រាជធានីភ្នំពេញ ៖ អាមេរិកបានប្រគល់វត្ថុបុរាណជាបដិមាសម័យអង្គរចំនួន២ឱ្យមកកម្ពុជាវិញ បន្ទាប់ពីរកឃើញ ដាក់តាំងនៅសារមន្ទីរមួយក្នុងទីក្រុងញូវយ៉កលើទឹកដីប្រទេសរបស់ខ្លួន ដែលពិធីប្រគល់-ទទួលនេះនឹងធ្វើឡើងនៅព្រលានយន្តហោះអន្តរជាតិភ្នំពេញនាវេលាម៉ោងជាង៦ល្ងាច ថ្ងៃទី១១ មិថុនា ២០១៣នេះ ។
រាជធានីភ្នំពេញ ៖ អាមេរិកបានប្រគល់វត្ថុបុរាណជាបដិមាសម័យអង្គរចំនួន២ឱ្យមកកម្ពុជាវិញ បន្ទាប់ពីរកឃើញ ដាក់តាំងនៅសារមន្ទីរមួយក្នុងទីក្រុងញូវយ៉កលើទឹកដីប្រទេសរបស់ខ្លួន ដែលពិធីប្រគល់-ទទួលនេះនឹងធ្វើឡើងនៅព្រលានយន្តហោះអន្តរជាតិភ្នំពេញនាវេលាម៉ោងជាង៦ល្ងាច ថ្ងៃទី១១ មិថុនា ២០១៣នេះ ។
គួររំលឹកផងដែរថា កាលពីអំឡុងឆ្នាំ២០១០សហរដ្ឋអាមេរិកធ្លាប់បានប្រគល់វត្ថុបុរាណសម័យអង្គរ៧ដុំឱ្យមកកម្ពុជាវិញ ដែលកាលណោះពិធីប្រគល់-ទទួលជាផ្លូវការត្រូវបានធ្វើឡើងនៅសារមន្ទីរជាតិ ក្រោមអធិបតីភាពលោកជំទាវ ម៉ែន សំអន ឧបនាយករដ្ឋមន្ត្រីប្រចាំការនៃរដ្ឋាភិបាលកម្ពុជាជាមួយនឹងលោក William Burns ឧបការីក្រសួងការបរទេសអាមេរិក ។
កាលណោះលោក William Burns បានថ្លែងថា វត្ថុបុរាណទាំងនេះត្រូវបានរកឃើញ និងចាប់បាននៅក្នុងក្របខណ្ឌនៃ «ប្រតិបត្តិការបុរាណវត្ថុ» ធ្វើឡើងដោយមន្ត្រីផ្នែកអន្តោប្រវេសន៍ និងគយរបស់អាមេរិកក្នុងការស៊ើបអង្កេតលើការជួញដូរវត្ថុបុរាណពីតំបន់អាស៊ីអាគ្នេយ៍ទៅកាន់សហរដ្ឋអាមេរិក ។
រហូតមកដល់ពេលនេះកម្ពុជាបានទទួលវត្ថុបុរាណចំនួន២៩ដុំ រួចមកហើយ (បូកនឹង២ដុំនេះទៀត) ពីប្រជាជន និងរដ្ឋាភិបាលអាមេរិក ហើយវត្ថុបុរាណទាំងនោះ ឥឡូវនេះត្រូវបានរក្សាទុក និងដាក់បង្ហាញនៅសារមន្ទីរជាតិ ។ វត្ថុបុរាណទាំងនោះរួមមានផ្តែរទ្វារ ព្រះសិរទេវរូប ដងខ្លួនទេវៈ បំណែកក្បាច់កញ្ចាំងជាដើម ដែលគេស្គាល់ថា ស្ថិតក្នុងសម័យអង្គរ ៕
ចែករំលែកព័តមាននេះ