បន្ទាយមានជ័យ ៖ ខ្យល់កន្ត្រាក់បណ្តាលឲ្យប៉ះពាល់ផ្ទះសម្បែងប្រជាពលរដ្ឋ៤ខ្នង និងរបួសប្រជាពលរដ្ឋម្នាក់ និងទ្រេតបង្គោល១ដើម ដាច់ចរន្ធអគ្គិសនីដែលកើតឡើងនៅ ម៉ោង៦និង៣០នាទី ថ្ងៃទី១៧ ខែវិច្ឆិកា ឆ្នាំ២០១៨ ស្ថិតភូមិ-ឃុំរហាល ស្រុកព្រះនេត្រព្រះ ។
មន្ត្រីនគរបាលស្រុកព្រះនេត្រព្រះបានប្រាប់ថា នៅវេលាម៉ោង៦និង៣០នាទីល្ងាច ថ្ងៃទី១៧ ខែវិច្ឆិកា ឆ្នាំ២០១៨ មានខ្យល់កន្ត្រាក់បានកើតឡើងបណ្តាលឲ្យប៉ះពាល់ផ្ទះសម្បែងប្រជាពលរដ្ឋចំនួន៤ខ្នង និងខូចខាតធ្ងន់២ខ្នង និងប៉ះពាល់២ខ្នង បណ្តាលរបួសប្រជាពលរដ្ឋម្នាក់ និងទ្រេតបង្គោលភ្លើង១ដើម តាមបណ្តោយផ្លូវជាតិលេខ៦ ។
មន្ត្រីនគរបាលបានបញ្ជាក់ថា ក្រោយពេលខ្យល់កន្ត្រាក់បណ្តាលប៉ះពាល់ហើយ បណ្តាលដាច់ចរន្តអគ្គិសនី ចំណុចនៅឃុំរហាល ស្រុកព្រះនេត្រព្រះ ខេត្តបន្ទាយមានជ័យ និងស្រុកក្រឡាញ់ដល់ខេត្តសៀមរាប ចាប់ពីម៉ោង៦និង៣០នាទីល្ងាច រហូតដល់៧និង២៩នាទីយប់ ថ្ងៃទី១៧ ខែវិច្ឆិកា ឆ្នាំ២០១៨ មិនដំណើរការនៅឡើយទេ ៕
ចែករំលែកព័តមាននេះ