ខេត្តស្វាយរៀង ៖ រថយន្តហុីយ៉ាន់ដាយដឹកដីចំនួន៥គ្រឿងដែលអត់មានស្លាកលេខ និងលិខិតស្នាមអ្វីទាំងអស់ បានត្រូវមន្ត្រីនាយកដ្ឋានស្រាវជ្រាវបង្ការ និងបង្ក្រាបបទល្មើសរបស់អគ្គនាយកដ្ឋានគយ និងរដ្ឋាករកម្ពុជា ស្ទាក់ឃាត់ចាប់កាលពីវេលាម៉ោង៨យប់ថ្ងៃទី៨ មិថុនា នៅចំណុចដំបូកខ្ពស់ ឃុំស្វាយតាយាន ស្រុកកំពង់រោទ៍ ហើយនាំយកទៅរក្សាទុកនៅស្នាក់ការបណ្តោះអាសន្ន
ខេត្តស្វាយរៀង ៖ រថយន្តហុីយ៉ាន់ដាយដឹកដីចំនួន៥គ្រឿងដែលអត់មានស្លាកលេខ និងលិខិតស្នាមអ្វីទាំងអស់ បានត្រូវមន្ត្រីនាយកដ្ឋានស្រាវជ្រាវបង្ការ និងបង្ក្រាបបទល្មើសរបស់អគ្គនាយកដ្ឋានគយ និងរដ្ឋាករកម្ពុជា ស្ទាក់ឃាត់ចាប់កាលពីវេលាម៉ោង៨យប់ថ្ងៃទី៨ មិថុនា នៅចំណុចដំបូកខ្ពស់ ឃុំស្វាយតាយាន ស្រុកកំពង់រោទ៍ ហើយនាំយកទៅរក្សាទុកនៅស្នាក់ការបណ្តោះអាសន្នរបស់គយចល័តតំបន់អ្នកលឿង។
ប្រភពព័ត៌មានពីមន្ត្រីមួយចំនួនបញ្ជាក់ថា កម្លាំងនាយកដ្ឋានដែលចុះស្ទាក់ឃាត់ចាប់រថយន្តខាងលើនេះ ដឹកនាំដោយលោក ព្រាប គារ៉ាត់ ជំនួយការនាយកដ្ឋានស្រាវជ្រាវ បង្ការ និងបង្ក្រាបបទល្មើស និងជាមេគយចល័តប្រចាំតំបន់ព្រៃវែង និងស្វាយរៀង ។ ចំណែករថយន្តហ៊ីយ៉ាន់ដាយទាំង៥គ្រឿងដែលត្រូវឃាត់ចាប់នេះ ជាកម្មសិទ្ធិរបស់ឈ្មួញ២នាក់នៅក្រុងបាវិត ដែលគេលួចនាំចូលមកពីប្រទេសវៀតណាម ដោយពុំមានបង់ពន្ធឬលិខិតស្នាមអ្វីទាំងអស់ ដោយប្រើរូបភាពនាំចូលមកដើម្បីដឹកដីចាក់ឱ្យរោងចក្រមួយចំនួនក្នុងភូមិសាស្ត្រខេត្តស្វាយរៀង ប៉ុន្តែក្រោយមកក៏បានយកទៅលក់បន្តតែម្តង ។ នេះជាការប្រាប់ឱ្យដឹងពីក្រុមមន្ត្រីគយ ។
សូមបញ្ជាក់ថា កន្លងមកធ្លាប់មានក្រុមឈ្មួញលួចនាំចូលគ្រឿងចក្រ និងរថយន្តធំៗគេចពន្ធបែបនេះពីប្រទេសវៀតណាមចូលមកកម្ពុជាតាមច្រករបៀងនានាក្នុងទឹកដីខេត្តស្វាយរៀងបានយ៉ាងរលូនជាច្រើនលើកច្រើនសាមកហើយ ដោយក្រុមឈ្មួញទាំងនោះត្រូវរ៉ូវគ្នាជាមួយមន្ត្រីខិលខូចមួយចំនួននៅតាមច្រករបៀង និងលក់បន្តពីមួយទៅមួយ ដោយពុំបានបង់ពន្ធជូនរដ្ឋនោះទេ ។ ប៉ុន្តែសកម្មភាពនេះ ក៏ធ្លាប់ត្រូវបានកម្លាំងគយចល័តស្ទាក់ចាប់បានជាច្រើនលើកមកហើយដែរ ប៉ុន្តែក្រុមឈ្មួញទាំងនោះនៅតែមិនរាងចាល ព្រោះមុខរបរបែបនេះវាចំណេញច្រើន មួយជើងៗរាប់ម៉ឺនដុល្លារឯណោះ ។ ជាក់សែ្តងរថយន្តហុីយ៉ាន់ដាយទាំង៥គ្រឿងនេះ បើបង់ពន្ធត្រឹមត្រូវគឺមិនតិចនោះទេ ៕
ចែករំលែកព័តមាននេះ