ពេលនេះយុវជនភាគច្រើនចាប់ផ្តើមទទួលស្គាល់ពីសារសំខាន់នៃការសិក្សាដែលជាផ្លូវពិតប្រាកដអាចផ្តល់ឱ្យពួកគេរកការងារបានធ្វើប្រកបដោយសមធម៌ និងសក្តានុពល ព្រមទាំងឈានទៅធ្វើជាអ្នកដឹកនាំ ស្ថាប័នឯកជន និងរដ្ឋប្រកួតប្រជែងជាមួយប្រទេសក្នុងតំបន់ដែលធ្លាប់មានភាពចាស់ទុំជាងយើងខាងបទពិសោធន៍នៃការអភិវឌ្ឍទៀតផង ។
ពេលនេះយុវជនភាគច្រើនចាប់ផ្តើមទទួលស្គាល់ពីសារសំខាន់នៃការសិក្សាដែលជាផ្លូវពិតប្រាកដអាចផ្តល់ឱ្យពួកគេរកការងារបានធ្វើប្រកបដោយសមធម៌ និងសក្តានុពល ព្រមទាំងឈានទៅធ្វើជាអ្នកដឹកនាំ ស្ថាប័នឯកជន និងរដ្ឋប្រកួតប្រជែងជាមួយប្រទេសក្នុងតំបន់ដែលធ្លាប់មានភាពចាស់ទុំជាងយើងខាងបទពិសោធន៍នៃការអភិវឌ្ឍទៀតផង ។
បច្ចុប្បន្នឱកាសសិក្សាស្រាវជ្រាវត្រូវបានបើកទូលាយ ក្រៅពីរៀនក្នុងសាកលវិទ្យាល័យ ការស្រាវជ្រាវតាមអីុនធើរណេត ជាពិសេសតាមបណ្ណាល័យនានាពិតជាមានសារសំខាន់ក្នុងការបង្កើនចំណេះដឹង ។ ដើម្បីចូលរួមចំណែកផ្តល់បទពិសោធន៍ខ្លះសម្រាប់អ្នកស្រាវជ្រាវ ទស្សនាវដ្តីមហាគ្រួសារសូមបង្ហាញបណ្ណាល័យមួយចំនួនដែលបើកបម្រើសេវាកម្មសិក្សាស្រាវជ្រាវ ដោយឥតគិតថ្លៃដែលអាចជួយឱ្យយុវជនប្រើប្រាស់ពេលវេលាដ៏មានសារសំខាន់ក្នុងការសិក្សារស្រាវជ្រាវជាជាងចំណាយពេលវេលាឥតប្រយោជន៍ ។
នៅរាជធានីភ្នំពេញ យើងកត់សម្គាល់ឃើញមានបណ្ណាល័យធំៗមួយចំនួន និងនៅតាមអង្គការមជ្ឈមណ្ឌលសមាគមជាច្រើនទៀតដែលផ្តល់សេវាសៀវភៅជាប្រភពចំណេះដឹងដ៏ពិតប្រាកដ ។ ជាក់ស្តែងបណ្ណាល័យវិទ្យាស្ថានពុទ្ធសាសនបណ្ឌិត(សៀវភៅ និងឯកសារចំណេះទូទៅកត់ត្រាទុកនូវរឿងរ៉ាវជាព្រឹត្តិការណ៍ផ្សេងៗ និងក្បួនច្បាប់នៅតាមសិលាចារឹក និងបានធ្វើជាឯកសារតម្កល់ទុកក្នុងស្លឹករឹត និងនៅលើក្រាំង) ដែលមានទីតាំងនៅជិតឧទ្យានសម្តេចហ៊ុន សែន សង្កាត់ទន្លេបាសាក់ ខណ្ឌចំការមន រាជធានីភ្នំពេញ លេខទំនាក់ទំនង ០១២ ៩៧ ១៨ ១៦ ។
