ខេត្តស្វាយរៀង ៖ កម្មការិនីម្នាក់ចេញពីជប់លៀងមិត្តភក្តិ ត្រូវបានគ្រោះថ្នាក់ចរាចរដួលម៉ូតូផ្កាប់មុខ ស្លាប់នៅក្បែរផ្លូវថ្នល់ ធ្វើឲ្យមានការភ្ញាក់ផ្អើលដល់អ្នកភូមិសង្ស័យថាជាអំពើរឃាកម្ម ហើយអ្នកធ្វើដំណើរ ឆ្លងកាត់ក៏នាំគ្នាមកចោមរោមមើលយ៉ាងច្រើនកកកុញទាំងព្រឹក។ បន្ទាប់មកបានរាយការណ៍ជូន សមត្ថកិច្ចមូលដ្ឋានឲ្យមកពិនិត្យសាកសពដើម្បីធ្វើកោសល្យវិច្ច័យ។…
ខេត្តស្វាយរៀង ៖ កម្មការិនីម្នាក់ចេញពីជប់លៀងមិត្តភក្តិ ត្រូវបានគ្រោះថ្នាក់ចរាចរដួលម៉ូតូផ្កាប់មុខ ស្លាប់នៅក្បែរផ្លូវថ្នល់ ធ្វើឲ្យមានការភ្ញាក់ផ្អើលដល់អ្នកភូមិសង្ស័យថាជាអំពើរឃាកម្ម ហើយអ្នកធ្វើដំណើរ ឆ្លងកាត់ក៏នាំគ្នាមកចោមរោមមើលយ៉ាងច្រើនកកកុញទាំងព្រឹក។ បន្ទាប់មកបានរាយការណ៍ជូន សមត្ថកិច្ចមូលដ្ឋានឲ្យមកពិនិត្យសាកសពដើម្បីធ្វើកោសល្យវិច្ច័យ។ បើតាមសមត្ថកិច្ចបានឲ្យដឹងថា ករណីប្រទះឃើញសាកសពនេះ បានកើតឡើងនាថ្ងៃទី២៣ ខែវិច្ឆិកា ឆ្នាំ២០១៨ នៅវេលាម៉ោង០៥ និង៥០នាទីព្រឹក នៅចំណុចផ្លូវលេខ៣១៧ ស្ថិតនៅភូមិខ្ជាយ ឃុំរមាំងថ្កោល ស្រុកស្វាយទាប។
បើតាមសមត្ថកិច្ចនគរបាលស្រុកស្វាយទាបបានឲ្យដឹងថា នារីរងគ្រោះឈ្មោះ មាឃ បុប្ផា អាយុ២៤ឆ្នាំ មុខរបរកម្មការិនីរោងចក្រ មានទីលំនៅភូមិស្វាយតឿ សង្កាត់ស្វាយតឿ ក្រុងស្វាយរៀង ខេត្តស្វាយរៀង។ មុនពេលកើតហេតុគេឃើញជិះម៉ូតូម៉ាកហុងដាសេ១២៥ ពណ៌ខ្មៅ ស៊េរីឆ្នាំ២០១៥ ពាក់ស្លាកលេខ ភ្នំពេញ1AN-7039 បើកបរពីទិសខាងជើងទៅត្បូងកាល ពីវេលាម៉ោងប្រមាណជា១០ និង៣០នាទីយប់ ថ្ងៃទី២២ វិច្ឆិកា ២០១៨ ហើយមិនដឹងមូលហេតុអីស្រាប់តែប្រទះឃើញមកដួលម៉ូតូដេកស្លាប់បែបនេះ។
ប្រភពដដែលបន្តទៀតថា បន្ទាប់ពីទទួលបានព័ត៌មានភ្លាម សមត្ថកិច្ចនគបាលប៉ុស្ត៍រដ្ឋបាលឃុំ រមាំងថ្កោល ចុះមកពិនិត្យសាកសពកន្លែងកើតហេតុ ក៏បានរាយការណ៍ទៅលោកអធិការ នៃអធិការដ្ឋាននគបាលស្រុក ស្វាយទាប និងរាយការណ៍បន្តទៅលោកស្នងការនគរបាលខេត្ត ចាត់មន្ត្រីជំនាញបច្ចេកទេស និងគ្រូពេទ្យចុះមកពិនិត្យ និងធ្វើកោសលវិច្ច័យសពជាច្រើនម៉ោង ទើបសន្និដ្ឋានថា៖
ពិតជាស្លាប់ដោយករណីគ្រោះថ្នាក់ចរាចរណ៍ ប្រហែលចន្លោះម៉ោង១០ និង៥០នាទីយប់ ថ្ងៃទី២២ ខែវិច្ឆិកា ឆ្នាំ២០១៨ ដោយការពិនិត្យមិនឃើញមានស្លាកស្នាមអ្វី គួរឲ្យសង្ស័យជាអំពើឃាតកម្មនោះឡើយ។ ក្រោយពីគ្រូពេទ្យ និងសមត្ថកិច្ចជំនាញធ្វើកោសល្យវិច្ច័យរួច ក៏បានប្រគល់សព និងម៉ូតូឲ្យក្រុមគ្រួសារយកទៅធ្វើបុណ្យតាមប្រពៃណី៕
ចែករំលែកព័តមាននេះ