ខេត្តព្រះសីហន ៖ ពិតជាសង្វេគសម្រែកឪពុក និងម្តាយបានលាន់ឬយ៉ាងខ្លាំង បន្ទាប់ពីទទួលដំណឹងថា កូនប្រុសរបស់គាត់ដែលទើបចេញពីសាលារៀនគួរត្រូវបានរថយន្តកិនស្លាប់យ៉ាងអាណោចអាធម៌ ។ ហេតុការនេះបានកើតឡើងនៅវេលាម៉ោង១៩និង០០នាទីយប់ ថ្ងៃទី១៥ វិច្ឆិកា…
ខេត្តព្រះសីហន ៖ ពិតជាសង្វេគសម្រែកឪពុក និងម្តាយបានលាន់ឬយ៉ាងខ្លាំង បន្ទាប់ពីទទួលដំណឹងថា កូនប្រុសរបស់គាត់ដែលទើបចេញពីសាលារៀនគួរត្រូវបានរថយន្តកិនស្លាប់យ៉ាងអាណោចអាធម៌ ។ ហេតុការនេះបានកើតឡើងនៅវេលាម៉ោង១៩និង០០នាទីយប់ ថ្ងៃទី១៥ វិច្ឆិកា ឆ្នាំ២០១៨នៅចំណុចចំណោទលោកយាយម៉ៅ ស្ថិតក្នុងភូមិ០៣ សង្កាត់លេខ០៣ ក្រុងព្រះសីហនុ ។
ជុំវិញករណីគ្រោះថ្នាក់ចរាចរណ៍ដ៏រន្ធត់នេះ បើយោងតាមប្រភពបឋមពីសមត្ថកិច្ចចរាចរណ៍នៅកន្លែងកើតហេតុបានឲ្យដឹងថា នៅវេលាម៉ោង១៩និង០០នាទីយប់ ថ្ងៃទី១៥ វិច្ឆិកា ឆ្នាំ២០១៨ នៅចំណុចចំណោទលោកយាយម៉ៅ ស្ថិតក្នុងភូមិ០៣ សង្កាត់លេខ០៣ ក្រុងព្រះសីហនុ មានករណីគ្រោះថ្នាក់ចរាចរណ៍មួយកើតឡើងបង្កឡើងដោយរថយន្តដឹកទំនិញធន់ធំម៉ាកហ៊ីយ៉ាន់ដាយ ពណ៌សខៀវ ពាក់ស្លាកលេខព្រះសីហនុ 3A-7037 បានបើកកៀរទាក់ដៃចង្កូតម៉ូតូមួយគ្រឿង ម៉ាក ស្សូមមើអ៊ិច ពណ៌ក្រហមខ្មៅ ពាក់ស្លាកលេខភ្នំពេញ 1HD-7389 បើកបរដោយយុវជនរងគ្រោះឈ្មោះ រិទ្ឋី ពិសិដ្ឋ ភេទប្រុស អាយុ១៦ឆ្នាំ មានមុខរបរជាសិស្ស ។ បច្ចុប្បន្នស្នាក់នៅជាមួយឪពុកមា នៅឃ្លាំងលើ ស្ថិតក្នុងភូមិ០១ សង្កាត់លេខ០១ ក្រុងព្រះសីហនុ បណ្តាលឲ្យស្លាប់នៅនឹងកន្លែង (បែកក្បាលធ្លាយខួរ) ។
ប្រភពដដែលបានបន្តថា ជុំវិញហេតុការណ៌នេះពុំមាននរណាម្នាក់បានឃើញច្បាស់លាស់នោះទេ ប៉ុន្តែយោងតាមការពិនិត្យស្លាកស្នាមគំនូសនៅកន្លែងកើតហេតុ សមត្ថកិច្ចអាចសន្និដ្ឋានជាបឋម (មិនទាន់ផ្លូវការ) ថា មុនកើតហេតុទាំងម៉ូតូ និងរថយន្តបាក់ ហើយបើកស្របទិសគ្នា ហើយរថយន្តបានបើកវ៉ាម៉ូតូ ប៉ុន្តែវ៉ាមិនផុតក៏បានទាក់ដៃចង្កូតម៉ូតូជនរងគ្រោះអូសម៉ូតូទៅមុខធ្វើឲ្យម៉ូតូដួលចូលក្រោមកង់រថយន្ត ឯ ជនរងគ្រោះខ្ទាតចេញក្រៅ ហើយស្របពេលនោះអាចមានរថយន្តផ្សេងទៀតមកពីក្រោយ មើលជនរងគ្រោះមិនឃើញក៏កិនចំក្បាលតែម្តង ទើបធ្វើឲ្យខួរយុវជនរងគ្រោះខ្ទាតឡើងទៅលើរថយន្តបង្កផ្នែកខាងក្រោយកាប៊ិន តែនេះក្រាន់តែជាការសន្និដ្ឋានទេ មិនអាចយកជាផ្លូវការណ៍បាននៅឡើយទេ ។
ក្រោយកើតហេតុគ្រួសារសពយុវជនរងគ្រោះបានដឹកសាកសពយកទៅតម្គល់នៅវត្តក្រោម ដើម្បីធ្វើបុណ្យតាមប្រពៃណី ឯវត្ថុតាងទាំង០២ត្រូវបានសមត្ថកិច្ចយកទៅរក្សាទុកនៅការិយាល័យចរាចរណ៍ជើងគោកខេត្ត រង់ចាំដោះស្រាយតាមនីតិវិធីច្បាប់ ៕
ចែករំលែកព័តមាននេះ