ខេត្តស្ទឹងត្រែង ៖ អាជ្ញាធរស្រុកថាឡាបរិវ៉ាត់ខេត្តស្ទឹងត្រែងប្រកាសចាត់វិធានការចំពោះជនខិលខូច ដែលប៉ុនប៉ងលួចកាប់ព្រៃឈើយកធ្វើជាផលប្រយោជន៍ផ្ទាល់ខ្លួន ។ ការប្រកាសបែបនេះបានធ្វើឡើងនៅឃុំអន្លង់ជ្រៃ ស្រុកថាឡាបរិវ៉ាត់ ក្នុងគោលបំណងការពារសម្បត្តិធនធានធម្មជាតិ ចុងក្រោយនៅតំបន់ភ្នំនាគខៀវ ។…
ខេត្តស្ទឹងត្រែង ៖ អាជ្ញាធរស្រុកថាឡាបរិវ៉ាត់ខេត្តស្ទឹងត្រែងប្រកាសចាត់វិធានការចំពោះជនខិលខូច ដែលប៉ុនប៉ងលួចកាប់ព្រៃឈើយកធ្វើជាផលប្រយោជន៍ផ្ទាល់ខ្លួន ។ ការប្រកាសបែបនេះបានធ្វើឡើងនៅឃុំអន្លង់ជ្រៃ ស្រុកថាឡាបរិវ៉ាត់ ក្នុងគោលបំណងការពារសម្បត្តិធនធានធម្មជាតិ ចុងក្រោយនៅតំបន់ភ្នំនាគខៀវ ។
នៅតំបន់ភ្នំនាគខៀវឃុំអន្លង់ជ្រៃស្រុកថាឡាបរិវា់ត់ខេត្ត ស្ទឹងត្រែង ថ្ងៃទី៤ ខែធ្នូ ឆ្នាំ២០១៨ នេះលោក អ៊ុក ប៊ុនថន អភិបាលរងស្រុកថាឡាបរិវ៉ាតបានបញ្ជាក់ថា អាជ្ញាធរស្រុកនឹងសហការជាមួយមន្ទីរទេសចរណ៍នៅឆ្នាំខាងមុខនឹងរៀបចំបង្កើតតំបន់នេះឱ្យទៅជារមណីយដ្ឋានអេកូទេសចរណ៍ ព្រោះសក្តានុពលនៅទីនេះមានច្រើនគ្រប់ប្រភេទដូចជា ល្អាងថ្ម ដើមឈើធំៗសម្រាប់ទាក់ទាញភ្ញៀវទេសចរណ៍ចូលមកទស្សនា ដូចនេះស្នើឱ្យបងប្អូនប្រជាពលរដ្ឋជួយអភិរក្សការពារធនធានទាំងនេះកុំឱ្យវាបាត់បង់តទៅទៀត ។ តំបន់នោះមានព្រៃនឹងដើមឈើធំៗ ហើយមានពពួកសត្វស្លាប់នឹងសត្វចតុបាតផ្សេងៗកំពុងផ្តុំគ្នារស់នៅក្នុងព្រៃនេះ ដែលជាជម្រកចុងក្រោយរបស់វា ហើយបងប្អូនប្រជាពលរដ្ឋត្រូវចូលរួមថែរក្សាឱ្យមានប្រសិទ្ធភាព ។
លោក ម៉ៅ ថន តំណាងឱ្យប្រជាពលរដ្ឋនៅភូមិស្រឡៅបានចាត់ទុកថា នេះជាសម្បត្តិដ៍ល្អសម្រាប់កូនចៅជំនាន់ក្រាយបានឃើញនឹងបានស្គាល់នឹងបន្តនាំគ្នាការពារតំបន់ភ្នំនាគខៀវនេះ ។ លោកអះអាងថា ប្រជាពលរដ្ឋនៅតំបន់នេះប្តេជ្ញារួមគ្នាចាំឃ្លំមើលគ្រប់សកម្មភាព មិនឱ្យជនខិលខូចចូលមកកាប់បំផ្លាញទៀតទេ ព្រោះព្រៃនៅតំបន់នេះវានៅសេសសល់តិចតួចតែប៉ុណ្ណោះ ។
សូមបញ្ជាក់ថា តំបន់អភិរក្សភ្នំនាគខៀវនេះមានទំហ៊ំផ្ទៃដីទទឹង៣.០០០ម៉ែត្រ បណ្តោយ៧.០០០ម៉ែត្រដែលមានព្រៃក្រាស់នឹងដើមឈើធំៗបង្ហាញពីសម្បត្តិធនធានធម្មជាតិដែលនៅសេសសល់ចុងក្រោយ ៕
ចែករំលែកព័តមាននេះ