កិច្ចប្រជុំ​​គណៈកម្មការ​​ចំរុះលើកទី១​ ​ស្តីពីការអភិវឌ្ឍ​តំបន់​ព្រំដែន​ ​និងការតភ្ជាប់​​រវាងកម្ពុជា​-ថៃ​ នឹងចាប់ផ្តើម​ប្រព្រឹត្ត​ទៅនៅថ្ងៃទី ១១ ​មិថុនា ២០១៣ ​នៅរាជធានីភ្នំពេញ ។

យោងតាម​​សេចក្តីជូនព័ត៌មាន​​របស់ក្រសួង​ការបរទេស​​និងសហប្រតិបត្តិ​ការ​អន្តរជាតិ​​បានបញ្ជាក់ឲ្យដឹង​ទៀតថា កិច្ចប្រជុំនេះ​ នឹងពិភាក្សាលើបញ្ហា​មួយ​ចំនួនដើម្បី​​អភិវឌ្ឍន៏​តំបន់ព្រំដែន​ ​និង ការតភ្ជាប់​រវាងប្រទេស​ទំាងពីរ ​។

នៅចុងបញ្ចប់​នៃ​កិច្ចប្រជុំនេះ​​ លោកឧបនាយក​រដ្ឋមន្រ្តី​ ​ហោ ណាំហុង​​ រដ្ឋមន្រ្តីការបរទេស​​និងសហប្រតិបត្តិ​ការ​អន្តរជាតិ និង ​លោកឧបនាយក​រដ្ឋមន្រ្តី ​ស៊ូរ៉ាពង់​ តូវីចាក់ឆៃគុល​ រដ្ឋមន្រ្តីការបរទេសថៃ​ នឹងធ្វើសន្និសីទកាសែ​តរួមគ្នាមួយ ។

ក្រៅពីនេះ​ ​លោកឧបនាយករដ្ឋមន្រ្តី​​និងជាប្រមុខការ​ទូតថៃ​​ នឹងដឹកនំាគណៈ​ប្រិតិភូ​ចូលជួប​សម្តែងការ​​គួរសមជាមួយ​​សម្តេចនាយក​រដ្ឋមន្រ្តី​ ហ៊ុន សែន ​ផងដែរ ៕