ខេត្តបាត់ដំបង ៖ ជនជាតិវៀតណាមចំនួន៦នាក់ និងជនជាតិខ្មែរចំនួន២នាក់ក្នុងចំណោម១០នាក់ ត្រូវបានកម្លាំងសមត្ថកិច្ចចាប់ខ្លួន ក្នុងនោះមានស្ត្រីម្នាក់ផងដែរ បានលួចជីកកំណប់ក្រោមរូបសំណាកតោស្ពានថ្មចាស់ ខាងមុខសាលាខេត្តបាត់ដំបង កាលពីវេលារំលងអធ្រាត្រឈានចូលថ្ងៃទី២២ មិថុនា ២០១៣ ប៉ុន្តែសមត្ថកិច្ចស្ទាក់ចាប់បានជាបន្តបន្ទាប់នៅវេលាទៀបភ្លឺ ។ ក្រុមនេះមាន
ខេត្តបាត់ដំបង ៖ ជនជាតិវៀតណាមចំនួន៦នាក់ និងជនជាតិខ្មែរចំនួន២នាក់ក្នុងចំណោម១០នាក់ ត្រូវបានកម្លាំងសមត្ថកិច្ចចាប់ខ្លួន ក្នុងនោះមានស្ត្រីម្នាក់ផងដែរ បានលួចជីកកំណប់ក្រោមរូបសំណាកតោស្ពានថ្មចាស់ ខាងមុខសាលាខេត្តបាត់ដំបង កាលពីវេលារំលងអធ្រាត្រឈានចូលថ្ងៃទី២២ មិថុនា ២០១៣ ប៉ុន្តែសមត្ថកិច្ចស្ទាក់ចាប់បានជាបន្តបន្ទាប់នៅវេលាទៀបភ្លឺ ។ ក្រុមនេះមានរថយន្តម៉ាក ISUZU ស៊េរីឆ្នាំ២០១២ ពណ៌ទឹកប្រាក់ ពាក់ស្លាកលេខភ្នំពេញ 2V-2238 .
សមត្ថកិច្ចបានឱ្យដឹងថា ក្រោយពីឃាត់ខ្លួន គេរកមិនឃើញសម្ភារដែលក្រុមនេះបានជីកនោះទេ តែមានសម្ភារសម្រាប់ជីកកំណប់។ ក្រុមនេះបានប្រើប្រាស់ចបជីក ញញួរ ប៉ែល និងសម្ភារមួយចំនួនដែលទើបទិញពីផ្សារ ។ នៅទីតាំងជីកកំណប់ គេឃើញមានស្នាមជីកលុងចូលទៅក្រោមរូបសំណាកតោ ដែលមនុស្សអាចចូលក្រោមនោះបាន ។
ក្រោយពីបែកការណ៍ក្រុមនេះមួយចំនួនបានឡើងរថយន្តជិះគេចខ្លួន និងមួយចំនួនរត់ឆ្លងស្ទឹង ហើយត្រូវសមត្ចកិច្ចចាប់ខ្លួនបានម្នាក់ភ្លាមៗដែរ ។ រីឯរថយន្តត្រូវសមត្ថកិច្ចស្រុកមោងប្ញស្សីស្ទាក់ចាប់បាន ខណៈដែលព្យាយាមបើករត់ឆ្ពោះទៅភ្នំពេញ ។ សមត្ថកិច្ចជំនាញកំពុងសាកសួរក្រុមជីកកំណប់ទាំងនោះនៅការិយាល័យព្រហ្មទណ្ឌកម្រិតស្រាល ប៉ុន្តែវិធានការបែបណានៅមិនទាន់ដឹងនៅឡើយទេ ៕
ចែករំលែកព័តមាននេះ