រាជធានីភ្នំពេញ ៖ នគរបាលការិយាល័យប្រឆាំងគ្រឿងរាជធានីភ្នំពេញនារសៀលថ្ងៃទី២៩ វិច្ឆិកា បានធ្វើពិធីបង្ហាញមុខក្រុមជនពាក់ពន្ធគ្រឿងចំនួន១០នាក់ដែលទើបបង្ហ្រាបនៅចំណុចផ្លូវរទេះភ្លើងស្ថិតក្នុងសង្កាត់ស្រះចក ខណ្ឌដុនពេញ ដែលជាសំបុកគ្រឿងញៀនដ៏គ្រោះថ្នាក់ បន្ទាប់ពីទីតាំងបឹងឈូកមុខមន្ទីរពេទ្យព្រះកុសមៈ សង្កាត់ទឹកថ្លា ខណ្ឌសែនសុខ ។
ពិធីបង្ហាញមុខជនសង្ស័យទាំង១០នាក់នោះ បើគ្មានការកែប្រែទេ គឺធ្វើឡើងដោយលោកវរសេនីយ៍ឯក អ៊ីវ ភារិទ្ធ នាយការិយាល័យប្រឆាំងគ្រឿងញៀន និងមន្ត្រីជំនាញពាក់ពន្ធក្នុងកិច្ចប្រតិបត្តការបង្ក្រាប លើករណីជួញដូរដោយខុសច្បាប់នូវសារធាតុញៀននោះ និងក៏ដោយបានការអនុញ្ញាតិពីលោកឧត្តមសេនីយ៍ឯក ស ថេត អគ្គស្នងការងនគរបាលជាតិ និងជាស្នងការនគរបាលរាជធានីភ្នំពេញដែរ ។
យោងតាមសេចក្តីរាយការណ៍បឋមបានឲ្យដឹងថា នៅថ្ងៃទី២៨ វិច្ឆិកា ២០១៨ វេលាម៉ោង៥ និង៣០នាទីល្ងាច នៅចំណុចសំណង់មិនរៀបរយ ផ្លូវរថភ្លើង ក្រុម៣៩ ភូមិ៣ សង្កាត់ស្រះចក ខណ្ឌដូនពេញ រាជធានីភ្នំពេញ កម្លាំងសមត្ថកិច្ចជំនាញការិយាល័យប្រឆាំងគ្រឿងញៀនរាជធានីភ្នំពេញ បានបើកយុទ្ធនាការយ៉ាងស្ងាត់ស្ងៀមមួយបង្ក្រាបទីតាំង និងជាជម្រកជនឈាមរាវជាក្រុមសម្ងំលាក់ខ្លួនប្រព្រឹត្តបទល្មើសគ្រឿងញៀន ដោយបានឃាត់ខ្លួនជនសង្ស័យប្រុសស្រីចំនួន១០នាក់ ។
ក្រោយបង្ហាញមុខជនសង្ស័យទាំង១០នាក់ សមត្ថកិច្ចបានកសាងសំណុំរឿងបញ្ជូនទៅកាន់សាលាដំបូងតាមនីតិវិធី ៕
ចែករំលែកព័តមាននេះ