ក្រុមហ៊ុនវីងដែលជាក្រុមហ៊ុនផ្តល់សេវាកម្មទូទាត់ប្រាក់តាមរយៈទូរស័ព្ទដៃដំបូង និងឈានមុខគេបង្អស់នៅព្រះរាជាណាចក្រកម្ពុជា តាំងពីដើមឆ្នាំ២០០៩ ឥឡូវនេះបានផ្តល់ជូននូវសេវាកម្មថ្មី២ទៀត គឺការទូទាត់ប្រាក់តាមរយៈប្រព័ន្ធអ៊ីនធើរណេត(Online Shopping) សម្រាប់ឱ្យអតិថិជនធ្វើការទិញទំនិញតាមបណ្តាញប្រព័ន្ធអ៊ីនធើរណេត
ក្រុមហ៊ុនវីងដែលជាក្រុមហ៊ុនផ្តល់សេវាកម្មទូទាត់ប្រាក់តាមរយៈទូរស័ព្ទដៃដំបូង និងឈានមុខគេបង្អស់នៅព្រះរាជាណាចក្រកម្ពុជា តាំងពីដើមឆ្នាំ២០០៩ ឥឡូវនេះបានផ្តល់ជូននូវសេវាកម្មថ្មី២ទៀត គឺការទូទាត់ប្រាក់តាមរយៈប្រព័ន្ធអ៊ីនធើរណេត(Online Shopping) សម្រាប់ឱ្យអតិថិជនធ្វើការទិញទំនិញតាមបណ្តាញប្រព័ន្ធអ៊ីនធើរណេត និងសេវាកម្មទូទាត់សាច់ប្រាក់តាមរយៈម៉ាស៊ីនវីង (Retail Payment) នៅតាមបណ្តាហាងមួយចំនួនយ៉ាងមានសុវត្ថិភាព និងទំនើប ។
លោកអេនថូនី ភើឃីន នាយកប្រតិបត្តិក្រុមហ៊ុនវីងបានបញ្ជាក់ថា បច្ចុប្បន្ននេះប្រទេសកម្ពុជាចាប់ផ្តើមមានការពេញនិយមក្នុងការទិញ លក់ទំនិញ តាមរយៈប្រព័ន្ធអ៊ីនធើរណេត(Online Shopping) ដូចបណ្តាប្រទេសជឿនលឿនដ៏ទៃទៀតដែរ រួមមានការទិញសម្លៀកបំពាក់ កាបូប ស្បែកជើង ឧបករណ៍ប្រើប្រាស់ប្រចាំថ្ងៃ អាហារជាដើម ។
នេះជាមធ្យោបាយថ្មីមួយសំរាប់បងប្អូនប្រជាពលរដ្ឋមួយចំនួនដែលមានការមមាញឹកក្នុងការបំពេញការងារក៏ដូចជាក្នុងមុខជំនួញរបស់ខ្លួន ឫក៏មិនចូលចិត្តដើរផ្សារ អាចទិញទំនិញបានយ៉ាងងាយស្រួល ដោយគ្រាន់តែធ្វើការស្វែងរកទំនិញនិងធ្វើការបញ្ជាទិញពីផ្ទះ ឫកន្លែងធ្វើការ តាមប្រព័ន្ធអ៊ីនធើរណេត បន្ទាប់មកពួកគេនឹងទទួលបានទំនិញដែលខ្លួនចង់បាននៅគេហដ្ឋាន ឫកន្លែងធ្វើការរបស់អ្នកតែម្តង ។
លោកបន្តថា កន្លងមកការទិញលក់តាមប្រព័ន្ធអ៊ីនធើរណេតនេះ នៅពុំទាន់មានមធ្យោបាយទូទាត់ប្រាក់ដែលគួរជាទីទុកចិត្ត និងងាយស្រួល ដល់អ្នកលក់និងអ្នកទិញនៅឡើយទេ ហេតុដូច្នេះ វីងគឺជាក្រុមហ៊ុនដំបូងគេដែលផ្តល់ភាពងាយស្រួលនេះជូនអតិថិជនក្នុងការទូទាត់ប្រាក់តាមប្រព័ន្ធអ៊ីនធើរណេត ។
ចែករំលែកព័តមាននេះ