ខេត្តតាកែវ ៖ នៅស្នាក់ការគណបក្សប្រជាជនកម្ពុជាឃុំចំប៉ា ស្រុកព្រៃកប្បាស កាលពីថ្ងៃទី៩ មិថុនា មានរៀបចំពិធីបញ្ចូលសមាជិក-សមាជិកាថ្មី (យុវជនក្នុងសាលា) គណបក្សប្រជាជនកម្ពុជាចំនួន៦០២នាក់ មកពីវិទ្យាល័យ និងអនុវិទ្យាល័យចំនួន៩ ក្នុងឃុំចំនួន៧របស់ស្រុកព្រៃកប្បាស ក្រោមអធិបតីភាពលោកបណ្ឌិត ពេជ សោភ័ន រដ្ឋលេខាធិការក្រសួងការងារ និងបណ្តុះបណ្តាល
ខេត្តតាកែវ ៖ នៅស្នាក់ការគណបក្សប្រជាជនកម្ពុជាឃុំចំប៉ា ស្រុកព្រៃកប្បាស កាលពីថ្ងៃទី៩ មិថុនា មានរៀបចំពិធីបញ្ចូលសមាជិក-សមាជិកាថ្មី (យុវជនក្នុងសាលា) គណបក្សប្រជាជនកម្ពុជាចំនួន៦០២នាក់ មកពីវិទ្យាល័យ និងអនុវិទ្យាល័យចំនួន៩ ក្នុងឃុំចំនួន៧របស់ស្រុកព្រៃកប្បាស ក្រោមអធិបតីភាពលោកបណ្ឌិត ពេជ សោភ័ន រដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈ និងជាអនុប្រធានទី១ ក្រុមការងារថ្នាក់កណ្តាលចុះជួយស្រុកព្រៃកប្បាស ។
ជាដំបូង តំណាងសិស្សានុសិស្សចំនួន៣នាក់ បានឡើងអានពាក្យសុំចូលជាសមាជិកគណបក្សប្រជាជនកម្ពុជា ក្រោយមកលោកស្រីអនុប្រធានគណបក្សស្រុក បានអានសេចក្តីសម្រេចយល់ព្រមចូលជាសមាជិករបស់គណបក្សប្រជាជនកម្ពុជា ។ ក្រោយពីអង្គពិធីទាំងមូលបានស្តាប់ការប្តេជ្ញាចិត្តរបស់សិស្សរួចមក លោកបណ្ឌិត ពេជ សោភ័ន បានមានមតិសំណេះសំណាលជាមួយសមាជិក-សមាជិកាថ្មីចំនួន៦០២នាក់ ដែលទើបតែបានបញ្ចូលថ្មីៗនេះ ។ លោកបណ្ឌិត បានថ្លែងអំណរគុណដល់អស់លោក លោកស្រីជាក្រុមការងារថ្នាក់កណ្តាល និងថ្នាក់មូលដ្ឋានចុះជួយស្រុកព្រៃកប្បាស លោកមេឃុំ មេភូមិ លោកនាយក -នាយករង លោកគ្រូ អ្នកគ្រូ បុគ្គលិកការិយាល័យអប់រំ យុវជន និងកីឡាស្រុក និងអាជ្ញាធរដែនដីទាំងអស់ ដែលបានចំណាយពេលវេលា និងថវិកាសម្រាប់រៀបចំពិធីនេះ ។ លោកបណ្ឌិត បានណែនាំដល់សមាជិក-សមាជិកាថ្មីដែលជាយុវជនទាំងអស់ ត្រូវស្គាល់ពីភារកិច្ចរបស់ខ្លួនក្នុងនាមជាសមាជិក-សមាជិកាបក្ស ។
លោកបណ្ឌិត ពេជ សោភ័ន ក៏បានលើកឡើងពីប្រវត្តិរបស់គណបក្សប្រជាជនកម្ពុជា ជូនអង្គពិធីទាំងមូល ដែលគណបក្សប្រជាជនកម្ពុជាជួយរំដោះប្រទេសជាតិឱ្យរួចផុតពីរបបប្រល័យពូជសាសន៍ ប៉ុល ពត និងដឹកនាំប្រទេសឱ្យមានការរីកចម្រើនដូចសព្វថ្ងៃនេះ មិនដូចគណបក្សមួយចំនួនដែលបានតែសន្យា និងចេះតែនិយាយ តែពុំបានធ្វើអ្វីបន្តិចសោះឡើយជូនប្រជាជន ក៏ដូចជាប្រទេសជាតិទាំងមូល ។ មិនតែប៉ុណ្ណោះ លោកបណ្ឌិតក៏បានគាំទ្រមហាបាតុកម្មអហិង្សាប្រឆាំងនឹងលោក កឹម សុខា ដែលបាននិយាយថា គុកទួលស្លែងជាគុកសិប្បនិម្មិត ព្រោះគុកទួលស្លែងនេះបានឃុំខ្លួន ធ្វើទារុណកម្ម និងសម្លាប់ប្រជាជនខ្មែរអស់យ៉ាងច្រើនក្នុងរបប ប៉ុល ពត ។ ដូច្នេះ ប្រជាពលរដ្ឋទូទាំងប្រទេស ក៏ដូចរូបលោកផ្ទាល់មិនអាចលើកលែងទោសឱ្យលោក កឹម សុខា បានឡើយ និងទាមទារឱ្យលោក កឹម សុខា សុំទោសប្រជាពលរដ្ឋដែលនៅរស់ និងបានស្លាប់នៅក្នុងគុកទួលស្លែង ។
ជាចុងក្រោយ លោកបណ្ឌិតបានផ្តាំផ្ញើដល់សមាជិក-សមាជិកាថ្មី ក៏ដូចជាប្រជាពលរដ្ឋទាំងអស់ទូទាំងប្រទេសសូមទៅបោះឆ្នោតជូនគណបក្សប្រជាជនកម្ពុជា ដែលមានរូបសញ្ញាទេវតាបាចផ្កា ជាសម្គាល់ និងមានលេខរៀងទី៤ នៅលើសន្លឹកឆ្នោត នៅថ្ងៃទី២៨ កក្កដា ឆ្នាំ២០១៣ខាងមុខ ដើម្បីគាំទ្របេក្ខភាពសម្តេចអគ្គមហាសេនាបតីតេជោ ហ៊ុន សែន ជានាយករដ្ឋមន្ត្រីសម្រាប់អាណត្តិទី៥និងអាណត្តិក្រោយៗទៀត ។
ឆ្លៀតក្នុងឱកាសនោះដែរ លោកបណ្ឌិត ពេជ សោភ័ន ក៏បានចែកជូនសមាជិក-សមាជិកាចូលថ្មី និងអ្នកចូលរួមក្នុងម្នាក់ៗទទួលបាននូវថវិកា១០.០០០រៀល មួក១ នំប៉័ង១ដើម ទឹកបរិសុទ្ធ១ដប និងថវិកាសម្រាប់រៀបចំពិធីទាំងមូល ដែលសរុបថវិកាទាំងអស់ចំនួន១៨.០១៨.៥០០រៀល ៕
ចែករំលែកព័តមាននេះ