រាជធានីភ្នពេញ ៖ តាមសេចក្តីរាយការបឋមបានឲ្យដឹងថា កាលពីថ្ងៃទី០៨ វិច្ឆិកានេះ កម្លាំងសមត្ថកិច្ចការិយាល័យប្រឆាំងការជួញដូរមនុស្ស និងការពារអនីតិជនរាជធានីភ្នំពេញបានចុះសហការជាមួយនគរមូលដ្ឋានខណ្ឌសែនសុខ ដោយមានការសម្របសម្រួលពីសំណាក់លោក គុជ គឹមឡុង…
រាជធានីភ្នពេញ ៖ តាមសេចក្តីរាយការបឋមបានឲ្យដឹងថា កាលពីថ្ងៃទី០៨ វិច្ឆិកានេះ កម្លាំងសមត្ថកិច្ចការិយាល័យប្រឆាំងការជួញដូរមនុស្ស និងការពារអនីតិជនរាជធានីភ្នំពេញបានចុះសហការជាមួយនគរមូលដ្ឋានខណ្ឌសែនសុខ ដោយមានការសម្របសម្រួលពីសំណាក់លោក គុជ គឹមឡុង ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញធ្វើការបង្ក្រាបជាក់ស្តែងពាក់ពន្ធករណីអំពើលក់ដូរមនុស្សសម្រាប់នាំឆ្លងដែន និងអន្តរការីរវាងអ្នកសុំកូន និងស្ត្រីពពោះ ។
កិច្ចសហការបង្ក្រាបនោះសមត្ថកិច្ចបានធ្វើឡើងនៅចំណុចចំនួន៣កន្លែងក្នុងទឹកដីខណ្ឌសែន សុខ រាជធានីភ្នំពេញ ។ លទ្ធផលឃាត់ខ្លួនជនសង្ស័យចំនួន១៥នាក់ ក្នុងនោះមានអ្នកមើលការខុសត្រូវ (មេការស្ត្រី) ២នាក់ អ្នករត់ម៉ូតូកង់បី២នាក់ និងស្ត្រីមានផ្ទៃពោះ (ស្ត្រីពពោះ) ចំនួន១១នាក់ ។
វត្ថុតាងដកហូតមានលិខិតឆ្លងដែន១ក្បាល ឯកសារពេទ្យមួយចំនួន(ស៊ីរ៉ាង និងថ្នាំពេទ្យ ប្រើរួច និងមិនទាន់ប្រើ) និងម៉ូតូកង់បីចំនួន២គ្រឿង ។
ជនសង្ស័យ និងវត្ថុតាងត្រូវបានសមត្ថកិច្ចនាំទៅកាន់ការិយាល័យប្រឆាំងការជួញដូរមនុស្ស និងការពារអនីតិជន ដើម្បីកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញតាមនីតិវិធី ៕
ចែករំលែកព័តមាននេះ