រាជធានីភ្នំពេញ ៖ ល្ងាចថ្ងៃទី៧ មិថុនា នៅបរិវេណសាកលវិទ្យាល័យភ្នំពេញអន្តរជាតិ មានរៀបចំពិធីសំណេះសំណាល និងពិសាអាហារសាមគ្គីរវាងគណៈគ្រប់គ្រង បុគ្គលិក និងសាស្រ្តាចារ្យនៃសាកលវិទ្យាល័យភ្នំពេញអន្តរជាតិ ជាមួយគណៈគ្រប់គ្រង លោកគ្រូអ្នកគ្រូនៃវិទ្យាល័យនានា ក្នុងរាជធានីភ្នំពេញប្រមាណ៦០០នាក់ ។
រាជធានីភ្នំពេញ ៖ ល្ងាចថ្ងៃទី៧ មិថុនា នៅបរិវេណសាកលវិទ្យាល័យភ្នំពេញអន្តរជាតិ មានរៀបចំពិធីសំណេះសំណាល និងពិសាអាហារសាមគ្គីរវាងគណៈគ្រប់គ្រង បុគ្គលិក និងសាស្រ្តាចារ្យនៃសាកលវិទ្យាល័យភ្នំពេញអន្តរជាតិ ជាមួយគណៈគ្រប់គ្រង លោកគ្រូអ្នកគ្រូនៃវិទ្យាល័យនានា ក្នុងរាជធានីភ្នំពេញប្រមាណ៦០០នាក់ ។
លោកស្រី ទេព កូលាប សាកលវិទ្យាធិការនៃសាកលវិទ្យាល័យភ្នំពេញអន្តរជាតិ បានសម្តែងនូវក្តីសោមនស្សរីករាយយ៉ាងក្រៃលែង និងបានថ្លែងថា យើងអាចជួបជុំសំណេះសំណាល ពិសាអាហារនាពេលនេះ គឺដោយសារគុណូបការៈថ្ងៃ៧មករាដែលបានជួយសង្គ្រោះជីវិតយើងទាំងអស់គ្នាឲ្យរួចផុតពីរបបប្រល័យពូជសាសន៍ដ៏សាហាវព្រៃផ្សៃ ដែលបានធ្វើទារុណកម្មសម្លាប់មនុស្សរាប់លាននាក់ដ៏យង់ឃ្នងបំផុតក្នុងប្រវត្តិសាស្រ្តប្រទេសកម្ពុជា ។ មានសន្តិភាព ស្ថិរភាព និងការអភិវឌ្ឍ ដូចសព្វថ្ងៃនេះ គឺផ្តើមចេញពីជ័យជម្នះថ្ងៃ៧មករា នេះជាសច្ចធម៌ប្រវត្តិសាស្រ្ត ។
លោកស្រីថ្លែងបន្តទៀតថា ការប្រារព្ធពិធីជួបជុំនាថ្ងៃនេះ មានគោលបំណងសំខាន់ពីរ គឺដើម្បី ៖ ១-ថ្លែងអំណរគុណប្រកបដោយទឹកចិត្តកតញ្ញូតាធម៌ដ៏ខ្ពង់ខ្ពស់បំផុត ចំពោះភាពសន្តោសប្រណីប្រកបដោយព្រហ្មវិហារធម៌ដ៏ថ្លៃថ្លាបំផុតរបស់សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ដែលបានជួយការពារ រកយុត្តិធម៌ និងជួយសង្គ្រោះអាយុជីវិតលោកស្រីឲ្យបានរួចផុតពីការយាយីគំរាមកំហែងកាលពី ថ្ងៃទី១ ខែតុលា ឆ្នាំ២០១២ ។ បើគ្មានការសន្តោសប្រណីពីសម្តេចតេជោ និងសម្តេចកិត្តិព្រឹទ្ធបណ្ឌិតទេ ក៏គ្មានសាកលវិទ្យាធិការ ទេព កូលាប និងក៏គ្មានសាកលវិទ្យាល័យភ្នំពេញអន្តរ ជាតិដែរ ។
២-ថ្លែងអំណរគុណយ៉ាងជ្រាលជ្រៅចំពោះទឹកចិត្តរបស់គណៈគ្រប់គ្រង សាស្រ្តាចារ្យ លោកគ្រូ អ្នកគ្រូ និងនិស្សិតទាំងអស់ដែលតែងតែផ្តល់នូវភាពជឿជាក់ ការរួមសុខរូមទុក្ខជាមួយគ្នា ហើយជួយរកយុត្តិធម៌ដល់លោកស្រី ។ លោកស្រីនឹងបន្តខិតខំធ្វើការជាមួយសាស្រ្តាចារ្យ និស្សិត ប្រែក្លាយសាកលវិទ្យាល័យភ្នំពេញអន្តរជាតិទៅជាសាកលវិទ្យាល័យមួយដែលមានគុណភាព អាចប្រកួតប្រជែងក្នុងតំបន់ដើម្បីរួមចំណែកជាមួយរាជរដ្ឋាភិបាលក្នុងការបណ្តុះបណ្តាលធនធានមនុស្សឲ្យមានសមត្ថភាពជំនាញ សីលធម៌ និងមនសិការវិជ្ជាជីវៈ ដើម្បីអភិវឌ្ឍប្រទេសជាតិឲ្យកាន់តែរីកចម្រើនថែមទៀត ។ លោកស្រីបានបន្ថែមទៀតថា សាកលវិទ្យាល័យភ្នំពេញអន្តរជាតិមិនមែនជារបស់លោកស្រី ឬបុគ្គលណាម្នាក់ទេ តែជាសាកលវិទ្យាល័យរបស់យើងទាំងអស់គ្នា ។
ក្នុងឱកាសនោះដែរ លោក ម៉ក់ ងយ អគ្គនាយកនៃអគ្គនាយកដ្ឋានឧត្តមសិក្សា បានថ្លែងអំណរគុណលោកស្រី ទេព កូលាប និងគណៈគ្រប់គ្រងសាកលវិទ្យាល័យភ្នំពេញអន្តរជាតិ ទាំងអស់ ដែលបានផ្តល់កិត្តិយសដល់លោកនិងលោកគ្រូ អ្នកគ្រូតាមវិទ្យាល័យនានាក្នុងរាជធានីភ្នំពេញ រាប់រយនាក់ចូលរួមពិធីពិសាអាហារសាមគ្គីនាពេលនេះ ។ ជាមួយនេះ ក៏បានថ្លែងអំណរគុណដល់សាកលវិទ្យាល័យដែលបានខិតខំរួមចំណែកលើកស្ទួយការអភិវឌ្ឍធនធានមនុស្ស និងបន្តខិតខំឲ្យកាន់តែល្អថែមទៀត ដើម្បីត្រៀមលក្ខណៈឆ្លើយតបទៅនឹងតម្រូវការទីផ្សារការងារនៅពេលប្រទេសកម្ពុជាចូលរួមក្នុងសមាហរណកម្មអាស៊ាននាឆ្នាំ២០១៥ខាងមុខ ៕
ចែករំលែកព័តមាននេះ