រាជធានីភ្នំពេញ ៖ កញ្ញា ឈិត សុវណ្ណបញ្ញា ខិតខំផ្លាស់ប្តូររបៀបសម្តែងជាបន្តបន្ទាប់ ដើម្បីទទួលភាពទាក់ទាញ ។ ជាក់ស្តែងពេលនេះ ក្រុមការងាររបស់ហង្សមាស បានចំណាយពេលវេលាដ៏សំខាន់លើកមុខមាត់ ឈិត សុវណ្ណបញ្ញា ព្រោះវ៉ុលចម្រៀងថ្មីដែលនាងច្រៀងបានចេញថតរហូតដល់ប្រទេសចិន តាមទីក្រុងធំៗទៀតផង ។ តាមរយៈវ៉ុលថ្មីនេះ គេសង្ឃឹមថា នៅពេលឆាប់ៗ
រាជធានីភ្នំពេញ ៖ កញ្ញា ឈិត សុវណ្ណបញ្ញា ខិតខំផ្លាស់ប្តូររបៀបសម្តែងជាបន្តបន្ទាប់ ដើម្បីទទួលភាពទាក់ទាញ ។ ជាក់ស្តែងពេលនេះ ក្រុមការងាររបស់ហង្សមាស បានចំណាយពេលវេលាដ៏សំខាន់លើកមុខមាត់ ឈិត សុវណ្ណបញ្ញា ព្រោះវ៉ុលចម្រៀងថ្មីដែលនាងច្រៀងបានចេញថតរហូតដល់ប្រទេសចិន តាមទីក្រុងធំៗទៀតផង ។ តាមរយៈវ៉ុលថ្មីនេះ គេសង្ឃឹមថា នៅពេលឆាប់ៗខាងមុខ កញ្ញា ឈិត សុវណ្ណបញ្ញា ច្បាស់ជាឡើងកូដមួយក្រឺតទៀតមិនខាន ។
ផលិតកម្មហង្សមាសបានចំណាយពេលនាំតារាស្រី ឈិត សុវណ្ណបញ្ញា ចេញថតបទថ្មីរបស់នាងរហូតដល់ប្រទេសចិន ដែលត្រូវចាយប្រាក់ជាច្រើនពាន់ដុល្លារ ក្នុងន័យធ្វើយ៉ាងណាយកគុណភាព និងលើកមុខមាត់ដល់ម្ចាស់បទ ។ តាមការឱ្យដឹងពីអ្នកសិល្បៈមួយចំនួនថា នៅប៉ុន្មានខែខាងមុខនេះ តារាស្រីប្រកបដោយសាច់សរលោង ឈិត សុវណ្ណបញ្ញា ពិតជាធ្វើឱ្យទស្សនិកជនភ្ញាក់ផ្អើលនឹងស្ទីលសម្តែងថ្មី ព្រោះការសម្តែងរបស់នាងបានធ្លាយចេញទៅផ្តិតរូបភាពដល់ទីក្រុងមួយចំនួននៅប្រទេសចិន ។ អុីចឹងហើយទើបគេគិតថា ហង្សមាសច្បាស់ជាលេចធ្លោបន្ថែមទៀត ព្រោះក្រៅពីបញ្ញា ក៏មានអ្នកចម្រៀងជាសមាជិកដទៃក៏ប្រជែងគ្នាកើបយកប្រជាប្រិយភាពស្ទើរតែគ្រប់គ្នា ព្រោះពួកគេមិនត្រូវហង្សមាសមើលរំលង ឬផ្អិបទុកមិនចែកភាពល្បីឡើយ ។
ឈិត សុវណ្ណបញ្ញា ដែលល្បីឈ្មោះ និងឧស្សាហ៍ចេញសម្តែងក្រៅស្រុកបានបញ្ជាក់កាលពីពេលថ្មីៗនេះថា ការពិតនាងបានចំណាយពេលចេញទៅថតបទចម្រៀងផ្ទាល់ខ្លួនរបស់នាងជាបទថ្មីនៅប្រទេសចិនរយៈពេលមួយសប្តាហ៍កាលពីអំឡុងខែមេសា ២០១៣ ដោយចេញថតតាមទីក្រុងធំៗនៅប្រទេសចិន ដើម្បីផ្តិតយកទេសភាពប្លែកៗចែកជូនអ្នកគាំទ្រ បន្ទាប់ពីក្រុមការងារខិតខំរិះរកគំនិតថ្មីៗដែលនាងសប្បាយចិត្ត ទោះជាការសម្តែងហត់នឿយបែបណាក៏ពេញចិត្តទទួលធ្វើគ្មានជិនណាយ ។
