ខេត្តបន្ទាយមានជ័យ ៖ ព្រឹកថ្ងៃទី២០ មិថុនា នៅអនុវិទ្យាល័យសុវណ្ណគីរី ស្ថិតនៅក្នុងភូមិវត្តថ្មី ឃុំភ្នំតូច ស្រុកមង្គលបូរី បានរៀបចំការប្រជុំផ្សព្វផ្សាយពីច្បាប់ចរាចរណ៍ផ្លូវគោក និងភូមិ-ឃុំមានសុវត្ថិភាពដល់សិស្សានុសិស្សចំនួន៤២១នាក់ ដោយមានការចូលរួមពីលោក សាន វាំង អនុប្រធានការិយាល័យអប់រំស្រុកមង្គលបូរី និងលោកអនុសេនីយ៍ឯក ហុីន ហាន អធិការរងនគរបាលស្រុក
ខេត្តបន្ទាយមានជ័យ ៖ ព្រឹកថ្ងៃទី២០ មិថុនា នៅអនុវិទ្យាល័យសុវណ្ណគីរី ស្ថិតនៅក្នុងភូមិវត្តថ្មី ឃុំភ្នំតូច ស្រុកមង្គលបូរី បានរៀបចំការប្រជុំផ្សព្វផ្សាយពីច្បាប់ចរាចរណ៍ផ្លូវគោក និងភូមិ-ឃុំមានសុវត្ថិភាពដល់សិស្សានុសិស្សចំនួន៤២១នាក់ ដោយមានការចូលរួមពីលោក សាន វាំង អនុប្រធានការិយាល័យអប់រំស្រុកមង្គលបូរី និងលោកអនុសេនីយ៍ឯក ហុីន ហាន អធិការរងនគរបាលស្រុកមង្គលបូរី ព្រមទាំងនាយកអនុវិទ្យាល័យសុវណ្ណគីរី មន្ត្រីនគរបាលប៉ុស្តិ៍ភ្នំតូច ។
លោក ភឿក សារ៉ាន់ នាយកអនុវិទ្យាល័យសុវណ្ណគីរីបានរាយការណ៍អំពីចំនួនសិស្សានុសិស្សដែលបានចូលរួមក្នុងពិធីប្រជុំផ្សព្វផ្សាយពីច្បាប់ចរាចរណ៍ផ្លូវគោក និងភូមិ-ឃុំមានសុវត្ថិភាពនាពេលនេះមានចំនួន៤២១នាក់ ក្នុងនោះស្ត្រីចំនួន២១២នាក់ ។
នាឱកាសនោះ លោក សាន វាំង អនុប្រធានការិយាល័យអប់រំស្រុកមង្គលបូរី និងលោកអនុសេនីយ៍ឯក ហុីន ហាន អធិការរងនគរបាលស្រុកមង្គលបូរី បានលើកអំពីច្បាប់ចរាចរណ៍ផ្លូវគោក និងណែនាំអំពីស្លាកសញ្ញាចរាចរណ៍ ដើម្បីឱ្យសិស្សានុសិស្សបានយល់ដឹងអំពីអត្ថន័យនៃស្លាកសញ្ញានីមួយៗសម្រាប់ឱ្យអ្នកធ្វើដំណើរលើផ្លូវសាធារណៈមានការប្រុងប្រយ័ត្ន ។ ជាមួយគ្នានោះ ក៏មានការលើកឡើងអំពីលក្ខណៈសម្បត្តិ៩ចំណុចរបស់គោលនយោបាយភូមិ-ឃុំមានសុវត្ថិភាពផ្សព្វផ្សាយដល់សិស្សានុសិស្សឱ្យចូលរួមអនុវត្តទាំងអស់គ្នា ក្នុងនោះដែរពិធីផ្សព្វផ្សាយបានណែនាំដល់សិស្សានុសិស្ស មិនត្រូវសេពគ្រឿងញៀន គឺនៅឱ្យឆ្ងាយពីគ្រឿងញៀន ហើយមិនត្រូវធ្វើជាបងតូចបងធំនៅក្នុងសាលារៀន ត្រូវចេះស្តាប់ដំបូន្មានលោកគ្រូ-អ្នកគ្រូ ។
លោក ហ៊ីន ហាន អធិការរងនគរបាលស្រុកបានណែនាំដល់សិស្សទាំងអស់ពេលធ្វើដំណើរថ្មើរជើង ឬជិះកង់មកសាលារៀន ត្រូវមានការប្រុងប្រយ័ត្នខ្ពស់ចំពោះបញ្ហាគ្រោះថ្នាក់ចរាចរណ៍ ជិះម៉ូតូត្រូវមានកញ្ចក់មើលក្រោយ និងពាក់មួកសុវត្ថិភាព ។ ម្យ៉ាងវិញទៀត សូមជួយផ្សព្វផ្សាយពីច្បាប់ចរាចរណ៍ និងគោលនយោបាយភូមិ-ឃុំមានសុវត្ថិភាពនេះដល់មិត្តភក្តិឱ្យបានទូលំទូលាយ ដើម្បីយើងចូលរួមគោរព និងអនុវត្តទាំងអស់គ្នា ៕
ចែករំលែកព័តមាននេះ