រាជធានីភ្នំពេញ ៖ ផ្សារចាក់អង្រែដែលស្ថាបនាដោយក្រុមហ៊ុនវិនិយោគទុនអាណិកជនខ្មែរ(OCIC) ស្ថិតក្នុងសង្កាត់ចាក់អង្រែក្រោម ខណ្ឌមានជ័យ ត្រូវបានស្ថាបនារួចរាល់ហើយ និងសម្ពោធដាក់ឲ្យប្រើប្រាស់ជាផ្លូវការចាប់ពីពេលនេះតទៅ ។ ពិធីសម្ពោធបានធ្វើឡើងកាលពីព្រឹកថ្ងៃទី១១ មិថុនា ក្រោមអធិបតីភាព លោក ប៉ា សុជាតិវង្ស អភិបាលរាជធានីភ្នំពេញ ដោយមានការចូលរួម
រាជធានីភ្នំពេញ ៖ ផ្សារចាក់អង្រែដែលស្ថាបនាដោយក្រុមហ៊ុនវិនិយោគទុនអាណិកជនខ្មែរ(OCIC) ស្ថិតក្នុងសង្កាត់ចាក់អង្រែក្រោម ខណ្ឌមានជ័យ ត្រូវបានស្ថាបនារួចរាល់ហើយ និងសម្ពោធដាក់ឲ្យប្រើប្រាស់ជាផ្លូវការចាប់ពីពេលនេះតទៅ ។ ពិធីសម្ពោធបានធ្វើឡើងកាលពីព្រឹកថ្ងៃទី១១ មិថុនា ក្រោមអធិបតីភាព លោក ប៉ា សុជាតិវង្ស អភិបាលរាជធានីភ្នំពេញ ដោយមានការចូលរួមពីអាជ្ញាធរក្រោមឱវាទសាលារាជធានីភ្នំពេញ ប្រជាពលរដ្ឋ និងអាជីវករយ៉ាងច្រើនកុះករ ។
មន្ត្រីសាលារាជធានីភ្នំពេញបានឲ្យដឹងថា នេះគឺជាសមិទ្ធផលថ្មីមួយទៀតដែលបានកើតឡើងពីការវិនិយោគរបស់ក្រុមហ៊ុនវិនិយោគទុនអាណិកជនខ្មែរ (OCIC) ដែលចាប់កសាងតាំងពីថ្ងៃទី២១ កញ្ញា ឆ្នាំ២០១១ រហូតដល់រួចរាល់ក្នុងពេលនេះ ។ ផ្សារនេះមានកម្ពស់២ជាន់មានតូប និងស្តង់ជាង៧០០ស្តង់ ។
នៅក្នុងឱកាសនោះលោក ប៉ា សុជាតិវង្ស បានថ្លែងថា ផ្សារនេះគឺបានឆ្លុះបញ្ចាំងពីជោគជ័យនៃការអនុវត្តគោលនយោបាយចតុកោណរបស់រាជរដ្ឋាភិបាលដំណាក់កាលទី២ ជាពិសេសគោលការណ៍យកក្រុងចិញ្ចឹមក្រុង និងជាមុំមួយនៃយុទ្ធសាស្ត្រចតុកោណគឺជំរុញការលើកទឹកចិត្តដល់វិស័យឯកជនក្នុងការអភិវឌ្ឍ ហើយបើគ្មានការដឹកនាំ គ្មានគោលនយោបាយត្រឹមត្រូវទេ ពិតជាគ្មានទីផ្សារនេះឡើយ ។ រាជរដ្ឋាភិបាលដែលដឹកនាំដោយគណបក្សប្រជាជនកម្ពុជាមានសម្តេចតេជោ ហ៊ុន សែន ជានាយករដ្ឋមន្រ្តីបានដឹកនាំប្រទេសចេញពីបាតដៃទទេ ពីចំណុចសូន្យ ខុសពីមេដឹកនាំលើពិភពលោក ដែលកាន់អំណាចបន្តពីអ្នកមុនហើយមានអ្វីៗទាំងអស់នៅក្នុងដៃ ។ ប៉ុន្តែសម្តេចតេជោបានខិតខំប្រឹងប្រែងអភិវឌ្ឍប្រទេសពីគំនរផេះផង់រហូតដល់ទទួលបានការអភិវឌ្ឍធ្វើឲ្យជីវភាពរស់នៅរបស់ប្រជាពលរដ្ឋកាន់តែប្រសើរ និងមានអ្វីៗដូចពេលនេះ។
លោក ប៉ា សុជាតិវង្ស បានផ្តាំផ្ញើដល់បងប្អូនអាជីវករក្នុងផ្សារចាក់អង្រែទាំងអស់ ត្រូវចូលរួមអនុវត្តគោលនយោបាយភូមិ-សង្កាត់មានសុវត្ថិភាព ចូលរួមសម្អាតទីផ្សារដោយប្រកាន់ទស្សនៈទីផ្សារស្អាត បរិស្ថានល្អគឺជាការទាក់ទាញអតិថិជន ។ ជាពិសេសទៅទៀតនៅថ្ងៃទី២៨ កក្កដា ឆាប់ៗខាងមុខនេះ ទៅបោះឆ្នោតឲ្យបានគ្រប់ៗគ្នា មិនត្រូវជឿការឃោសនានយោបាយរបស់គណបក្សដទៃនោះទេគឺត្រូវជឿ និងទុកចិត្តទៅលើសម្តេចតេជោ ហ៊ុន សែន សូមកុំភ្លេចបោះឆ្នោតជូនគណបក្សប្រជាជនដែលមានរូបសញ្ញាទេវតាបាចផ្កានៅលេខរៀងទី៤កុំខានឲ្យសោះ ៕
ចែករំលែកព័តមាននេះ