តារារូបស្រស់ និងធ្លាប់មានឈ្មោះក្លាយជាថៅកែហាងនៅម្តុំពេទ្យចិនរូបនេះបន្ថែមថា កាលពីទៅប្រទេសចិននាងទៅប៉ះចំខែត្រជាក់ ហើយត្រូវស្លៀកសម្លៀកបំពាក់បែបរងាចេញទៅថតតាមកន្លែងដែលក្រុមការងាររៀបចំទុក ។ នាងបានចំណាយពេលសម្តែងនៅប្រទេសចិននៅទីក្រុងចំនួន៣ មានប៉េកាំង សៀងហៃ និងហុងកុង សម្រាប់បទថ្មីរបស់នាងចំនួន៣បទ គឺបទ «ម្នាក់ឯងជានិច្ច» «I’ll be with u forever» និងបទ «កែវភ្នែកមួយគូ» ។
ទាំងបីបទនេះនាងរួមសម្តែងជាមួយតារាប្រុសម្នាក់ទើបតែឡើង កូដ ។ ក្រៅពីនោះមានបទចម្រៀងមួយចំនួនទៀតដែលនាងច្រៀងជាមួយលោក សាពូន មីដាដា គឺបទ «បែកបងមួយថ្ងៃ» និងបទ «ប្រុសស្អាតទុកចិត្តមិនបាន» ច្រៀងជាមួយលោក សូណូ ដែលបទទាំងនោះជាក្តីរំពឹងបន្ថែមទៀតនៃការស្រូបយកពិន្ទុពីអ្នកគាំទ្រ បន្ទាប់ពីនាង និងក្រុមការងារទាំងអស់ខិតខំអស់ពីកម្លាំងកាយចិត្តក្នុងន័យឆ្លើយតបដល់ការគាំទ្រពីមហាជនដែលស្រឡាញ់ហង្សមាស ។
ឮបញ្ញា ដែលមើលទៅកាន់តែស្រស់ថ្លាបានថ្លែងថា «នាងខ្ញុំដើរលើវិថីសិល្បៈឱ្យបានច្រើនឆ្នាំសិន ទើបគិតគូររឿងបើកមុខរបរថ្មី ។ ពីមុននាងខ្ញុំធ្លាប់ចូលហ៊ុនគ្នារកស៊ីលក់សម្លៀកបំពាក់ តែអត់មានពេលមើលថែមុខរបរឱ្យញឹកញាប់ទេ ព្រោះតែដើរច្រៀងរាំក្នុងស្រុកផង ក្រៅស្រុក ផង ។
អុីចឹងហើយទើបផ្អិបទុកការរកស៊ីចោលសិន ចាំមានពេលចាំគិត ។ ម៉្យាងរកលុយពីសិល្បៈសន្សំឱ្យបានច្រើនក្រែងអាចលៃលករកមុខជំនួញនាពេលខាងមុខអាចល្អជាងពេលនេះ ព្រោះខ្លួនមួយមិនចង់ចាប់នេះចាប់នោះទាំងគំហុកឡើយ ទើបសម្រេចចិត្តងាកមកខាងសិល្បៈពេញទំហឹង» ។ មហាជននឹងរង់ចាំទស្សនារូបភាពនៅប្រទេសចិនតាមទីក្រុងនីមួយៗ ដែលបញ្ញាបានសម្តែងក្នុងបទចម្រៀងថ្មី និងគិតថា ច្បាស់ជាមានអ្នកគាំទ្រច្រើនជាមិនខាន៕
ចែករំលែកព័តមាននេះ