រាជធានីភ្នំពេញ ៖ រាជរដ្ឋាភិបាលកម្ពុជាតាមរយៈក្រសួងកសិកម្មរុក្ខាប្រមាញ់និងនេសាទបានបង្កើតគម្រោងការប្រើប្រាស់ថាមពលកកើតឡើងវិញនៅខេត្តចំនួន៥ ហើយគ្រោង បង្កើតនៅខេត្តចំនួន២០ នៃទូទាំំងប្រទេសកម្ពុជា ។
ក្នុងកិច្ចសម្ភាសន៍ជាមួយអ្នកសារព័ត៌មានលោកស្រី Bridgetmcintosh ប្រធានគម្រោងរបស់ENERGY Keek Cambodia បានឲ្យដឹងនៅក្នុងកម្មវិធីផ្សព្វផ្សាយគម្រោងការកកើតឡើងវិញថាមពលស្អាត កាលពីយប់ថ្ងៃទី៨ វិច្ឆិកា ថា កម្មវិធីថ្ងៃនេះ គឺចង់បង្ហាញពីគម្រោងនៃការបង្កើតថាមពលកកើតឡើង វិញថាមពលស្អាតដូចជា ខ្យល់ ពន្លឺព្រះអាទិត្យ ទឹក… ។ លោកស្រីបានបន្ថែមថា មូលហេតុដែលបង្កើតគម្រោងកកើតឡើងវិញដោយថាមពលស្អាតនេះ ដោយសារតែចង់ឲ្យមនុស្សយល់ដឹងពីការកកើតឡើងវិញ ហើយយកទៅប្រើប្រាស់ក្នុងន័យរក្សាបរិស្ថាននៅពេលអនាគត ។ លោកស្រីបញ្ជាក់ថា «អត្ថប្រយោជន៍នៃគម្រោង គឺមនុស្សជាច្រើនដែលបានចូលរួមថ្ងៃនេះ ដើម្បីនិយាយគ្នាអំពីទំនាក់ទំនងលើកវិស័យកកើតឡើងវិញនេះ ដើម្បីយក ទៅប្រាប់ដល់អ្នកផ្សេង ឬក្រុមហ៊ុនផ្សេងទៀត ។
អីញ្ចឹងពេលគាត់មកទីនេះគាត់នឹងយកអ្វីដែលគាត់យល់ដឹង ដើម្បីប្រាប់ដល់កសិករក៏ដូចជា ប្រជាជនកម្ពុជាយើង» ។ លោកស្រីក៏បានលើកឡើងថា ការបង្កើតគម្រោងការបង្កើតថាមពលកកើតឡើងវិញនេះ ដោយនៅប្រទេសកម្ពុជាមានការយល់ដឹងពីថាមពលកកើតឡើងវិញ នៅមានកម្រិតតិចតួច ។ កម្មវិធីនេះក៏ជាការបង្កើតការយល់ដឹងផងដែរ អំពីថាមពលកកើតឡើងវិញ ដែលជាទិសដៅរបស់ពិភពលោក ។ លោកស្រីក៏បានឲ្យដឹងថា នេះជាកម្មវិធីទី១ សម្រាប់កម្ពុជា ហើយនៅប្រទេសកម្ពុជាមានអាទិភាពខ្លាំង ក្នុងការទាយយកពន្លឺព្រះអាទិត្យ តាមរយៈបន្ទះសូឡា ដើម្បីបង្កើតជាអគ្គិសនីប្រើប្រាស់ ។
ក្រៅពីពន្លឺព្រះអាទិត្យនៅមានខ្យល់ កាកសំណល់កសិកម្ម និងទឹកសមុទ្រ ។ លោកស្រីក៏បានអះអាងកម្មវិធី Clean ENERGY មានការចូលរួម និងគាំទ្រពីសិស្សនិស្សិតជាច្រើនរយនាក់ ។ ថាមពលកកើតឡើងវិញនេះក៏មានផ្តល់ប្រយោជន៍ជាច្រើនដូចជា អាចយកវាច្នៃទៅជាបន្ទះសូឡាសម្រាប់បូមទឹក ប្រើប្រាស់ភ្លើង និងតភ្ជាប់ជាមួយភ្លើងរដ្ឋក៏បាន ។ លោកស្រីបានក៏បានឲ្យដឹងសម្រាប់កម្មវិធីថាមពលកកើតឡើងវិញនេះ ខាងរដ្ឋាភិបាលអូស្ត្រាលី អាល្លឺម៉ង់ ជប៉ុន ចិន និងបណ្តាប្រទេសផ្សេងទៀតបានកំពុងតែចាប់អារម្មណ៍លើថាមពលកើតឡើងវិញនេះដែលកម្ពុជាជាអំណោយផលល្អ ។
ជាមួយគ្នានោះដែរ លោកស្រីក៏បានលើកឡើងថា កម្មវិធីថាមពលស្អាតនេះក៏បានជំរុញឲ្យកម្ពុជាបោះជំហ៊ានទៅមុខមួយផ្នែកទៀត ក្នុងការប្រើប្រាស់ ហើយលោកស្រីក៏បានសំណូមពរដល់រាជរដ្ឋាភិបាលកម្ពុជា ឲ្យប្រើប្រាស់ថាមពលកកើតឡើងវិញឲ្យច្រើន ដើម្បីកាត់បន្ថយការចំណាយថវិកាច្រើន ។ លោកស្រីបញ្ជាក់ថា « ថាមពលកកើតឡើងវិញ អីញ្ចឹងវា ដើម្បីប្រើប្រាស់ក្នុងតម្លៃធូរថ្លៃ ។ អូស្ត្រាលីជួយកម្ពុជាបានច្រើនលើវិស័យផ្សេងៗដូចជា គម្រោងជួយកសិករដែលបានជួយកសិករបង្កើតផលឲ្យបានល្អ និងច្រើនជាងមុន ។ យើងជួយគាត់ដូចជាការប្រើប្រាស់ម៉ាស៊ីនបូមទឹក ដោយប្រើពន្លឺព្រះអាទិត្យ…» ។
បើតាមលោកស្រីក៏បានអះអាងគម្រោងនេះនឹងចាប់ផ្តើមចុះផ្សព្វផ្សាយដល់ប្រជាពលរដ្ឋនៅក្នុងខេត្តចំនួន៥នៃប្រទេសកម្ពុជាដូចជា ខេត្តកំពត កណ្តាល ស្វាយរៀង តាកែវ និងព្រៃវែង ហើយនៅឆ្នាំ២០២០ និងធ្វើការចុះផ្សាយនៅខេត្តចំនួន២០ខេត្តក្រុង ហើយបើទទួលជោគជ័យនឹងបន្តឲ្យគ្រប់រាជធានីខេត្ត ៕
ចែករំលែកព័តមាននេះ