ខេត្តកោះកុង ៖ ពលរដ្ឋជាង១០០គ្រួសារផ្ទុះការតវ៉ាជាមួយអង្គការវ៉ាយអេដដល់សាលាខេត្តកោះកុង ចាប់ពីម៉ោង៨និង៣០នាទីព្រឹក ថ្ងៃទី០៨ ខែវិច្ឆិកា ឆ្នាំ២០១៨ រហូតដល់ថ្ងៃត្រង់ប្រជាពលរដ្ឋប្រមាណជាង១០០គ្រួសារមកពីឃុំត្រពាំងរូង ស្រុកកោះកុង បានមកធ្វើការតវ៉ាដល់មុខសាលាខេត្ត…
ខេត្តកោះកុង ៖ ពលរដ្ឋជាង១០០គ្រួសារផ្ទុះការតវ៉ាជាមួយអង្គការវ៉ាយអេដដល់សាលាខេត្តកោះកុង ចាប់ពីម៉ោង៨និង៣០នាទីព្រឹក ថ្ងៃទី០៨ ខែវិច្ឆិកា ឆ្នាំ២០១៨ រហូតដល់ថ្ងៃត្រង់ប្រជាពលរដ្ឋប្រមាណជាង១០០គ្រួសារមកពីឃុំត្រពាំងរូង ស្រុកកោះកុង បានមកធ្វើការតវ៉ាដល់មុខសាលាខេត្ត ដើម្បីទាមទារឲ្យអាជ្ញាធរខេត្តជួយដោះស្រាយបញ្ហា ដែលខាងក្រុមមន្ត្រីអង្គការសម្ព័ន្ធមិត្តសត្វព្រៃ (វ៉ាយអេដ) សហការជាមួយមន្ត្រីបរិស្ថាន ដើរកាប់បំផ្លាញផលដំណាំប្រជាពលរដ្ឋ កាលពីថ្ងៃទី០៦ ខែវិច្ឆិកា កន្លងទៅ ។
នៅក្នុងខ្លឹមសារនៃការតវ៉ានោះពលរដ្ឋទាំងអស់បានសំណូមពរឲ្យអាជ្ញាធរជួយដោះស្រាយ៣ ចំណុច គឺ១ – ទាមទារសំណងការខូចខាតផលដំណាំ (ឈើហូបផ្លែ) រាប់រយដើមដែលក្រុមមន្ត្រីអង្គការខាងលើបានកាប់បំផ្លាញដែលការដាំដុះរបស់ពួកគាត់ ស្ថិតនៅលើដីកម្មសិទិ្ធដែលក្រុមនិស្សិតបានវាស់វែងរួចហើយ ។ ២- ទាមទារឲ្យអង្គការខាងលើមានការសហការជិតស្និទិ្ធជាមួយអាជ្ញាធរមូលដ្ឋាន មុននឹងចុះបង្ក្រាបលើទីតាំងដីរបស់ប្រជាពលរដ្ឋដែលកំពុងរស់នៅ ឬអាស្រ័យផល ។ ៣- សុំជួយចេញប័ណ្ណកម្មសិទ្ធិឲ្យបានឆាប់ឲ្យពួកគាត់ផង ចំពោះទីតាំងដីដែលក្រុមនិស្សិតបានវាស់វែងរួចហើយ ដើម្បីផ្តល់សិទ្ធិប្រើប្រាស់ និងកាន់កាប់ស្របច្បាប់ ។ ទោះជាយ៉ាងណាការតវ៉ាខាងលើនៅមិនទាន់មានដំណោះស្រាយជាក់លាក់នៅឡើយទេ ទោះបីនៅព្រឹកថ្ងៃដដែលនេះ មានមន្ត្រីអ្នកនាំពាក្យសាលាខេត្តបានកោះហៅតំណាងជាមួយពលរដ្ឋមួយក្រុមឡើងទៅពិភាក្សាគ្នារួចហើយក្តី ៕
ចែករំលែកព័តមាននេះ