រាជធានីភ្នំពេញ ៖ សេចក្តីរាយការណ៍បឋមឱ្យដឹងថា មានការឡោមព័ទ្ធផ្ទះមួយកន្លែង ដើម្បីចាប់ជនសង្ស័យម្នាក់ ដែលជននេះគឺជាបក្សពួកមនុស្ស៨នាក់ដែលប៉ុនប៉ងធ្វើភេរវកម្ម ។ ការចាប់ខ្លួន ធ្វើឡើងកាលពីវេលាម៉ោងជាង១០ព្រឹកថ្ងៃទី០១ វិច្ឆិកា…
រាជធានីភ្នំពេញ ៖ សេចក្តីរាយការណ៍បឋមឱ្យដឹងថា មានការឡោមព័ទ្ធផ្ទះមួយកន្លែង ដើម្បីចាប់ជនសង្ស័យម្នាក់ ដែលជននេះគឺជាបក្សពួកមនុស្ស៨នាក់ដែលប៉ុនប៉ងធ្វើភេរវកម្ម ។ ការចាប់ខ្លួន ធ្វើឡើងកាលពីវេលាម៉ោងជាង១០ព្រឹកថ្ងៃទី០១ វិច្ឆិកា នេះ ស្ថិតត្រង់ចំណុចផ្ទះលេខ184A ផ្លូវលេខ68R ក្នុងភូមិចំការឪឡឹក១ សង្កាត់កាកាប១ ខណ្ឌពោធិ៍សែនជ័យ របស់សមត្ថកិច្ចព្រហ្មទណ្ឌកម្រិតធ្ងន់នៃស្នងការរាជធានីភ្នំពេញ សហការជាមួយកម្លាំងនគរបាលខណ្ឌពោធិ៍សែនជ័យ ។
សេចក្តីរាយការណ៍បន្តថា ជនសង្ស័យខាងលើ ឈ្មោះប៉េង រ៉ា អាយុ៤៨ឆ្នាំ ជាអ្នកធ្វើការ និងចាំដីឱ្យគេនៅម្តុំពេជ្រនិល ដែលការចាប់ខ្លួនគឺធ្វើឡើងតាមដីកា ។ បច្ចុប្បន្ន ជនសង្ស័យរូបនេះ ត្រូវបានបញ្ជូនទៅកាន់ក្រសួងផ្នែកភេរវកម្ម ដើម្បីចាត់ការតាមនីតិវិធី ។
គួររំលឹកថា កាលពីវេលាម៉ោង១រសៀលថ្ងៃទី០២ តុលា កន្លងមក កម្លាំងសមត្ថកិច្ចនាយកដ្ឋានប្រឆាំង
ភេរវកម្ម និងឧក្រិដ្ឋកម្មឆ្លងដែនបានតាមប្រមាញ់ចាប់ខ្លួនមេក្លោងម្នាក់ ពាក់ព័ន្ធទៅនិងមនុស្សប្រុស-ស្រី៨ នាក់ ដែលមានអតីតៈភិក្ខុសង្ឃ១អង្គផងនោះ ត្រូវបានចាប់ខ្លួននៅខេត្តព្រះវិហារ ។
ជនសង្ស័យរូបនោះ គេហៅក្រូច ដែលការចាប់ខ្លួនឈ្មោះនេះ សមត្តកិច្ចបានដកហូតអាវុធមានវែងមានខ្លី និងមានគ្រឿងរំសេវជាឧបករណ៍ដាក់បំផ្ទុះទៀតផង ។ ប្រភពបន្តថា មនុស្សប្រុសស្រី៨ នាក់ ក្នុងនោះមានម្នាក់អតីតជាសង្ឍ រួមទាំងអាវុធ២៨ដើម កាលពីព្រឹកថ្ងៃទី៣០ កញ្ញា ត្រូវបានកម្លាំងសមត្តកិច្ចនាយកដ្ឋាននគរបាលប្រឆាំងភេវកម្ម និងឧក្រិដ្ឋកម្មឆ្លងដែន នាំខ្លួនទៅកាន់សាលាដំបូងរាជធានីភ្នំពេញ ដើម្បីធ្វើការសាកសួរ និង ចោទប្រកាន់ជាផ្លូវការណ៍ ។ ទាក់ទិននិងការបញ្ជូនខ្លួនមនុស្ស៨នាក់ ទៅកាន់សាលាដំបូងរាជធានីភ្នំពេញ ។
ព័ត៌មានលម្អឹងនឹងមានផ្សាយជូនបន្តលើទំព័រកាសែតកោះសន្តិភាព ។
ចែករំលែកព័តមាននេះ