រាជធានីភ្នំពេញ ៖ រថយន្តសេរីទំនើបម៉ាកហ៊ីយាន់ដាយ ពណ៌ស ថ្មីសឡាងមួយគ្រឿងបានដាច់កាឡេ និងបែកកង់ម្ខាងរងការខូចខាតយ៉ាងដំណំ ខណៈដែលបុរសម្នាក់បោះពួយក្នុងល្បឿនយ៉ាងលឿន លុះដល់ចំណុចផ្លូវកោងទំនងជាឡាគួខ្លាំងពេកកាច់ចង្កូតមិនទាន់ ទើបបើកឡើងទៅលើសួនច្បារពុះចែកទ្រូងផ្លូវបែបនេះ ។…
រាជធានីភ្នំពេញ ៖ រថយន្តសេរីទំនើបម៉ាកហ៊ីយាន់ដាយ ពណ៌ស ថ្មីសឡាងមួយគ្រឿងបានដាច់កាឡេ និងបែកកង់ម្ខាងរងការខូចខាតយ៉ាងដំណំ ខណៈដែលបុរសម្នាក់បោះពួយក្នុងល្បឿនយ៉ាងលឿន លុះដល់ចំណុចផ្លូវកោងទំនងជាឡាគួខ្លាំងពេកកាច់ចង្កូតមិនទាន់ ទើបបើកឡើងទៅលើសួនច្បារពុះចែកទ្រូងផ្លូវបែបនេះ ។
ករណីនេះដែរបានកើតឡើង កាលពីវេលាម៉ោង២និង១៥នាទីរសៀលថ្ងៃទី០៩ ខែវិច្ឆិកា ឆ្នាំ ២០១៨ នៅចំណុចខាងមុខក្រុមហ៊ុនមួយកន្លែងដែលស្ថិតនៅក្នុងតំបន់បឹងកក់ ក្នុងសង្កាត់ស្រះចក ខណ្ឌដូនពេញ ។
តាមប្រភពព័ត៌មានពីបុរសម្នាក់បានប្រាប់ឱ្យដឹងថា មុនពេលកើតហេតុគេបានឃើញរថយន្តស៊េរីទំនើបម៉ាកហ៊ីយាន់ដាយ ពណ៌សពាក់ស្លាកលេខភ្នំពេញ 2AP -7997 មួយគ្រឿងដែលបើកបរដោយបុរសជនជាតិខ្មែរ វ័យជាង៣០ឆ្នាំម្នាក់បោះពួយក្នុងល្បឿនយ៉ាងលឿន ក្នុងទិសដៅពីត្បូងទៅជើង ។ លុះមកដល់ចំណុចកើតហេតុខាងលើដែលជាចំណុចផ្លូវកោងខ្លាំងនោះក៏ស្រាប់តែរថយន្តស៊េរីទំនើបមួយគ្រឿងនោះទំនងជាឡាគួខ្លាំងពេកទើបអ្នកបើកបរកាច់ចង្កូតមិនទាន់ ទើបឡើងទៅលើសួនច្បារពុះចែកទ្រូងផ្លូវបែបនេះតែម្តង ។
តាមប្រភពដដែលបានប្រាប់បន្តទៀតថា ពាក់ព័ន្ធទៅនឹងករណីបុរសម្នាក់បោះពួយរថយន្តស៊េរីទំនើបម៉ាកហ៊ីយន់ដាយពណ៌សថ្មីសឡាងរបស់គាត់ឡើងទៅលើសួនច្បារពុះចែកទ្រូងផ្លូវបែបនេះ គឺដោយសារតែរូបគាត់មិនបានស្គាល់ពីភូមិសាស្ត្រផ្លូវនៅម្តុំនេះ ទើបកើតរឿងបែបនេះឡើងដោយរថយន្តបានបាក់កាឡេមុខ និងបែកកង់មុខខាងឆ្វេងម្ខាងផងដែរ ។
ក្រោយពេលកើតហេតុដោយមិនមានការប៉ះពាល់ដល់ទ្រព្យសម្បត្តិរដ្ឋនោះគេបានឃើញបុរសជាម្ចាស់រថយន្តស៊េរីទំនើបម៉ាកហ៊ីយាន់ដាយខាងលើធ្វើការដោះស្រាយជាមួយ និងភាគីខាងក្រុមហ៊ុនវិនិយោគតំបន់បឹងកក់ និងហៅរថយន្តមកស្ទូចយកទៅជួសជុលដោយខ្លួនឯងទៅវិញបាត់ទៅ ៕
ចែករំលែកព័តមាននេះ