មានចឹងទៀត! ចាក់ភ្លេងឲ្យឈីសស្តាប់ ដើម្បីឲ្យវាកាន់តែឆ្ងាញ់
ស្វីស ៖ តាមប្រភពព័ត៌មាន Oddity Central បានឲ្យដឹងថា អ្នកផលិតឈីសមកពីតំបន់ Emmental នៃប្រទេសស្វីស បានធ្វើការពិសោធន៍ដោយយកឈីសមកឲ្យស្តាប់ភ្លេង…
ស្វីស ៖ តាមប្រភពព័ត៌មាន Oddity Central បានឲ្យដឹងថា អ្នកផលិតឈីសមកពីតំបន់ Emmental នៃប្រទេសស្វីស បានធ្វើការពិសោធន៍ដោយយកឈីសមកឲ្យស្តាប់ភ្លេង ដើម្បីឲ្យវាកាន់តែមានរសជាតិឆ្ងាញ់។
តាំងពីខែកញ្ញាមក លោក Beat Wampfler បានយកតន្ត្រីមកធ្វើជាវិធីធ្វើឲ្យឈីសមានរសជាតិកាន់តែប្រសើរ។ លោកជឿជាក់ថា មិនត្រឹមតែសំណើម សីតុណ្ហភាព និង ជីវជាតិនោះទេ ដែលអាចមានឥទ្ធិពលលើរសជាតិរបស់ឈីស។ លោកគិតថា សម្លេងក៏អាចជាចំណែកមួយដែរ។
គំនិតរបស់លោក Beat អាចថា ទ្រង់ឆ្កួតៗ តែវាអាចទាក់ទាញអ្នកវិទ្យាសាស្ត្រមកពីសាកលវិទ្យាល័យសិល្បៈនៅ Bern ឲ្យមកធ្វើការសិក្សា។ គេបានយកបាសតូចមួយ មកដាក់នៅក្រោមឈីសនីមួយៗ។ គេបែងចែកបទចម្រៀងផ្សេងៗគ្នា សម្រាប់ឈីសផ្សេងៗគ្នា ដើម្បីឲ្យដឹងកាន់តែច្បាស់ថា តន្ត្រីបែបណា ទើបឲ្យឈីសឆ្ងាញ់ជាងគេ។ ពួកគេមានការសង្ស័យជាដំបូង តែក្រោយមកក៏ទាញសេចក្តីសន្និដ្ឋានថា សម្លេងក៏អាចធ្វើឲ្យមានការប្រែប្រួលគីមីនៅក្នុងឈីសផងដែរ៕
ចែករំលែកព័តមាននេះ