រាជធានីភ្នំពេញ ៖ ធនាគារ ANZ Royal បានប្រកាសថ្ងៃនេះអំពីកំណែទម្រង់ជួសជុលសាខាអូឡាំពិកដើម្បីពង្រីកទីធ្លាបន្ថែមកន្លែងបម្រើសេវាកម្ម និងបំពាក់នូវប្រព័ន្ធបច្ចេកវិទ្យាថ្មី សម្រាប់ពង្រឹងបទពិសោធន៍ធនាគារជូនដល់អតិថិជនរបស់ខ្លួន ។ការជួសជុលកែទម្រង់នេះនឹងមានការពង្រីកបន្ថែមទំហំនៃសាខា៣០ភាគរយ ដែលនឹងផ្តល់នូវទីធ្លាចំណតរថយន្តធំជាងទូលាយជាងមុន ។
រាជធានីភ្នំពេញ ៖ ធនាគារ ANZ Royal បានប្រកាសថ្ងៃនេះអំពីកំណែទម្រង់ជួសជុលសាខាអូឡាំពិកដើម្បីពង្រីកទីធ្លាបន្ថែមកន្លែងបម្រើសេវាកម្ម និងបំពាក់នូវប្រព័ន្ធបច្ចេកវិទ្យាថ្មី សម្រាប់ពង្រឹងបទពិសោធន៍ធនាគារជូនដល់អតិថិជនរបស់ខ្លួន ។ការជួសជុលកែទម្រង់នេះនឹងមានការពង្រីកបន្ថែមទំហំនៃសាខា៣០ភាគរយ ដែលនឹងផ្តល់នូវទីធ្លាចំណតរថយន្តធំជាងទូលាយជាងមុន ។
កំណែទម្រង់សាខានេះ ក៏នឹងមានទីធ្លាផ្ទាល់សម្រាប់អតិថិជនធនាគារហិរញ្ញវត្ថុផ្ទាល់ខ្លួន អតិថិជនផ្នែកពាណិជ្ជកម្ម ព្រមទាំងបន្ទប់ផ្ទាល់សម្រាប់អតិថិជនជាន់ខ្ពស់ ។ ទន្ទឹមនឹងនេះ ធនាគារក៏នឹងមានការពង្រឹងបច្ចេកវិទ្យាទំនើបដោយបំពាក់នូវប្រព័ន្ធគ្រប់គ្រងយ៉ាងមានប្រសិទ្ធភាពឆ្លើយតបទៅនឹងការកើនឡើងនៃការដាក់ និងដកប្រាក់របស់អតិថិជន ។
នៅក្នុងកម្មវិធីបើកដំណើរការជួសជុលនេះ លោក ហ្គ្រែនត៍ ណាក់ឃី អគ្គនាយកនៃធនាគារ ANZ Royal បានមានប្រសាសន៍ថា ៖ «យើងធ្វើការកែទម្រង់សាខាអូឡាំពិក ក្នុងហេតុផលចម្បងមួយគឺ ដើម្បីផ្តល់នូវសេវាកម្មស្តង់ដារដែលល្អជាងមុនទៅដល់អតិថិជន ។ ធនាគារ ANZ Royal ធ្វើការឱ្យតម្លៃទៅលើការផ្តល់សេវាកម្មក្នុងកម្រិតឈានមុខគេលើទីផ្សារចំពោះអតិថិជនក្នុងប្រទេសកម្ពុជា ។ ការបណ្តាក់ទុនរបស់យើងក្នុងសាខាអូឡាំពិកនេះ គឺឆ្លុះបញ្ចាំងពីការបន្តការប្តេជ្ញាចិត្តក្នុងទីផ្សារនេះ» ។សាខានេះនឹងត្រូវផ្អាកដំណើរការចាប់ពីថ្ងៃទី១០ មិថុនា ឆ្នាំ២០១៣ រហូតដល់ថ្ងៃទី២៨ កក្កដា ឆ្នាំ២០១៣ ដើម្បីធ្វើការជួសជុលកែទម្រង់ឡើងវិញ ។ឮ
អតិថិជនសាខាអូឡាំពិកទាំងអស់អាចទៅកាន់សាខាដទៃទៀតរបស់ធនាគារ ANZ Royal ដូចជា សាខាក្រមួនស សាខាវិមានឯករាជ្យ សាខាមាត់ទន្លេ និងសាខាពេទ្យលោកសង្ឃ ។ ក្រុមការងារផ្នែកបញ្ជីប្រាក់ខែនឹងត្រូវបានផ្លាស់ទីទៅកាន់សាខាពេទ្យលោកសង្ឃចាប់ពីថ្ងៃទី៤ មិថុនា ឆ្នាំ ២០១៣ ។ អតិថិជនអាចទំនាក់ទំនងមកកាន់ផ្នែកបម្រើការអតិថិជនតាមទូរស័ព្ទលេខ ០២៣ ៩៩៩ ០០០ សម្រាប់ព័ត៌មានបន្ថែម ៕
ចែករំលែកព័តមាននេះ