រាជធានីភ្នំពេញ៖ តារាសម្តែងរាងខ្ពស់ស្រឡះ លោកសុវណ្ណ មករា បានសម្រេចផ្តាច់ការសម្តែងខ្សែភាពយន្តភាគរឿង «ភ្លើងព្យាបាទ» របស់ស្ថានីយទូរទស្សន៍ខ្មែរប៉ុស្តិ៍លេខ៩ ត្រឹមពាក់កណ្តាលទី បន្ទាប់ពីខ្សែវីដេអូភាគមួយនេះ បានដំណើរការថតបានជាងពាក់កណ្តាលទៅហើយនោះ ។
រាជធានីភ្នំពេញ៖ តារាសម្តែងរាងខ្ពស់ស្រឡះ លោកសុវណ្ណ មករា បានសម្រេចផ្តាច់ការសម្តែងខ្សែភាពយន្តភាគរឿង «ភ្លើងព្យាបាទ» របស់ស្ថានីយទូរទស្សន៍ខ្មែរប៉ុស្តិ៍លេខ៩ ត្រឹមពាក់កណ្តាលទី បន្ទាប់ពីខ្សែវីដេអូភាគមួយនេះ បានដំណើរការថតបានជាងពាក់កណ្តាលទៅហើយនោះ ។
ការផ្តាច់ការសម្តែងមិនចប់ចុងចប់ដើមរបស់តារារូបនេះ បានធ្វើឱ្យមជ្ឈដ្ឋានមួយចំនួដនបាននាំគ្នាដាក់ការសង្ស័យពីភាពចម្រូងចម្រាសណាមួយកើតចេញពីអ្នកដឹកនាំផលិតរបស់ខ្សែវីដេអូភាគមួយនេះ បន្ទាប់ពីភាពមិនពេញចិត្តមួយបានកើតឡើងម្តងរួចមកហើយ សម្រាប់តារាសម្តែងលោករតនៈ វិសិដ្ឋ ខណៈពេលដែលលោកត្រូវបានគេទម្លាក់តំណែងតួឯកនៅពាក់កណ្តាលរឿងដោយជំនួសមកលោកសុវណ្ណ មករា ។
ការទម្លាក់តំណែងតួឯកនេះ បានធ្វើឱ្យលោករតនៈ វិសិដ្ឋ ស្ទើរតែបោះបង់ចោលការសម្តែងនោះទៅហើយ ប៉ុន្តែដោយសារការផ្តល់យោបល់ និងការពន្យល់ពីដំណើរការនៃសាច់រឿងទាំងមូល ទើបមិនមានការផ្លាស់ប្តូរ ។ ទោះជាយ៉ាងណា រហូតមកដល់ពេលនេះ សាច់រឿងទាំងមូលបានដំណើរការថតជិត២០%ទៅហើយនោះ ស្រាប់តែបែកធ្លាយរឿងលោកសុវណ្ណ មករា បានផ្តាច់ការសម្តែងទាំងពាក់កណ្តាលទីទៅវិញ ដែលអាចធ្វើឱ្យដំណើរការនៃការបញ្ចប់សាច់រឿងទាំងមូលអាចនឹងមានការក្រឡាប់ចាក់ ៕
ចែករំលែកព័តមាននេះ