បណ្ណាល័យជាតិកម្ពុជា (សៀវភៅ និងឯកសារទូទៅ) មានទីតាំងទល់មុខស្ថានទូតអាមេរិក ផ្លូវ៩២ សង្កាត់វត្តភ្នំ ខណ្ឌដូនពេញ រាជធានីភ្នំពេញ លេខទំនាក់ទំនង(៨៥៥) ២៣ ៤៣០ ៦០៩, (៨៥៥) ១២ ៩៥១ ៨៥២, (៨៥៥) ១២ ៩២៩ ៧៦៩ ។ សៀវភៅសរុបប្រមាណ៥០.០០០ក្បាល មានសៀវភៅភាសាខ្មែរ អង់គ្លេស បារាំង… ។
បណ្ណាល័យធនាគារពិភពលោក (សៀវភៅបរទេស ខ្មែរ កុំព្យូទ័រ អីុនធើរណេត…) នៅក្នុងបរិវេណធនាគារពិភពលោក គឺស្ថិតនៅតាមបណ្តោយផ្លូវព្រះនរោត្តម កែងផ្លូវ២៤០ ទល់មុខ Monument Book and Toys ។
បណ្ណាល័យ JICA (សៀវភៅបរទេស ជប៉ុន Japanese ខ្មែរ កុំព្យូទ័រ អីុនធើរណេត…) អគារលេខ៦១-៦៤ នៅជាន់ទី៦, ៧, ៨ ជិតវិមានឯករាជ្យ ផ្លូវព្រះនរោត្តម ភ្នំពេញ លេខទំនាក់ទំនង០២៣ ២១ ១៦ ៧៣ ។
បណ្ណាល័យស្ថានទូតអាមេរិក(សៀវភៅបរទេស អង់គ្លេស ខ្មែរ កុំព្យូទ័រ អាយផែត(Ipad) អីុនធើរណេត…) គឺក្នុងស្ថានទូតអាមេរិកតែម្តង ផ្លូវលេខ៩៦ សង្កាត់វត្តភ្នំ ខណ្ឌដូនពេញ រាជធានីភ្នំពេញ ទល់មុខ Sunway ។
បណ្ណាល័យព្រឹទ្ធសភា(សៀវភៅភាគច្រើនផ្នែកច្បាប់ នយោបាយ ឯកសារពាក់ព័ន្ធនឹងរដ្ឋាភិបាលជាភាសាខ្មែរ និងអង់គ្លេស) ក្នុងបរិវេណព្រឹទ្ធសភាផ្លូវនរោត្តម សង្កាត់ទន្លេបាសាក់ ខណ្ឌចំការមន រាជធានីភ្នំពេញ លេខទំនាក់ទំនង(៨៥៥-២៣) ២២១ ៤៤១, (៨៥៥-២៣) ២១១ ៤៤២, (៨៥៥-២៣) ២១១ ៤៤៣។
បណ្ណាល័យហ៊ុន សែន (បឹងត្របែក)ក្នុងវិទ្យាល័យបឹងត្របែកទល់មុខក្រុមហ៊ុន DKSH នៅតាមបណ្តោយផ្លូវព្រះមុនីវង្ស ។
បណ្ណាល័យមជ្ឈមណ្ឌលសិទ្ធិមនុស្ស(ឯកសារទាក់ទងនឹងសិទ្ធិមនុស្ស សិទ្ធិស្ត្រី សិទ្ធិកុមារ យែនឌ័រ…) ម្តុំផ្សារបឹងត្របែក ផ្ទះលេខ៧៩៨ ផ្លូវ៩៩ សង្កាត់បឹងត្របែក ខណ្ឌចំការមន រាជធានីភ្នំពេញ លេខទូរស័ព្ទ(៨៥៥) ២៣ ៧២៦ ៩០១ ។
បណ្ណាល័យអង្គការអាដហុក (ឯកសារទាក់ទងនឹងសិទ្ធិមនុស្ស ទិន្នន័យសិទ្ធិមនុស្សយែនឌ័រ…) ម្តុំផ្សារបឹងត្របែកផ្ទះលេខ២៣ ផ្លូវម៉ៅសេទុង ភ្នំពេញ លេខទូរស័ព្ទ (២៣) ២១៨ ៧២៧ ។
