ខេត្តបាត់ដំបង ៖ តាមសេចក្តីរាយការណ៍បឋមបានឲ្យដឹងថា រថយន្តចង្កូតស្ដាំសេរីឆ្នាំ២០១៥ឬ២០១៦ ពាក់ស្លាកលេខ ខ.ម ២-១០៩៨ បើកដោយបុរសម្នាក់ដែលខ្សែយោធា ត្រូវកម្លាំងគយចល័តស្ទាក់ចាប់នៅវេលាម៉ោង១០និង៤០នាទីព្រឹកថ្ងៃទី២៧ ខែវិច្ឆិកានេះ…
ខេត្តបាត់ដំបង ៖ តាមសេចក្តីរាយការណ៍បឋមបានឲ្យដឹងថា រថយន្តចង្កូតស្ដាំសេរីឆ្នាំ២០១៥ឬ២០១៦ ពាក់ស្លាកលេខ ខ.ម ២-១០៩៨ បើកដោយបុរសម្នាក់ដែលខ្សែយោធា ត្រូវកម្លាំងគយចល័តស្ទាក់ចាប់នៅវេលាម៉ោង១០និង៤០នាទីព្រឹកថ្ងៃទី២៧ ខែវិច្ឆិកានេះ នៅលើផ្លូវលេខ១ ក្បែសារមន្ទីខេត្ត ក្នុងក្រុងបាត់ដំបង ។
សេចក្តីរាយការណ៍បន្តមន្ត្រីគយថា រថយន្តត្រូវបានឈ្មួញលួចនាំចូលពីប្រទេសថៃ ដែលមិនបានបង់ពន្ធ ។ ការស្ទាក់ចាប់រថយន្តចង្កូតស្ដាំនេះបានធ្វើឲ្យស្ទះចរាចរណ៍ជិត១ម៉ោង ដោយសារម្ចាស់រថយន្តមិនព្រមចុះពីរថយន្ត ។ ប៉ុន្តែយ៉ាងណាក្រោយពីមានលោកឧត្តមសេនីយយោធាពាក់ផ្កាយ៣ម្នាក់ឈ្មោះ ប៉ុល ស៊ីនួន ជិះរថយន្តមកដល់ធ្វើការសម្របសម្រូល ទើបអ្នកបើករថយន្តនោះចុះ និងបានប្រគល់រថយន្តឲ្យគយយកទៅស្នាក់ការចាត់ការតាមច្បាប់ ។
បញ្ជាក់ ៖ ឡានចង្កួតស្តាំ នៅខេត្តបាត់ដំបងនៅពេលនេះគេសង្កេតឃើញ មានព្រោងព្រាតកំពុងធ្វើចរាចរណ៍ ។ ហើយបើតាមអ្នកដែលដឹងពីប្រវត្តិឡាននេះច្បាស់ អ្នកលក់ដូរមួយចំនួន (អ្នកលក់ទិញឡាន ) ក្នុងចំណោមរថយន្តចង្កួតស្តាំធ្វើចរាចរណ៍នៅបាត់ដំបង ជាង៥០ភាគរយគឺអត់បង់ពន្ធ ពាក់ស្លាកលេខក្លែងក្លាយ ៕
ចែករំលែកព័តមាននេះ