រាជធានីភ្នំពេញ៖ ផ្ដើមជំពាក់ប្រាក់មិនសងថែមទាំងឌឺដងឱ្យទៀត លោកឧកញ៉ាម្នាក់បានបើករថយន្តម៉ាកRang Rover បំបុកជនរងគ្រោះទាំងគ្រួសារ បណ្ដាលឱ្យរងរបួសធ្ងន់ស្រាល៣នាក់ ហើយក៏ជ្រុលទៅបុកថូផ្កា និងរានទេវតា នៅខាងមុខផ្ទះ ព្រមទាំងជ្រុលទៅបុករថយន្តកាមរីបាឡែនខូចខាតទ្វារចំហៀងប៉ែកខាងស្ដាំ។
រាជធានីភ្នំពេញ៖ ផ្ដើមជំពាក់ប្រាក់មិនសងថែមទាំងឌឺដងឱ្យទៀត លោកឧកញ៉ាម្នាក់បានបើករថយន្តម៉ាកRang Rover បំបុកជនរងគ្រោះទាំងគ្រួសារ បណ្ដាលឱ្យរងរបួសធ្ងន់ស្រាល៣នាក់ ហើយក៏ជ្រុលទៅបុកថូផ្កា និងរានទេវតា នៅខាងមុខផ្ទះ ព្រមទាំងជ្រុលទៅបុករថយន្តកាមរីបាឡែនខូចខាតទ្វារចំហៀងប៉ែកខាងស្ដាំ។
ហេតុការណ៍ទំនាស់បើករថយន្តបុកនេះបានកើតឡើងកាលពីវេលម៉ោង១១ និង២០នាទីយប់ថ្ងៃទី១៦ មិថុនា ២០១៣ ស្ថិតក្នុងបុរីមួយ នៅសង្កាត់ភ្នំពេញថ្មី ខណ្ដសែនសុខ ។
ប្រភពព័ត៌មានបានឱ្យដឹងថា ឧកញ៉ាដែលបើករថយន្តទៅបុកជនរងគ្រោះខាងលើមានឈ្មោះ ញ៉ែម កុសល មានទីលំនៅបុរីខាងលើដែរ ហើយលោកឧកញ៉ានេះ និងជនរងគ្រោះត្រូវជាមិត្តភក្ដិនិងគ្នា។
ប្រភពបន្តថា ជនរងគ្រោះទាំង៣នាក់ឈ្មោះនី សាត អាយុ៤៩ឆ្នាំ រងរបួសធ្ងន់បាក់ជើងទាំង២ ត្រូវជាប្ដីរបស់ឈ្មោះទេព លីហ្សា អាយុ៤២ឆ្នាំ រងរបួសស្រាល និងកូនឈ្មោះសាត នីតា ភេទស្រី អាយុ១៩ឆ្នាំ របួសធ្ងន់បាក់ដៃស្ដាំ ។ ក្រុមគ្រួសារជនរងគ្រោះប្រកបរបរលក់សាច់គោអាំងយីហោ «នីតា សាច់អាំង»។
ប្រភពឱ្យដឹងទៀតថា បញ្ហាខាងលើផ្ដើមចេញពីទំនាស់ពាក្យសម្ដី ដែលក្រុមគ្រួសារជនរងគ្រោះជំពាក់ប្រាក់លោកឧកញ៉ា ២.០០០ដុល្លារ៕
ចែករំលែកព័តមាននេះ