រាជធានីភ្នំពេញ ៖ យុវជន២នាក់កំពុងឈរចាំមិត្តភក្ដិនៅក្នុងហាងចិនមួយកន្លែង ត្រូវក្រុមជនសង្ស័យវាយកាប់ប្លន់យកម៉ូតូមួយគ្រឿងម៉ាកស្គូពីបានដោយសុវត្ថិភាព បង្កអោយមានការភ្ញាក់ផ្អើលកាលពីវេលាម៉ោង២និង៣០នាទីទៀបភ្លឺថ្ងៃទី៨ ខែវិច្ឆិកា ឆ្នាំ២០១៨ នៅតាមបណ្ដោយផ្លូវសហព័ន្ធរុស្ស៊ី កែងផ្លូវបេតុង ភោជ…
រាជធានីភ្នំពេញ ៖ យុវជន២នាក់កំពុងឈរចាំមិត្តភក្ដិនៅក្នុងហាងចិនមួយកន្លែង ត្រូវក្រុមជនសង្ស័យវាយកាប់ប្លន់យកម៉ូតូមួយគ្រឿងម៉ាកស្គូពីបានដោយសុវត្ថិភាព បង្កអោយមានការភ្ញាក់ផ្អើលកាលពីវេលាម៉ោង២និង៣០នាទីទៀបភ្លឺថ្ងៃទី៨ ខែវិច្ឆិកា ឆ្នាំ២០១៨ នៅតាមបណ្ដោយផ្លូវសហព័ន្ធរុស្ស៊ី កែងផ្លូវបេតុង ភោជ
នីយដ្ឋាន ញ៉ូវថោន ដែលស្ថិតនៅក្នុងបុរីញ៉ូវថោន ភូមិព្រៃទា១ សង្កាត់ចោមចៅ៣ខណ្ឌពោធិ៍សែនជ័យ។
ម៉ូតូមួយគ្រឿងដែលជនសង្ស័យវាយប្លន់យកទៅបាត់ម៉ាកស្គូពី ពណ៌ស ស៊េរីឆ្នាំ២០១៤ ឡើងស៊េរីឆ្នាំ២០១៦ ជារបស់ជនរងគ្រោះឈ្មោះ គិន ម៉េងគាង ភេទប្រុស អាយុ២៣ឆ្នាំ មុខរបរជាងកញ្ចក់ ស្នាក់នៅត្រពាំងថ្លឹង សង្កាត់ចោមចៅ១ ខណ្ឌពោធិ៍សែនជ័យ មានស្រុកកំណើតនៅភូមិវ៉ារិន ស្រុកកងមាស ខេត្តកំពង់ចាម និងរងគ្រោះម្នាក់ទៀតឈ្មោះ រ៉ាន់ ឌី អាយុ២២ឆ្នាំ មុខរបរជាងដែក ស្នាក់នៅភូមិដំណាក់ធំ២សង្កាត់ ស្ទឹងមានជ័យ ខណ្ឌមានជ័យ។ ជនសង្ស័យ មានគ្នាចំនួន៥នាក់ជិះម៉ូតូចំនួន២គ្រឿងម៉ាកហុងដាឌ្រីម ទាំង២គ្រឿង មិនចាំស៊េរី ។
តាមប្រភពព័ត៌មានពីជនរងគ្រោះ បាននិយាយថា នៅមុនពេលកើតហេតុ ជនរងគ្រោះទាំង២នាក់ខាងលើកំពុងឈរចាំមិត្តភក្តិ ដែលនៅក្នុងហាងចិនយីហោ ឆាវ ស៊ីង ស្រាប់តែជនសង្ស័យមានគ្នា៥នាក់ជិះម៉ូតូចំនួន២គ្រឿងម៉ាកហុងដាឌ្រីម ទាំង២ដោយមិនចាំស៊េរី បានធ្វើសកម្មភាពយកដាវដេញកាប់ទៅលើជនរងគ្រោះ បណ្តាលអោយត្រូវ មួយដាវចំកំភួនដៃខាងស្តាំ បណ្តាលឲ្យជនរងគ្រោះភ័យរត់ចោលម៉ូតូ ហើយត្រូវក្រុមជនសង្ស័យយកម៉ូតូជនរងគ្រោះជិះទៅបាត់ដោយសុវត្ថិភាព។
ក្រោយពេលកើតហេតុ ជនរងគ្រោះបានទូរស័ព្ទប្តឹងសមត្ថកិច្ចភ្លាមៗផងដែរ បន្ទាប់មក លោកនាយប៉ុស្តិ៍ចោមចៅ៣បានមកដល់កន្លែងកើតហេតុភ្លាមៗ ដើម្បីស៊ើបសួរព័ត៌មានពីជនរងគ្រោះដើម្បីស៊ើបអង្កេតរកមុខសញ្ញាខាងលើមកផ្តន្ទាទោសតាមច្បាប់ តែជនរងគ្រោះពេលភ្លាមៗមិនទាន់បានដាក់ពាក្យបណ្ដឹងនៅឡើង ដោយជនរងគ្រោះត្រូវបានមិត្តភក្ដិបញ្ជូនទៅមន្ទីរពេទ្យ ដើម្បីព្យាបាលសិន ចាំពេលថ្ងៃនឹងមកដាក់ពាក្យបណ្ដឹង ៕
ចែករំលែកព័តមាននេះ