រាជធានីភ្នំពេញ ៖ នៅវេលាម៉ោង២និង៣០នាទីរសៀលថ្ងៃទី១២ មិថុនានេះ សាលាដំបូងរាជធានីភ្នំពេញនឹងប្រកាសសាលក្រមសំណុំរឿងនិស្សិតពេទ្យបើករថយន្តបុកក្មេង៣នាក់ស្លា.ប់ និងរបួស៦នាក់នៅមុខក្រសួងមហាផ្ទៃ។
រាជធានីភ្នំពេញ ៖ នៅវេលាម៉ោង២និង៣០នាទីរសៀលថ្ងៃទី១២ មិថុនានេះ សាលាដំបូងរាជធានីភ្នំពេញនឹងប្រកាសសាលក្រមសំណុំរឿងនិស្សិតពេទ្យបើករថយន្តបុកក្មេង៣នាក់ស្លាប់ និងរបួស៦នាក់នៅមុខក្រសួងមហាផ្ទៃ។
គួររំលឹកថា បន្ទាប់ពីបើកសវនាការសួរដេញដោលសំណុំរឿងនិស្សិតស្រីវ័យក្មេងម្នាក់ ដែលបើករថយន្តបុកក្មេង៣នាក់ ស្លាប់ និងមនុស្សចាស់៦នាក់ទៀតរងរបួសធ្ងន់ នៅចំណុចមុខក្រសួងមហាផ្ទៃក្នុងខណ្ឌចំការមន កាលពីដើមខែមីនា ២០១៣ រួចមក សាលាដំបូងរាជធានីបានលើកពេលប្រកាសសាលក្រមនៅថ្ងៃទី១២ កក្តដា ២០១៣ ។
គួរបញ្ជាក់ថាសាលាដំបូងរាជធានីភ្នំពេញបានបើកសវនាការជំនុំ ជម្រះជាសាធារណៈនៅរសៀលថ្ងៃទី៦ មិថុនា នេះ បន្ទាប់ពីចៅក្រមស៊ើបសួរបិទការស៊ើបអង្កេត ។ អង្គសវនាការបានធ្វើឡើងចំពោះមុខជនត្រូវចោទ និងមេធាវីការពារក្តី ។
ជនត្រូវចោទឈ្មោះ គាម ពិសិដ្ឋណារីតា អាយុ២៣ឆ្នាំ និស្សិតឆ្នាំទី៦ នៃសាកលវិទ្យាល័យវេជ្ជសាស្ត្រ និងសុខាភិបាល មានអាសយដ្ឋាននៅក្រុងតាខ្មៅ ខេត្តកណ្តាល ។ ជនត្រូវចោទឈ្មោះ គាម ពិសិដ្ឋណារីតា ត្រូវបានតំណាងអយ្យការសាលាដំបូងរាជធានីភ្នំពេញ ចោទប្រកាន់ពីបទបើកបរបង្កឱ្យមានគ្រោះថ្នាក់ស្លាប់ និងរបួសដល់អ្នកដទៃ ដោយអចេតនាប្រព្រឹត្តនៅលើដងមហាវិថីព្រះនរោត្តមមុខ ក្រសួងមហាផ្ទៃ ស្ថិតនៅក្នុងសង្កាត់ទន្លេបាសាក់ ខណ្ឌចំការមន កាលពីវេលាល្ងាចថ្ងៃទី១ មីនា ។
ហេតុការណ៍ បុករះគួរឱ្យរន្ធត់នោះបានបង្កឱ្យការភ្ញាក់ផ្អើល យ៉ាងខ្លាំងសម្រាប់សាធារណជនទូទៅ ពិសេសការស្លាប់របស់កុមារប្រុស-ស្រី៣នាក់ និងរបួស៦នាក់ផ្សេងទៀត ។ ការបុករះនោះ គឺបណ្តាលមកពីការស្លន់ស្លោរបស់និស្សិតស្រីវ័យក្មេង ដែលបើករថយន្តនោះក៏បណ្តាលឱ្យបុករះនៅតាមដងផ្លូវដែល មានចរាចរណ៍យា៉ងមមាញឹក ។ ជនត្រូវចោទឈ្មោះ គាម ពិសិដ្ឋណារីតា អាយុ២៣ឆ្នាំ ជាកូនស្រីរបស់លោក គាម ពិសិដ្ឋ អនុប្រធានមន្ទីរសុខាភិបាលខេត្តកណ្តាល ។
ចែករំលែកព័តមាននេះ