ខេត្តសៀមរាប ៖ កម្លាំងប៉េអឹមខេត្តបានចុះបង្ក្រាបអ្នកប្រើប្រាស់គ្រឿងញៀនតាមដីកាតុលាការ ដោយបានឃាត់ខ្លួនបុរសចំនួន៣នាក់ កាលពីវេលាម៉ោង១២និង៣០នាទីថ្ងៃត្រង់ថ្ងៃទី១៨ មិថុនា នៅភូមិត្រពាំងសេះ សង្កាត់គោកចក ក្រុងសៀមរាប ។យោងតាមបទបញ្ជារបស់លោកឧត្តមសេនីយ៍ត្រី ម៉ន សាម៉ុន មេបញ្ជាការកងរាជអាវុធហត្ថខេត្ត បានឱ្យកម្លាំងក្រោមឱវាទដឹកនាំដោយលោក
ខេត្តសៀមរាប ៖ កម្លាំងប៉េអឹមខេត្តបានចុះបង្ក្រាបអ្នកប្រើប្រាស់គ្រឿងញៀនតាមដីកាតុលាការ ដោយបានឃាត់ខ្លួនបុរសចំនួន៣នាក់ កាលពីវេលាម៉ោង១២និង៣០នាទីថ្ងៃត្រង់ថ្ងៃទី១៨ មិថុនា នៅភូមិត្រពាំងសេះ សង្កាត់គោកចក ក្រុងសៀមរាប ។យោងតាមបទបញ្ជារបស់លោកឧត្តមសេនីយ៍ត្រី ម៉ន សាម៉ុន មេបញ្ជាការកងរាជអាវុធហត្ថខេត្ត បានឱ្យកម្លាំងក្រោមឱវាទដឹកនាំដោយលោកវរសេនីយ៍ឯក ស្រី យូរ៉ា មេបញ្ជាការរង និងជាប្រធានមន្ទីរស្រាវជ្រាវ និងយុតិ្តធម៌កងរាជអាវុធហត្ថខេត្ត ចុះអនុវត្តតាមដីកាក្នុងករណីជួញដូរ និងប្រើប្រាស់គ្រឿងញៀន ដោយមានការចូលរួមពីកម្លាំងប៉េអឹមក្រុងសៀមរាប ។
ជន៣នាក់ដែលបានឃាត់ខ្លួននេះមាន ១-ឈ្មោះ ខុត ប៊ុនថាន ភេទប្រុស អាយុ២៧ឆ្នាំ មុខរបរមិនពិតប្រាកដ បច្ចុប្បន្នរស់នៅភូមិវត្តបូព៌ សង្កាត់សាលាកំរើក ក្រុងសៀមរាប ២-ឈ្មោះ ជា សុផល ភេទប្រុស អាយុ២៣ឆ្នាំ បច្ចុប្បន្នរស់នៅភូមិវត្តបូព៌ និង៣-ឈ្មោះ ម៉ឺន ដារ៉ា ភេទប្រុស អាយុ២២ឆ្នាំ ស្នាក់នៅភូមិបន្ទាយចាស់ សង្កាត់ស្លក្រាម ។
ជាមួយនឹងការឃាត់ខ្លួននេះ សមត្ថកិច្ចដកហូតបានវត្ថុតាងមានគ្រឿងញៀនប្រភេទម្សៅសថ្លា (ម៉ាទឹកកក) ចំនួន១១កញ្ចប់តូច និងវេចឧបករណ៍សម្រាប់ប្រើប្រាស់ និងវិចខ្ចប់តូចៗមួយចំនួនទៀត ។ជនទាំង៣នាក់ត្រូវបានការិយាល័យប្រឆាំងគ្រឿងញៀនរបស់បញ្ជាការដ្ឋានកងរាជអាវុធហត្ថខេត្តកសាងសំណុំរឿងបញ្ជូនទៅកាន់សាលាដំបូងខេត្តនៅថ្ងៃ១៩ មិថុនា ៕
ចែករំលែកព័តមាននេះ