ការដែលមានអារម្មណ៍ថា ហ៊ឹងក្នុងត្រចៀក អាចជាបញ្ហាដែលរំខានដល់របៀបរស់នៅប្រចាំថ្ងៃ រហូតដល់មិនអាចគេងលក់បានទៀតផង ។ ការហឹុងក្នុងត្រចៀក មិនត្រឹមតែជាអារម្មណ៍ថាមានសំឡេងក្នុងត្រចៀកជាប់ទេ តែវាក៏ជាអ្វីដែលទាក់ទងនឹងការមានជំងឺក្នុងខ្លួនដែរ ។ ដូច្នេះសូមបង្ហាញហេតុផល ធំៗមួយចំនួនដែលនាំឲ្យមនុស្សយើងហឹងក្នុងត្រចៀក ។
១-អាយុច្រើន ៖ បញ្ហាស្តាប់មិនលឺមួយប្រភេទកើតឡើងដោយសារការចាស់ទៅតាមអាយុ ហើយគេហៅវាជាពាក្យបច្ចេកទេសថា Presbycusis ដែលច្រើនតែកើតឡើងលើមនុស្សអាយុចាប់ពី ៦០ឆ្នាំឡើងទៅ ។
២-សំឡេងខ្លាំងពេក ៖ តើអ្នកមានតម្រូវឲ្យធ្វើការក្នុងកន្លែងដែលមានសំឡេងល ឺខ្លាំងៗដែរទេ ? បើអ៊ីចឹងមែន សំឡេងដែលចេះតែចេញក្នុងត្រចៀកអ្នកគឺបង្កឡើងដោយសារការងារអ្នកហើយ ។ កាលណាអ្នកធ្វើការបែបនេះច្រើនពេក នោះអ្នកប្រឈមនឹងការស្តាប់លែងលឺជាមិនខាន ។ ក្រៅពីនេះការចូលរួមកម្មវិធីប្រគំតន្ត្រី ឬស្តាប់កាសចម្រៀងដោយបើកសំឡេង លឺៗពេក ក៏អាចបង្កបញ្ហានេះដូចគ្នាដែរ ។
៣-ខូចសរសៃប្រសាទ ៖ អ្នកអាចស្តាប់លឺបានដោយសារតែរលកសំឡេងចូលទៅក្នុងត្រចៀក ហើយបញ្ជូនសញ្ញាទៅខួរក្បាលតាមរយៈសរសៃប្រសាទស្រង់សំឡេង ។ ករណីដែលមានគ្រោះថ្នាក់ ឬរបួសលើសរសៃប្រសាទនេះ ឬមានជំងឺសរសៃប្រសាទដូចជា ក្រិនច្រើនកន្លែង សុទ្ធតែអាចបង្កជាការហឹុងក្នុងត្រចៀកបានទាំងអស់ ។ ការមានដុំសាច់នៅក្បែសរសៃប្រសាទស្រង់សំឡេង ក៏បង្កជាបញ្ហានេះដូចគ្នាដែរ ។
៤-ជំងឺលើសសម្ពាធឈាម ៖ ការហឹុងត្រចៀកដែលបង្កឡើងដោយការលើសសម្ពាធឈាម ត្រូវបានសម្គាល់ដឹងតាមរយៈការលឺសំឡេងដូចគេ ដំៗ ឬបាញ់ ប៉ឹកៗ ដែលខុសពីការលឺសំឡេងធម្មតា ។ អ្នកជំនាញនិយាយថា ការហ៊ឹងត្រចៀកបង្កឡើងដោយការលើសសម្ពាធឈាមអាចបង្កឡើងដោយស្ត្រេស និងការញ៉ាំអាហារមានជាតិកាហ្វេអ៊ីនច្រើនពេក ។
៥-អាហារ និងភេសជ្ជៈ ៖ បើយើងនិយាយដល់ភេសជ្ជៈមានជាតិកាហ្វេអ៊ីន វាមានអាហារ និងភេសជ្ជៈមួយចំនួនដែលអាចបង្កើនការប្រឈមនឹងការហឹុងត្រចៀកដែរ ជាពិសេសអាហារ ឬភេសជ្ជៈដែលសម្បូរជាតិស្ករ សូដ្យូម និងខ្លាញ់ Saturated Fats តែម្តង។ ភេសជ្ជៈជាប្រភេទកាហ្វេ និងមានជាតិកាហ្វេអ៊ីន ក៏អាចបង្កជាការហឹុងត្រចៀក ដូចគ្រឿងស្រវឹងដែរ ។
៦-ការប្រើថ្នាំ ៖ វាគឺជាចំណេះដឹងញឹកញាប់មួយដែលថា ការប្រើថ្នាំអាចបង្កជាផលរំខានច្រើន ដោយក្នុងនោះក៏មានការហ៊ឹងត្រចៀកដែរ ទាំងថ្នាំមាន និងគ្មានវេជ្ជបញ្ជា ។ ថ្នាំផ្សះ និងថ្នាំប្រឆាំងការបាក់ទឹកចិត្តគឺជាមេបញ្ហាជាងគេដែលនាំឲ្យហ៊ឹងក្នុងត្រចៀក ។
៧-អាចម៌ត្រចៀក ៖ វាមិនមែនជាបញ្ហាទេក្នុងការមានអាចម៌ត្រចៀកនោះ ព្រោះថា វាពិតជាអាចជួយការពារត្រចៀកអ្នកពីការខូចខាតបាន ។ ប៉ុន្តែបើសិនជាមានច្រើនពេក វាក៏បង្កជាបញ្ហាដល់ការស្តាប់លឺដែរ ។ តាមពិតទៅ ការដែលស្ទះអាចម៌ត្រចៀករហូតដល់ជិត គឺជាមូលហេតុញឹកញាប់មួយនៃការហឹងត្រចៀកដែរ(ប្រភពពី៖ Health.com.kh) ៕
ចែករំលែកព័តមាននេះ