សហរដ្ឋអាមេរិក ៖ ការរញ្ជួយដីខ្លាំងមួយកម្លាំង៧រីស្ទ័រ កើតមានកាលពីព្រឹកថ្ងៃទី៣០វិច្ឆិកា នៅភាគខាងត្បូងអាឡាស្កានាំឲ្យមានការភ័យជ្រូលច្របល់នៅទីក្រុង ANCHORAGE ជាទីក្រុងសំខាន់នៃរដ្ឋអាមេរិកនោះ ទោះជាធ្លាប់ជួបប្រទះការរញ្ជួយដីញឹកញាប់នៅទីនោះក្ដី។ ការរញ្ជួយដីនេះបណ្ដាលឲ្យបាក់និងប្រេះផ្លូវថ្នល់នានា ព្រមទាំងបណ្ដាអគារហើយទំនិញទាំងឡាយក្នុងហាងរង្គើធ្លាក់ចុះ។…
សហរដ្ឋអាមេរិក ៖ ការរញ្ជួយដីខ្លាំងមួយកម្លាំង៧រីស្ទ័រ កើតមានកាលពីព្រឹកថ្ងៃទី៣០វិច្ឆិកា នៅភាគខាងត្បូងអាឡាស្កានាំឲ្យមានការភ័យជ្រូលច្របល់នៅទីក្រុង ANCHORAGE ជាទីក្រុងសំខាន់នៃរដ្ឋអាមេរិកនោះ ទោះជាធ្លាប់ជួបប្រទះការរញ្ជួយដីញឹកញាប់នៅទីនោះក្ដី។
ការរញ្ជួយដីនេះបណ្ដាលឲ្យបាក់និងប្រេះផ្លូវថ្នល់នានា ព្រមទាំងបណ្ដាអគារហើយទំនិញទាំងឡាយក្នុងហាងរង្គើធ្លាក់ចុះ។
នាថ្ងៃទី៣០វិច្ឆិកានោះពុំមានសេចក្ដីរាយការណ៍ពីមនុស្សស្លាប់ឡើយ តែមនុស្សច្រើននាក់រងរបួស ពិសេសដោយសារត្រូវអំបែងកញ្ចក់និងរបស់នានាធ្លាក់ត្រូវមកពីការរញ្ជួយ។ចំណុចកណ្ដាលរបស់វាស្ថិតនៅចម្ងាយតែ១៣គីឡូម៉ែត្រប៉ុណ្ណោះខាងជើងក្រុងANCHORAGE មានប្រជាជនប្រមាណជា៣០០.០០០នាក់។
ប៉ូលិសរៀបរាប់ពីការខូចខាតហេដ្ឋារចនាសម្ព័ន្ធច្រើន។ ផ្ទះនិងអគារជាច្រើនរងការខូតខាត។ ផ្លូវថ្នល់និងស្ពាននានាត្រូវបាក់។ យោងតាមទីភ្នាក់ងារភូគម្ភសាស្ត្រអាមេរិកUSGSថា ការរញ្ជួយដីកើតមាននាវេលាម៉ោង៨និង២៩នាទីម៉ោងក្នុងស្រុកហើយមានជម្រៅ៤១គីឡូម៉ែត្រ៕
ចែករំលែកព័តមាននេះ