រជាធិតេយ្យសេរីពហុបក្ស នីតិរដ្ឋព្រមទាំងលើកកម្ពស់ស្មារតីបង្រួបបង្រួមជាតិផងដែរ ៕
ចែករំលែកព័តមាននេះ