រាជធានីភ្នំពេញ ៖ រថយន្តមួយគ្រឿងបើកបរក្នុងល្បឿនយ៉ាងលឿនរេចង្កូតជ្រុលទៅបុករបងផ្ទះប្រជាពលរដ្ឋបណ្តាលអោយខ្ទេចខូចខាតយ៉ាងដំណំ ដែលហេតុការណ៍នេះបានកើតឡើងកាលពីវេលាម៉ោង១នឹង៣០នាទីរំលងអាធាត្រឈានចូលថ្ងៃទី១ ខែវិច្ឆិកា ឆ្នាំ២០១៨ តាមបណ្តោយផ្លូវបេតុងនៅចំណុចផ្ទះមួយកន្លែងគ្មានលេខ ស្ថិតនៅក្នុងសង្កាត់ឫស្សីកែវ ខណ្ឌឫស្សីកែវ ។…
រាជធានីភ្នំពេញ ៖ រថយន្តមួយគ្រឿងបើកបរក្នុងល្បឿនយ៉ាងលឿនរេចង្កូតជ្រុលទៅបុករបងផ្ទះប្រជាពលរដ្ឋបណ្តាលអោយខ្ទេចខូចខាតយ៉ាងដំណំ ដែលហេតុការណ៍នេះបានកើតឡើងកាលពីវេលាម៉ោង១នឹង៣០នាទីរំលងអាធាត្រឈានចូលថ្ងៃទី១ ខែវិច្ឆិកា ឆ្នាំ២០១៨ តាមបណ្តោយផ្លូវបេតុងនៅចំណុចផ្ទះមួយកន្លែងគ្មានលេខ ស្ថិតនៅក្នុងសង្កាត់ឫស្សីកែវ ខណ្ឌឫស្សីកែវ ។
តាមប្រភពព័ត៌មានពីសាក្សីដែលឃើញហេតុការណ៍បានអោយដឹងថា មុនពេលកើតហេតុ គេបានឃើញបុរស២នាក់ ដោយបុរសម្នាក់ជាអ្នករួមដំណើរ និងបុរសម្នាក់ទៀតជាបើកបររថយន្តមួយគ្រឿងម៉ាកប្រភេទមួយបាំងកន្លះ ពណ៌ទឹកប្រាក់ ពាក់ស្លាកលេខ ភ្នំពេញ ២K-៦០៧៨ បើកបរតាមបណ្តោយផ្លូវបេតុងក្នុងទិសដៅពីត្បូងទៅជើង លុះពេលមកដល់ចំណុចកើតហេតុខាងលើនេះដោយសារផ្លូវងងឹត ហើយស្ងាត់អត់មានដាក់ភ្លើងបំភ្លឺផ្លូវនោះទេ គួបផ្សំនឹងម្ចាស់រថយន្តបើកលឿនផងនោះក៏ស្រាប់តែរេចង្កូតជ្រុលទៅបុករបងផ្ទះប្រជាពលរដ្ឋចំពេញទំហឹង ។
រួចរថយន្តខាងលើជ្រុលទៅបុកគូទរថយន្តមួយគ្រឿងម៉ាកកាម៉ារីបាឡែន ពណ៌ស្ករ ពាក់ស្លាកលេខ ភ្នំពេញ២M-៤៦០២ ដែលចតនៅក្នុងផ្ទះ បណ្តាលអោយក្រពឹតគូទក្រោយតិចតួច និងរងការខូចខាតបាក់របងផ្ទះអស់មួយផ្ទាំង ចំណែកឯរថយន្តបង្កវិញខូចខាតខ្ទេចអស់មួយកំណាត់ខាងមុខទៅមុខលែងរួច ភ្លាមៗនោះដែលទាំងអ្នករួមដំណើរ និងអ្នកបើកបររថយន្តទាំង២នាក់បានរងរបួសតិចតួច ហើយត្រូវបានមិត្តភក្តិដឹកយកទៅព្យាបាលដែលនៅក្បែរនឹងកន្លែងកើតហេតុ ។
ក្រោយពេលកើតហេតុ រថយន្តបង្កត្រូវបានសមត្ថកិច្ចធ្វើការវាសវែងស្ទូចយកទៅរក្សាទុកនៅការិយាល័យចរាចរណ៍ផ្លូវគោក ដើម្បីរង់ចាំដោះស្រាយគ្នានៅពេលក្រោយទៀត ៕
ចែករំលែកព័តមាននេះ