ខេត្តរតនគិរី ៖ បុរសម្នាក់បានត្រូវឈើសង្កត់ស្លាប់ ខណៈបើកម៉ូតូដឹកឈើប្រណីតចុះផ្លូវចំណោតហើយដួលម៉ូតូ កាលពីវេលាម៉ោង៣និង១៥នាទីរសៀលថ្ងៃទី១៨ មិថុនា កន្លងមក នៅចំណុចភ្នំជ្រៃ លើផ្លូវក្រាលក្រួសក្រហមក្នុងភូមិតាងា៉ច ឃុំប៉ូយ ស្រុកអូរជុំ ។ ក្រោយពីកើតហេតុប្រមាណ៣០នាទី ទើបមានសមត្ថកិច្ចស្រុកអូរជុំសហការជាមួយប៉ូលិសប៉ុស្តិ៍ឃុំប៉ូយ ចុះទៅពិនិត្យ ។
ខេត្តរតនគិរី ៖ បុរសម្នាក់បានត្រូវឈើសង្កត់ស្លាប់ ខណៈបើកម៉ូតូដឹកឈើប្រណីតចុះផ្លូវចំណោតហើយដួលម៉ូតូ កាលពីវេលាម៉ោង៣និង១៥នាទីរសៀលថ្ងៃទី១៨ មិថុនា កន្លងមក នៅចំណុចភ្នំជ្រៃ លើផ្លូវក្រាលក្រួសក្រហមក្នុងភូមិតាង៉ាច ឃុំប៉ូយ ស្រុកអូរជុំ ។ ក្រោយពីកើតហេតុប្រមាណ៣០នាទី ទើបមានសមត្ថកិច្ចស្រុកអូរជុំសហការជាមួយប៉ូលិសប៉ុស្តិ៍ឃុំប៉ូយ ចុះទៅពិនិត្យ ។
តាមប្រភពព័ត៌មានពីលោក ចំឡង ជ្រឺម នាយប៉ុស្តិ៍ឃុំប៉ូយឱ្យដឹងថា បុរសដែលស្លាប់នេះឈ្មោះ អួ គឹមអីុ អាយុ៣០ឆ្នាំ មានស្រុកកំណើតនៅស្រុកចំការលើ ខេត្តកំពង់ចាម ប្រពន្ធឈ្មោះ ម៉ូ ស៊ីធឿន អាយុ៣៥ឆ្នាំ មានកូនស្រីម្នាក់អាយុ១ឆ្នាំកន្លះ តែបានមកជួលផ្ទះស្នាក់នៅខាងក្រោយមន្ទីរពេទ្យបង្អែកខេត្ត ហើយប្រកបរបរដឹកឈើប្រណីតតាមម៉ូតូ ។ លោកនាយប៉ុស្តិ៍បន្តទៀតថា តាមការត្រួតពិនិត្យនៅកន្លែងកើតហេតុឃើញមានម៉ូតូសង់កូរ៉េពណ៌ក្រហម១គ្រឿងជារបស់ជនរងគ្រោះ និងមានឈើប្រណីតចំនួន៦ដុំមានមុខកាត់ ៣០គុណ១៥ ប្រវែង១ទៅ២តឹក ។ ជនរងគ្រោះបើកម៉ូតូចុះចំណោតជ្រៅបណ្តាលឱ្យដួលម៉ូតូបីបួនត្រឡប់សង្កត់ពីលើ ហើយឈើក៏បុកក្បាលពីក្រោយបែកលលាដ៍ស្លាប់ភ្លាមៗនៅកន្លែងកើតហេតុតែម្តង ម៉ូតូបានដាច់ចង្កូត ។ ទាំងម៉ូតូ និងឈើប្រណីតប្រភេទធ្នង់ចំនួន៦ដុំត្រូវបានយកទៅថែរក្សាទុកនៅប៉ុស្តិ៍នគរបាលឃុំប៉ូយ ។ ចំណែកសាកសព សមត្ថកិច្ចបានប្រគល់ឱ្យទៅសាច់ញាតិយកទៅធ្វើបុណ្យនៅឯស្រុកកំណើតក្នុងខេត្តកំពង់ចាម ។
តាមប្រភពព័ត៌មានពីក្រុមអ្នករកស៊ីដឹកឈើប្រណីតតាមម៉ូតូបានឱ្យដឹងថា ពួកគាត់ដឹកក្នុងមួយម៉ូតូបានចំនួន៥ទៅ៦ដុំ ដោយទិញឈើប្រណីតប្រភេទធ្នង់នេះពីក្នុងព្រៃសហគមន៍នានា ក្នុងស្រុកតាវែង និងស្រុកវើនសៃ យកមកលក់ឱ្យមេឈ្មួញធំ ដែលមានរថយន្តទំនើបៗក្នុងក្រុងបានលុង ហើយក្នុងមួយជើងៗចំណេញបាន៥ទៅ៦ម៉ឺនរៀល ។ មូលហេតុមិនសូវចំណេញដោយសារបង់ឱ្យសមត្ថកិច្ចតាមដងផ្លូវច្រើនកន្លែង រាប់ទៅមានចំនួនជាង២០អង្គភាព ។
សព្វថ្ងៃនេះ គេសង្កេតឃើញក្រុមឈ្មួញដឹកឈើប្រណីត ពិសេសប្រភេទធ្នង់តាមរថយន្តកាមរីគូទស្វិត និងគូទហើម ព្រមទាំងរថយន្តឡង់គ្រីស្ស័រ ឡិចស៊ីស យា៉ងគគ្រឹកគគ្រេងចេញពីស្រុកតាវែង និងស្រុកវើនសៃទាំងយប់ទាំងថ្ងៃ ឆ្ពោះទៅលក់នៅប្រទេសវៀតណាមតាមច្រករបៀងខាងក្រោយកាស៊ីណូ ដែលមានចម្ងាយតែ២០០ម៉ែត្រទៀតដល់ច្រកទ្វារអន្តរជាតិអូរយា៉ដាវ ។ បច្ចុប្បន្ន ទីផ្សារឈើប្រណីតប្រភេទបេង ធ្នង់ នាងនួន កំពុងមានហាងឆេងខ្ពស់ ហើយក្រុមឈ្មួញរកស៊ីដឹកឈើប្រណីតខុសច្បាប់កំពុងធ្វើសកម្មភាពយា៉ងគគ្រឹកគគ្រេង តាមច្រករបៀងខាងលើក្នុងមួយថ្ងៃៗមានរថយន្តចាប់ពី១០ទៅ២០គ្រឿង ហើយសមត្ថកិច្ចខិលខូចខ្លះក៏បានលុយកាក់យា៉ងច្រើនពីឈ្មួញទាំងនោះសូកបា៉ន់ផងដែរ ៕
ចែករំលែកព័តមាននេះ