យោងតាមការសម្ភាសអ្នកគ្រូ ពៅ វណ្ណនី ប្រធានបណ្ណាល័យហ៊ុន សែន នៅសាកលវិទ្យាល័យភូមិន្ទភ្នំពេញឱ្យដឹងថា បណ្ណាល័យហ៊ុន សែន គឺជាបណ្ណាល័យសាធារណៈដែលមានសៀវភៅ និងឯកសារចំណេះដឹងទូទៅ ពិសេសសម្រាប់និស្សិត និងសាធារណជន ។ ពួកគេអាចធ្វើប័ណ្ណតម្លៃ២០.០០០រៀល តែសម្រាប់និស្សិតផ្ទៃក្នុងតម្លៃ១២.០០០រៀល ដោយគេអាចខ្ចីឯកសារ ស៊ីឌី ផ្សេងៗដោយគោរពលក្ខខណ្ឌផ្ទៃក្នុងដែលមាន ។ អ្នកគ្រូបានបន្ថែមទៀតថា ក្នុងបណ្ណាល័យ ឯកសាជាភាសាអង់គ្លេស៧០%នៃសៀវភៅទាំងអស់ប្រហែល១០.០០០ក្បាល ហើយសិស្ស-និស្សិតចូលអានសៀវភៅជាមធ្យមពី៥០០ទៅ៦០០នាក់ក្នុងមួយថ្ងៃ ។ ចុងក្រោយអ្នកគ្រូ ពៅ វណ្ណនី យល់ឃើញថា វាជាភារកិច្ចសំខាន់មួយដោយសារបណ្ណាល័យជួយបង្កើនសមត្ថភាពសិស្ស-និស្សិតសប្បាយរីករាយ និងមានមោទនភាពដែលសម្តេចហ៊ុន សែន បានពង្រីកបណ្ណាល័យឱ្យធំ ។
បណ្ណាល័យវិទ្យាស្ថានបារាំងនៅជាប់របងសាកលវិទ្យាល័យពុទ្ធិសាស្ត្រ អគារលេខ២១៨ ផ្លូវកែវជា ទូរស័ព្ទលេខ(២៣) ២១៣ ១២៤ មានសៀវភៅបរទេស(បារាំង Frence) ខ្មែរ កុំព្យូទ័រ អីុនធើរណេត ឌីសវីដេអូ ។
យោងតាមអ្នកស្រីណាតាលី ប្រង់ឌី កូរ៍ ជនជាតិបារាំងជាអ្នកទទួលបន្ទុកផ្នែកពហុបណ្ណាល័យនៅបណ្ណាល័យវិទ្យាស្ថានបារាំងឱ្យដឹងថា បណ្ណាល័យវិទ្យាស្ថានបារាំង គឺជាប្រភេទបណ្ណាល័យសាធារណៈដែលទទួលសាធារណជនទូទៅ ។ ការធ្វើប័ណ្ណដើម្បីមានសិទ្ធិចូលអាន និងខ្ចីឯកសារ គឺតម្លៃធម្មតាសម្រាប់ជនជាតិខ្មែរ១០ដុល្លារក្នុង១ឆ្នាំនិងសម្រាប់ជនបរទេស២០ដុល្លារ ក្នុង១ឆ្នាំ ។ សម្រាប់យុវវ័យ និងនិស្សិតខ្មែរ២ដុល្លារក្នុង១ឆ្នាំ និងយុវវ័យ-និស្សិត បរទេស៥ដុល្លារក្នុង១ឆ្នាំ ។ ការខ្ចីឯកសារ និងការស្រាវជ្រាវក្នុងអីុនធើរណេតអនុញ្ញាតឱ្យតែអ្នកចុះឈ្មោះប៉ុណ្ណោះ ។
អ្នកស្រីបានបន្ថែមថា បណ្ណាល័យមានសៀវភៅឯកសារ និងឌីសសរុបប្រហែល២៥.០០០ក្បាល ហើយសៀវភៅភាគច្រើនពាក់ព័ន្ធស្រុកខ្មែរ និងអាសីុ។ អ្នកចូលអានសៀវភៅជាមធ្យមប្រហែលជា១៥០នាក់ក្នុង១ថ្ងៃ ។ ពិសេសបំផុតនោះ សព្វថ្ងៃកំពុងរៀបចំឱ្យមានឧបករណ៍លីស័រ Ipad ដែលអាចផ្ទុកឯកសារបានច្រើន និង Download ឯកសារបានដើម្បីឱ្យខ្ចីសម្រាប់ការរកឯកសារដោយងាយស្រួលបំផុត ៕
ចែករំលែកព័តមាននេះ