ខេត្តព្រះសីហនុ ៖ មានករណីគ្រោះថ្នាក់ចរាចរណ៍មួយកើតឡើងរវាងរថយន្តបុកជាមួយម៉ូតូបណ្តាលឱ្យមនុស្សម្នាក់រងរបួសស្រាល និងម្នាក់ទៀតស្លាប់ ដែលហេតុការណ៍នេះបានកើតឡើងកាលពីវេលាម៉ោង៥និង៣០នាទីល្ងាចថ្ងៃទី២៤ វិច្ឆិកា ឆ្នាំ២០១៨ នៅលើផ្លូវជាតិលេខ៤ នៅចំណុចចន្លោះគីឡូម៉ែត្រលេខ១៦០ និងលេខ១៦១…
ខេត្តព្រះសីហនុ ៖ មានករណីគ្រោះថ្នាក់ចរាចរណ៍មួយកើតឡើងរវាងរថយន្តបុកជាមួយម៉ូតូបណ្តាលឱ្យមនុស្សម្នាក់រងរបួសស្រាល និងម្នាក់ទៀតស្លាប់ ដែលហេតុការណ៍នេះបានកើតឡើងកាលពីវេលាម៉ោង៥និង៣០នាទីល្ងាចថ្ងៃទី២៤ វិច្ឆិកា ឆ្នាំ២០១៨ នៅលើផ្លូវជាតិលេខ៤ នៅចំណុចចន្លោះគីឡូម៉ែត្រលេខ១៦០ និងលេខ១៦១ ស្ថិតក្នុងភូមិតានៃ ឃុំតានៃ ស្រុកព្រៃនប់ ខេត្តព្រះសីហនុ។
រថយន្តខាងលើម៉ាកហ៊ីយ៉ាន់ដាយ ពណ៍ខ្មៅ ពាក់ផ្លាកលេខ ភ្នំពេញ ២AR-៤៨១០ បើកបរដោយឈ្មោះនេត្រ វណ្ណា ប្រុស អាយុ៣៦ឆ្នាំ មុខបរបរមេការខាងលាបថ្នាំសំណង់ មានទីលំនៅ ក្រុម៦ ភូមិបោះពោធិ៍ឃុំ អូរដំបង ស្រុកសង្កែ ខេត្តបាត់ដំបង ។
ចំណែកភាគីខាងម៉ូតូជិះគ្នា២នាក់ម៉ាកវីន័រ ពណ៌ខ្មៅ គ្មានផ្លាកលេខ បើកបរដោយឈ្មោះ នាង ម៉ែងតុង ភេទប្រុស អាយុ២៣ឆ្នាំ មុខរបរកម្មកររោងចក្រស្បែកជើង មានទីលំនៅក្នុងភូមិមនោរម្យ ឃុំតានៃ ស្រុកព្រៃនប់ ខេត្តព្រះសីហនុ បានរងរបួសស្រាល និងអ្នករួមដំណើរម្នាក់ឈ្មោះ នេត្រ ខេវីន ភេទប្រុស អាយុ១៨ឆ្នាំ មុខរបរកម្មកររោងចក្រស្បែកជើង មានទីលំនៅភូមិឃុំជាមួយគ្នា ត្រូវបានកំលាំងស្នាក់ការសហការជួយសង្គ្រោះដែរ តែជាអកុសលជនរងគ្រោះបានស្លាប់នាពាក់កណ្តាលផ្លូវពេលបញ្ជូនទៅសង្គ្រោះនៅមន្ទីពេទ្យ ។
ប្រភពព័ត៌មានបានឱ្យដឹងថា រថយន្តមួយគ្រឿងម៉ាកហ៊ីយ៉ាន់ដាយបើកបរក្នុងទិសដៅពីភ្នំពេញទៅខេត្តព្រះសីហនុ លុះមកដល់ចំណុចកើតហេតុខាងលើ ស្រាប់តែរថយន្តបានបែកកង់មុខខាងឆ្វេងរេចង្កូតទៅបុកម៉ូតូមួយគ្រឿងជិះគ្នា២នាក់ក្នុងទិសដៅបញ្ច្រាសគ្នា។
ក្នុងហេតុការណ៍នោះ បណ្តាលឱ្យអ្នកបើកបរម៉ូតូបានរងរបួសស្រាល ចំណែកអ្នករួមដំណើរបានស្លាប់ពេលបញ្ជូនទៅសង្គ្រោះនៅមន្ទីរពេទ្យ ។
រថយន្ត និងម៉ូតូខាងលើ ត្រូវបានសមត្ថកិច្ចយកមករក្សាទុកនៅអធិការស្រុកព្រៃនប់រង់ចាំដោះស្រាយជាបន្ត៕
ចែករំលែកព័តមាននេះ