ខេត្តកំពង់ស្ពឺ ៖ មានករណីប្លន់ដ៏ព្រហើនមួយដែលជនសង្ស័យមានគ្នាតែម្នាក់ឯងពាក់ស្រោមមុខជិតចូលតាមទ្វារក្រោយក្នុងហាងលក់ស៊ុបមួយកន្លែង ខណៈពេលដែលមនុស្សម្នាកំពុងអង្គុយហូបស៊ុប ហើយក៏បានដកកាំភ្លើងខ្លីភ្ជង់កូនស្រីម្ចាស់ផ្ទះគំរាមឱ្យយកលុយ បង្កឱ្យភ្ញាក់ផ្អើលកាលពីវេលាម៉ោង១០ និង១៥នាទីយប់ថ្ងៃទី២១ មិថុនា ២០១៣ ស្ថិតក្នុងភូមិស្វាយក្រវ៉ាន់ សង្កាត់ស្វាយ
ខេត្តកំពង់ស្ពឺ ៖ មានករណីប្លន់ដ៏ព្រហើនមួយដែលជនសង្ស័យមានគ្នាតែម្នាក់ឯងពាក់ស្រោមមុខជិតចូលតាមទ្វារក្រោយក្នុងហាងលក់ស៊ុបមួយកន្លែង ខណៈពេលដែលមនុស្សម្នាកំពុងអង្គុយហូបស៊ុប ហើយក៏បានដកកាំភ្លើងខ្លីភ្ជង់កូនស្រីម្ចាស់ផ្ទះគំរាមឱ្យយកលុយ បង្កឱ្យភ្ញាក់ផ្អើលកាលពីវេលាម៉ោង១០ និង១៥នាទីយប់ថ្ងៃទី២១ មិថុនា ២០១៣ ស្ថិតក្នុងភូមិស្វាយក្រវ៉ាន់ សង្កាត់ស្វាយក្រវ៉ាន់ ក្រុងច្បារមាន ។
បើតាមការរៀបរាប់របស់ស្ត្រីរងគ្រោះជាម្ចាស់ផ្ទះឈ្មោះទូច សុផល អាយុ៥១ឆ្នាំបានឱ្យដឹងថា មុនពេលកើតហេតុ គាត់បានដើរទៅខាងក្រោយផ្ទះ ហើយក៏បានប្រទះឃើញជនសង្ស័យម្នាក់ពាក់ស្រោមមុខ និងកំពុងដកកាំភ្លើងភ្ជង់កូនស្រីរបស់គាត់ ហើយគំរាមឱ្យគាត់ចូលទៅយកលុយបានចំនួន៤លានរៀល និងទូរស័ព្ទដៃ១គ្រឿង ។ បន្ទាប់ពីយកលុយបានហើយ ជនសង្ស័យក៏បានរត់ទៅទិសខាងជើង និងបានបាញ់គំរាមឡើងលើចំនួន២គ្រាប់ ហើយក៏រត់ទៅដោយសុវត្ថិភាព ។ សមត្ថកិច្ចកំពុងធ្វើការស្រាវជ្រាវ ដើម្បីស្វែងរកជនសង្ស័យ ៕
ចែករំលែកព័តមាននេះ