រាជធានីភ្នំពេញ ៖ ដើម្បីផ្សារភា្ជប់ទ្រឹស្តីទៅនឹងការអនុវត្តជាក់ស្តែង ស្របតាមបាវចនារបស់វិទ្យាស្ថានប៊ែលធីអន្តរជាតិ «គុណភាព ប្រសិទ្ធភាព ឧត្តមភាព សីលធម៌ គុណធម៌» និងក្នុងគោលបំណងបណ្តុះមនសិការសិស្សានុសិស្សដែលជាយុវជនខ្មែរជំនាន់ក្រោយឱ្យចេះស្រឡាញ់ជាតិមាតុភូមិ និងទទួលបាននូវចំណេះដឹងពិតដែលទាក់ទងទៅនឹងវប្បធម៌ អរិយធម៌ខ្មែរដ៏រុងរឿងតាម
រាជធានីភ្នំពេញ ៖ ដើម្បីផ្សារភា្ជប់ទ្រឹស្តីទៅនឹងការអនុវត្តជាក់ស្តែង ស្របតាមបាវចនារបស់វិទ្យាស្ថានប៊ែលធីអន្តរជាតិ «គុណភាព ប្រសិទ្ធភាព ឧត្តមភាព សីលធម៌ គុណធម៌» និងក្នុងគោលបំណងបណ្តុះមនសិការសិស្សានុសិស្សដែលជាយុវជនខ្មែរជំនាន់ក្រោយឱ្យចេះស្រឡាញ់ជាតិមាតុភូមិ និងទទួលបាននូវចំណេះដឹងពិតដែលទាក់ទងទៅនឹងវប្បធម៌ អរិយធម៌ខ្មែរដ៏រុងរឿងតាមសម័យកាលនីមួយៗរួមទាំងប្រវត្តិសាស្ត្រដ៏ជូរចត់ដែលបានកើតឡើង ចំពោះប្រជាពលរដ្ឋខ្មែរនៅក្នុងរបបប្រល័យពូជសាសន៍ប៉ុល ពត ដែលជាយុគសម័យដ៏ខ្មៅងងឹតបានសម្លាប់មនុស្សអស់រាប់លាននាក់ ទើបរៀងរាល់ឆ្នាំ វិទ្យាស្ថានប៊ែលធី អន្តរជាតិ តែងបានរៀបចំនូវដំណើរទស្សនកិច្ចសិក្សាសម្រាប់សិស្សានុសិស្សផ្នែកចំណេះទូទៅពីថ្នាក់ទី៤ដល់ទី១២ ដោយឱ្យសិស្សទៅសិក្សាស្រាវជ្រាវនៅទីកន្លែងប្រវត្តិសាស្ត្រខុសៗគ្នា ។
ជាក់ស្តែងចាប់ពីថ្ងៃទី៣ ដល់ថ្ងៃទី១១ ខែមិថុនា ឆ្នាំ២០១៣ គណៈគ្រប់គ្រង និងលោកគ្រូ អ្នកគ្រូនៃវិទ្យាស្ថានប៊ែលធីអន្តរជាតិ បានដឹកនាំសិស្សានុសិស្សចំណេះទូទៅពីថ្នាក់ទី៤ដល់ទី១០សរុបមានចំនួន៦.៨២៦នាក់ធ្វើទស្សនកិច្ចសិក្សានៅតាមទីតាំងប្រវត្តិសាស្ត្រសំខាន់ៗ៤កន្លែងនៅរាជធានីភ្នំពេញ ក្នុងនោះមាន ព្រះបរមរាជវាំង សារមន្ទីរជាតិ សារមន្ទីរឧក្រិដ្ឋកម្មប្រល័យពូជសាសន៍ទួលស្លែង និងមជ្ឈមណ្ឌលប្រល័យពូជសាសន៍ជើងឯក ។
បន្ទាប់ពីបញ្ចប់ដំណើរទស្សនកិច្ចសិក្សាតាមកន្លែងនីមួយៗ វិទ្យាស្ថានក៏បានតម្រូវឱ្យសិស្សានុសិស្សសរសេររបាយការណ៍ទុកជាឯកសារក្នុងន័យពង្រឹងគុណភាពសិក្សារបស់សិស្សឱ្យសមស្របទៅនឹងបាវចនាខាងលើ ៕
ចែករំលែកព័តមាននេះ