មកដល់ពេលនេះប្រជាជនចិន-វៀតណាមមួយចំនួនធំស្ទើរតែភ្លេចរឿងតំណាលទាក់ទងជាមួយការសែននំចាំងនេះទៅហើយ ដោយអ្នកខ្លះពោលថា ខ្ញុំសែននំចាំងតាមជីដូនជីតា ពីមុនៗមក… អ្នកខ្លះទៀតពោលថា ការសែននំចាំងនេះវាមានរឿងព្រេងទាក់ទងជាមួយប្រទេសចិន កាលពីបុរាណមកតែមិនច្បាស់ ។ មហាគ្រួសារលេខនេះសូមគាស់កកាយរឿងសែននំចាំងដែលកើតឡើងតាំងពីឆ្នាំ៣០៤ មុនគ្រឹស្តរាជមកជូនប្រិយមិត្តអ្នកអានជ្រាប ។
មកដល់ពេលនេះប្រជាជនចិន-វៀតណាមមួយចំនួនធំស្ទើរតែភ្លេចរឿងតំណាលទាក់ទងជាមួយការសែននំចាំងនេះទៅហើយ ដោយអ្នកខ្លះពោលថា ខ្ញុំសែននំចាំងតាមជីដូនជីតា ពីមុនៗមក… អ្នកខ្លះទៀតពោលថា ការសែននំចាំងនេះវាមានរឿងព្រេងទាក់ទងជាមួយប្រទេសចិន កាលពីបុរាណមកតែមិនច្បាស់ ។ មហាគ្រួសារលេខនេះសូមគាស់កកាយរឿងសែននំចាំងដែលកើតឡើងតាំងពីឆ្នាំ៣០៤ មុនគ្រឹស្តរាជមកជូនប្រិយមិត្តអ្នកអានជ្រាប ។
លោកលីវ ឈួន ជាគ្រូបង្រៀនអក្សរសាស្ត្រចិន និងជាអ្នកបកប្រែចិន-ខ្មែរនៅសាលាឈុងជីង (ឯកជន) បានឱ្យមហាគ្រួសារដឹងថា ការសែននំចាំងនៅថ្ងៃខាងមុខនេះ គឺគេធ្វើឡើងដើម្បីរំលឹកវិញ្ញាណក្ខន្ធវីរជនស្នេហាជាតិចិនមួយរូបដែលលោតចូលក្នុងទឹកទន្លេមីល័រ សម្លាប់ខ្លួនឯង កាលពីឆ្នាំ៣០៤ មុនគ្រឹស្តរាជ ព្រោះតូចចិត្តរឿងជាតិធ្លាក់ដុនដាប។ លោកបន្តថា កាលដែលវីរជនស្នេហាជាតិស្លាប់ ពេលនោះគឺនៅថ្ងៃទី៥ ខែ៥ ហើយប្រជាជនចិនឱ្យតែដល់ខួបតែងតែយកនំចាំងបោះចូលក្នុងទន្លេមីល័រ ដោយយល់ឃើញថា ការបោះនំនេះ គឺចង់រក្សាសាកសពអ្នកស្នេហាជាតិកុំឱ្យត្រីស៊ីសាកសព ដោយជំនួសនូវការបោះសែននំចាំងនេះចូលក្នុងទន្លេវិញ ។
លោកគ្រូអក្សរសាស្ត្រចិនមានប្រសាសន៍ថា ការសែននំចាំងកាលពីមុនគឺឆ្លុះបញ្ចាំងពីទឹកចិត្តស្នេហាជាតិរបស់លោកឈី យាន ដើម្បីឱ្យប្រជាជនចិនទាំងអស់ចងចាំ និងត្រូវចេះស្នេហាជាតិគ្រប់ៗគ្នា តែមកដល់បច្ចុប្បន្នមានជនមួយចំនួនធំមិនបានស្វែងយល់ឱ្យស៊ីជម្រៅអំពីរឿងសែននំចាំងនេះទេ ដោយអ្នកខ្លះគិតថា ជារឿងសែនដូចគ្នា ដើម្បីសុំសេចក្តីសុខរកស៊ីមានបានទៅវិញ ។ លោកបានបញ្ជាក់ថា កាលពីឆ្នាំ៣០៤ មុនគ្រឹស្តរាជប្រទេសចិនទាំងមូលមានការបែងចែកជា៧ប្រទេស (នគរ) ក្នុងនោះមានតែប្រទេសឈីញទេ ដែលមានអំណាចខ្លាំងជាងគេ ហើយមានបំណងវាយយកទឹកដីប្រទេសទាំងអស់មកគ្រប់គ្រងតែម្នាក់ឯង ។
ប្រទេសឈីញ បានប្រើល្បិចអញ្ជើញស្តេចឈូ ឱ្យយាងចូលនគរខ្លួន ដោយលើកហេតុផលថា យើងមានរឿងធំមួយចង់ពិភាក្សាជាមួយ។ ពេលនោះមានមន្ត្រីម្នាក់ឈ្មោះឈី យាន ជាមន្ត្រីស្នេហាជាតិ និងជាអ្នកនិពន្ធផងនោះបានប្រាប់ទៅស្តេចរបស់ខ្លួនថា សូមព្រះអង្គកុំយាងទៅអី នេះជាល្បិចស្តេចឈីញតែប៉ុណ្ណោះ គឺចាប់ព្រះអង្គទុកវាយយកទឹកដីនគរយើងតែប៉ុណ្ណោះ ។ ស្តេចឈូមិនជឿលោកឈី យាន ប្រាប់ទេ ថែមទាំងដកតំណែងលោកឱ្យជារាស្ត្រធម្មតាវិញទៀតផង ។
មិនយូរប៉ុន្មានប្រទេសឈីញក៏បានសម្រេចដូចបំណងបានធ្វើឱ្យប្រទេសទាំង២មានសង្គ្រាមជាមួយគ្នា ហើយធ្វើឱ្យលោកឈី យាន អស់សង្ឃឹមនៅក្នុងជីវិតក៏លោតសម្លាប់ខ្លួនក្នុងទឹកទន្លេមីល័រ បាត់ទៅ ដែលជាហេតុធ្វើឱ្យប្រជាជនចិននឹកស្តាយអ្នកសេ្នហាជាតិ ដោយគ្រប់ៗគ្នាបានធ្វើការសែននំចាំងតាំងពីពេលនោះមករហូតដល់បច្ចុប្បន្ន៕
ចែករំលែកព័តមាននេះ