ដូចតាមគ្រោងបាតុកម្មប្រឆាំង លោក កឹម សុខា ប្រធានស្តីទីគណបក្សសង្គ្រោះជាតិបានចាប់ផ្តើមហើយនៅព្រឹកថ្ងៃទី ០៩ មិថុនា ២០១៣នេះ នៅទីលានប្រជាធិបតេយ្យស្ថិតនៅខាងក្រោយស្ថានទូតអាមេរិកប្រចំាកម្ពុជា ស្ថិតក្នុងខណ្ឌដូនពេញ ។ ក្រុមបាតុករជាច្រើនពាន់នាក់ ដែលដឹកនំាដោយលោក ជុំ ម៉ី ប្រធានសមាគមអតីតជនរងគ្រោះក្នុងរបបខ្មែរក្រហម បាននាំគ្នាស្រែកទាមទារឲ្យលោក កឹម សុខា សុំទោស នូវអ្វីដែលលោក កឹម សុខា ត្រូវបានសម្តេចតេជោ ហ៊ុន សែន មានប្រសាសន៏ជា
ដូចតាមគ្រោងបាតុកម្មប្រឆាំង លោក កឹម សុខា ប្រធានស្តីទីគណបក្សសង្គ្រោះជាតិបានចាប់ផ្តើមហើយនៅព្រឹកថ្ងៃទី ០៩ មិថុនា ២០១៣នេះ នៅទីលានប្រជាធិបតេយ្យស្ថិតនៅខាងក្រោយស្ថានទូតអាមេរិកប្រចំាកម្ពុជា ស្ថិតក្នុងខណ្ឌដូនពេញ ។ ក្រុមបាតុករជាច្រើនពាន់នាក់ ដែលដឹកនំាដោយលោក ជុំ ម៉ី ប្រធានសមាគមអតីតជនរងគ្រោះក្នុងរបបខ្មែរក្រហម បាននាំគ្នាស្រែកទាមទារឲ្យលោក កឹម សុខា សុំទោស នូវអ្វីដែលលោក កឹម សុខា ត្រូវបានសម្តេចតេជោ ហ៊ុន សែន មានប្រសាសន៏ជាសាធារណៈថា លោក កឹម សុខា បាននិយាយថាគុកទួលស្លែងជាកន្លែងសិប្បនិម្មិតនោះ ។
បើគ្មានអ្វីប្រែប្រួលទេ បាតុកម្មនេះក៏នឹងមានការហែក្បួនឆ្ពោះមកកាន់ទីស្នាក់ការគណបក្សសង្គ្រោះជាតិ ស្ថិតនៅក្នុងខណ្ឌទួលគោក ដើម្បីទាមទារឲ្យលោក កឹម សុខា ទទួលខុសត្រូវនូវអ្វីដែលលោកបាននិយាយ និងសុំទោសចំពោះអតីតជនរងគ្រោះនិងព្រលឹងអ្នកស្លាប់នៅក្នុងរបបខ្មែរក្រហមផងដែរ ។
សេចក្តីរាយការណ៏ពីអ្នកឆ្លើយឆ្លងព័ត៌មានកោះសន្តិភាពក៏បានឲ្យដឹងនៅមុននេះបន្តិចថា បាតុកម្មដូចគ្នានេះក៏បានផ្តើមធ្វើនៅសាលាឯកជន ប៊ៀលធី អន្តរជាតិ ស្ថិតនៅតាមបណ្តោយផ្លូវលេខ ៣៦០ ក្នុងខណ្ឌចំការមនផងដែរ ដោយមានការចូលរួមពីថ្នាក់ដឹកនំា សាស្រ្តាចារ្យនិងនិស្សិតជាច្រើននាក់ ៕
ចែករំលែកព័តមាននេះ