ខេត្តកណ្តាល ៖ ពិធីសម្ពោធសមិទ្ធផលអនុគណថ្មីមួយខ្នងសង់អំពីឥដ្ឋប្រក់ក្បឿង មានរចនាបែបខ្មែរដែលទើបសាងសង់រួចនៅក្នុងវត្តស្លាកែត សម្រាប់ដាក់ឱ្យប្រើប្រាស់ជាផ្លូវការតាមពុទ្ធាអនុញ្ញាត កាលពីវេលាម៉ោង៩ និង៣០នាទីព្រឹកថ្ងៃទី២១ មិថុនា ២០១៣ នេះ ស្ថិតក្នុងភូមិស្លាបតាអោន ឃុំគគីរ ស្រុកកៀនស្វាយ ក្រោមអធិបតីភាពលោកឧត្តមសេនីយ៍បណ្ឌិតឌុល គឿន ទីប្រឹក្សាផ្ទាល់
ខេត្តកណ្តាល ៖ ពិធីសម្ពោធសមិទ្ធផលអនុគណថ្មីមួយខ្នងសង់អំពីឥដ្ឋប្រក់ក្បឿង មានរចនាបែបខ្មែរដែលទើបសាងសង់រួចនៅក្នុងវត្តស្លាកែត សម្រាប់ដាក់ឱ្យប្រើប្រាស់ជាផ្លូវការតាមពុទ្ធាអនុញ្ញាត កាលពីវេលាម៉ោង៩ និង៣០នាទីព្រឹកថ្ងៃទី២១ មិថុនា ២០១៣ នេះ ស្ថិតក្នុងភូមិស្លាបតាអោន ឃុំគគីរ ស្រុកកៀនស្វាយ ក្រោមអធិបតីភាពលោកឧត្តមសេនីយ៍បណ្ឌិតឌុល គឿន ទីប្រឹក្សាផ្ទាល់របស់សម្តេចអគ្គមហាសេនាបតីតេជោ អនុប្រធានទី១គណៈអចិន្ត្រៃយ៍ គណៈពង្រឹងមូលដ្ឋានខេត្តកណ្តាល និងជាប្រធានក្រុមការងារគណៈពង្រឹងមូលដ្ឋានចុះជួយស្រុកកៀនស្វាយ និងលោកជំទាវសម លក្ខិណា ដែលជាភរិយា ។
នៅក្នុងពិធីនោះដែរ ក៏មានអញ្ជើញចូលរួមអមដំណើរពីសំណាក់លោកឧកញ៉ា លោកជំទាវ ដែលជាក្រុមការងារគណៈពង្រឹងរបស់គណបក្សប្រជាជនកម្ពុជាចុះជួយមូលដ្ឋានថ្នាក់ខេត្ត-ស្រុក-ឃុំ, មន្ត្រីរាជការគ្រប់ស្ថាប័ន, ព្រះសង្ឃ, សប្បុរសជន និងសមាជិក សមាជិកាចំនួន៣២៣៧នាក់ ។
សមិទ្ធផលអនុគណថ្មីមួយខ្នងនេះមានទំហំ១០ម៉ែត្រ គុណ២១ម៉ែត្រ ដែលចំណាយថវិកាសរុបអស់ចំនួន២៨.១៥៥ម៉ឺនដុល្លារ ។ នៅក្នុងនោះ ក៏មានការចែកអំណោយដល់សមាជិកក្នុងម្នាក់ ក្រណាត់កាត់ខោអាវ១ដុំ និងថវិកា១០.០០០ម៉ឺនរៀល, ប្រគេនបច្ច័យដល់ព្រះមេគណខេត្ត៥០ម៉ឺនរៀល, ព្រះអនុគណ៤០ម៉ឺនរៀល, ចៅអធិការវត្តចំនួន២០ម៉ឺន, ព្រះសង្ឃ១០ម៉ឺនរៀល, កម្លាំងនគរបាលការពារ៣០ម៉ឺន, កងរាជអាវុធហត្ថ២០ម៉ឺនរៀល និងក្រុមតន្ត្រី១លានរៀល ៕
ចែករំលែកព័តមាននេះ