ខេត្តឧត្តរមានជ័យ ៖ ប៉ូលិសអធិការក្រុងសំរោងបានធ្វើការបង្ក្រាបក្រុមក្មេងទំនើង២ក្រុម ដែលផឹកស៊ីស្រវឹង រួចបង្កអុកឡុក ត្រូវឃាត់ខ្លួនបាន១៧នាក់ កាលពីវេលាម៉ោង៨និង៣០នាទី យប់ថ្ងៃទី៣០ តុលា ២០១៨ ។ ហេតុការណ៍នេះកើតឡើងនៅដងផ្លូវសាធារណៈសួនច្បារមុខសាលាខេត្ត ក្នុងភូមិសំរោង សង្កាត់សំរោង ខេត្តឧត្តរមានជ័យ ។
ប្រជាពលរដ្ឋដែលរស់នៅក្នុងក្រុងសំរោងបានឱ្យដឹងថា ប្រជាពលរដ្ឋរស់នៅតែងតែភ័យខ្លាចនៅពេលយប់ព្រលប់ ខណៈមានក្រុមក្មេងទំនើងបានបង្កអុកឡុងស្ទើរតែរាល់យប់ ខណៈនោះជិះម៉ូតូដេញវាយតប់គ្នាពាសពេញតែផ្លូវជាតិ បានបង្កផលប៉ះពាល់ដល់សន្តិសុខពលរដ្ឋនឹងសង្គមជាតិផងដែរ ។
ប៉ូលិសអធិការក្រុងសំរោងបានឱ្យដឹងថា ក្រុមក្មេងទំនើងកន្លងមក តែងតែបង្កអុកឡុកនៅតាមដងផ្លូវ ហើយសមត្ថកិច្ចតែងតែធ្វើការបង្ក្រាបបានជាញឹកញាប់ផងដែរជាក់ស្តែងនៅថ្ងៃទី៣០ តុលា ២០១៨នេះ កម្លាំងប៉ូលិសធ្វើការបង្ក្រាបឃាត់ខ្លួនបាន១៧នាក់ ម៉ូតូរួមទាំងសម្ភារដូចជា កាំបិតស្នាប់ដៃ ក្នុងនោះក្រុមក្មេងទាំងចំនួន១៧នាក់ មកពីតាមបណ្តាសង្កាត់ក្រុងសំរោង ខេត្តឧត្តរមានជ័យ នាំខ្លួនទៅដួសក្អែល រួចឱ្យអាណាព្យាបាលមកធានាទទួលយក ៕
ចែករំលែកព័តមាននេះ