រាជធានីភ្នំពេញ ៖ កាលពីថ្ងៃទី១៣ ខែវិច្ឆិកាកន្លងទៅ កម្លាំងនាយកដ្ឋានប្រឆាំងបទល្មើសបច្ចេកវិទ្យា បានឃាត់ខ្លួនជនសង្ស័យម្នាក់ដែលបានបង្កើតគណនីក្លែងក្លាយជាច្រើន ដោយដាក់ប្រូហ្វាល់ជារូបស្រីស្អាត រួចអេត(ADD) ទៅជនរងគ្រោះ ។
បន្ទាប់មក ឆាត(Chat)ទៅទំនាក់ទំនងក្នុងន័យស្នេហា ក្នុងគោលបំណងបង្ហាញពីការចង់ប្តូររូបអាក្រាតគ្នា ដោយជននេះយករូបនារីអាក្រាតនោះផ្ញើមកឲ្យជនរងគ្រោះ ហើយឲ្យជនរងគ្រោះផ្ញើរូបអាក្រាតរបស់ខ្លួនត្រឡប់មកវិញ ។
ទីបំផុត ពេលទទួលបានរូបអាក្រាតរបស់ជនរងគ្រោះហើយនោះ ជនសង្ស័យបានប្រើប្រាស់រូបអាក្រាតទាំងនោះ ដើម្បីគំរាមយកប្រាក់ពីជនរងគ្រោះ បើមិនព្រមផ្ញើលុយឲ្យគេនឹងបង្ហោះរូបភាពនិងវីដេអូអាក្រាតទាំងនោះទៅឲ្យបងប្អូនសាច់ញាតិ និងអាចធ្វើឲ្យអាម៉ាស់មិនខាននៅក្នុងហ្វេសប៊ុក ។
ឆ្លងកាត់ការបង្រា្កបករណីនេះ នាយកដ្ឋានប្រឆាំងបទល្មើសបច្ចេកវិទ្យា បានអំពាវនាវឲ្យពលរដ្ឋមានការប្រុងប្រយ័ត្ នកុំឲ្យអេតហ្រេ្វន(accept friends) ណាដែលអ្នកមិនស្គាល់ ព្រោះជនអគតិមួយចំនួនអាចប្រើប្រាស់គណនីក្លែងក្លាយ ដើម្បីបោកប្រាស់និងគំរាមទារប្រាក់ ។
ជាការពិត នៅតាមបណ្តាញសង្គមហ្វេសប៊ុក ពិតជាមានការបង្ហោះគណនីស្រីស្អាតជាច្រើន តែបើមើលពីចំនួនLike ស្ទើរតែគ្មាន ហើយសុំឲ្យជួយឡាយនិងស៊ែរ ដែលគណនីមានរូបប្រូហ្វាល់ស្រីស្អាតទាំងនោះ នឹងធ្វើការទាក់ទាញក្រុមបុរសដែលលេងហ្វេសប៊ុក ព្រោះថាគ្មានបុរសណាមិនស្រឡាញ់ស្រីស្អាតនោះទេ ។
វិធីរបស់ជនខិលខូចនេះ មិនខុសពីក្រុមម៉ាហ្វីយ៉ាចិន ដែលជំរិតទារប្រាក់តាមអុីនធើរណេតនោះទេ ដែលពួកគេប្រើរូបស្រីស្អាត ឬស្រីពួកគេតែម្តង ឲ្យទាក់ទងទៅស្រុកចិន ពិសេសអ្នកជំនួញ ឬកម្មាភិបាលបក្សដែលស្រឡាញ់កិត្តិយស ។
ពេលដែលពួកគេធ្លាក់ក្នុងអន្លង់ស្នេហ៍ហើយនោះ គឺការបង្ហោះរូបអាក្រាតឲ្យគ្នាមើល លុះពេលទទួលបាន
វីដេអូ ឬរូបអាក្រាតពីបុរសទាំងនោះហើយ ក៏បានផ្ទេរទៅឲ្យក្រុមបុរសវិញម្តង គឺរយៈពេលនៃការជំរិតទារប្រាក់ ។ ដោយសារខ្លាចពីបញ្ហាផ្សេងៗ ពិសេសគឺការអាម៉ាស់មុខ ពួកគេពិតជាឲ្យប្រាក់ដើម្បីបំបិទរូបអាក្រាតទាំងនោះ ៕
ចែករំលែកព័តមាននេះ