រាជធានីភ្នំពេញ ៖ ផ្លូវចំនួន៧ខ្សែប្រវែង១១២៥ម៉ែត្រ និងប្រព័ន្ធលូប្រវែង១០០ម៉ែត្រ បានរៀបចំពិធីបើកការដ្ឋានស្ថាបនា នាវេលាម៉ោង៨ព្រឹកថ្ងៃទី១៩ មិថុនា ក្រោមអធិបតីភាពលោកឃ្លាំង ហួត ជំនួយការសម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងជាអភិបាលខណ្ឌប្ញស្សីកែវ និងមានការចូលរួមពីមន្ត្រីជុំវិញខណ្ឌ និងប្រជាពលរដ្ឋជាច្រើន
រាជធានីភ្នំពេញ ៖ ផ្លូវចំនួន៧ខ្សែប្រវែង១១២៥ម៉ែត្រ និងប្រព័ន្ធលូប្រវែង១០០ម៉ែត្រ បានរៀបចំពិធីបើកការដ្ឋានស្ថាបនា នាវេលាម៉ោង៨ព្រឹកថ្ងៃទី១៩ មិថុនា ក្រោមអធិបតីភាពលោកឃ្លាំង ហួត ជំនួយការសម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងជាអភិបាលខណ្ឌប្ញស្សីកែវ និងមានការចូលរួមពីមន្ត្រីជុំវិញខណ្ឌ និងប្រជាពលរដ្ឋជាច្រើនកុះករ ។
ផ្លូវចំនួន៧ខ្សែប្រវែង១១២៥ម៉ែត្រ និងប្រព័ន្ធលូប្រវែង១០០ម៉ែត្រនេះ ជាគំរោងមូលនិធិរបស់សង្កាត់ឆ្នាំ២០១៣ ដែលចំណាយថវិកាអស់ជាង១២៣លានរៀល ក្នុងនោះក៏មានបដិភាគរបស់ប្រជាពលរដ្ឋចំនួនជាង១០លានផងដែរ ។
លោកឃ្លាំង ហួត បានមានប្រសាស៍ផ្តាំផ្ញើការសួរសុខទុក្ខពីសំណាក់សម្តេចតេជោ សម្តេចកិត្តិព្រឹទ្ធបណ្ឌិត និងលោកអភិបាលរាជធានីភ្នំពេញ ដែលជានិច្ចកាលលោកតែងតែជំរុញឲ្យអាជ្ញាធរយកចិត្តទុកដាក់ក្នុងការអភិវឌ្ឍហេដ្ឋារចនាសម្ព័នមានផ្លូវ លូ ប្រឡាយទឹកជាដើម ។
គួរបញ្ជាក់ថា នៅសង្កាត់គីឡូម៉ែត្រលេខ៦នេះ ត្រូវបានស្ថាបនាផ្លូវចំនួន៥៧ខ្សែហើយ នៅសល់តែផ្លូវដីចំនួន៧ខ្សែទៀតទេ លោកនឹងខិតខំប្រឹងប្រែងឱ្យអស់ពីសមត្ថភាព ៕
ចែករំលែកព័តមាននេះ