ខេត្តក្រចេះ ៖ សេចក្តីរាយការណ៍បឋមឱ្យដឹងថា កម្មករប្រុស-ស្រីជិត៣០នាក់បានរងរបួសធ្ងន់-ស្រាលនៅក្នុងហេតុការណ៍ក្រឡាប់រថយន្តធុនធំ១គ្រឿងដែលមានដឹកដំឡូងមីផងដែរ កើតឡើងកាលពីវេលាម៉ោង១២ និង២០នាទីថ្ងៃទី០៧ តុលា នេះ ស្ថិតនៅចំណុចផ្លូវជាតិ៧៦ ក្នុងគីឡូម៉ែតលេខ១៤ ភូមិជើងឃ្លេ ឃុំ២ធ្នូ ស្រុកស្នួល ខេត្តក្រចេះ ដែលសង្ស័យបង្កឡើងដោយខ្លួនឯង ខណៈអ្នកបើកបរកាន់ទូរស័ព្ទនិយាយ។
សេចក្តីរាយការណ៍បន្តថា រថយន្តខាងលើម៉ាកហុីយ៉ាន់ដាយ ពណ៌.ស ពាក់ស្លាកលេខកំពង់ចាម 3A-2229 បើកបរដោយឈ្មោះ សល់ ភេទប្រុស អាយុ៤២ឆ្នាំ មានទីលំនៅភូមិជីពាំង ឃុំក្រែក ស្រុកពញាក្រែក ខេត្តត្បូងឃ្មុំ ។ ចំណែកកម្មករទាំងអស់មាន២៧នាក់ ក្នុងនោះរបួសធ្ងន់៥នាក់ ហើយភ្លាមៗត្រូវគេបញ្ចូនទៅមន្ទីរពេទ្យបង្អែក ស្រុកស្នួល ។
បច្ចុប្បន្ន រថយន្តបានយកមករក្សាទុកនៅអធិការដ្ឋាននគរបាលស្រុកស្នួល ដើម្បីរង់ចាំការដោះស្រាយ ។
ព័ត៌មានបន្ថែមនឹងមានផ្សាយជូនបន្ត ។
ចែករំលែកព័តមាននេះ